الاثنين، 30 أبريل 2012

عن خزعبلية الذات اتحدث مع تكملة واجبة :)


سلام عليكم

ازيكم :)

يمكن من اول ما دخلت الي عالم العم بلوجر وكنت حيادى فيما اكتب علي اد ما اقدر في ناس فعلا انتقدتني علي الحياد ، وناس تانية اعجبت بالحياد ، وناس تالتة كانت بتشكر علي اي حاجة وخلاص ..وبحترم الجميع ..والجميع علي قلبي زي العسل ...بس بصراحة شايف ان الحياد في بعض الحاجات مش حلو خاصة واحنا داخلين علي انتخابات رئاسية تعتبر من اهم الانتخابات في تاريخ مصر ..


اتفقت او اختلفت مع الانتخابات بس لازم نتفق علي شىء في النهاية ان مصر فعلا بتمر بمنعطف تاريخي ولازم تخرج منه بأقل الخسائر ..

طيب قبل ما ابدأ اتكلم هتكلم في نقطة معينة ومعلش استحملوني فيها ..هتكلم عن نفسي شوية ..فضفضة يعني ..



العبد لله جاء من خلفية زى ما تقول كدة شبه اسلامية ...طبعا ياللي هتقرأ هتقول يعني ايه شبه اسلامية دى يعني مثلا شبه جزيرة ولا ايه ؟

هجاوب عليك هقولك اه ..انا ايام الكلية انضميت لجماعة الاخوان المسلمين واعجبت بيهم في فترة كانوا هما القطب الوحيد للمعارضة السياسية للنظام ..في البيت عارضوني بشدة بس في الاخر كالعادة قالولي جرب وانت اللي اخترت ..حطيت في نفسي ان الاخوان مش هما اللي في دماغي بس ادخل ياواد واتعرف ..اتصاحبت علي ناس كتير منهم ولغاية دلوقت اصدقائي المقربين منهم ..اعجبت ببعضهم ..وكرهت البعض الاخر ..لقيتهم جماعة بشرية زى اي حد فيها الكويس وفيها الوحش ..فيها المتشدد وفيها الوسطي ..اعجبت بقيادات كتير كان اهمهم عبد المنعم ابو الفتوح واللي هتكلم عنه في السطور الجاية شوية ..


المهم خرجت من الجماعة لاسباب كتير جدا ..والكلام من قبل الثورة قولي كدة في 2009 بس بعد ماخدت اللي انا عاوزه فعلا من الناحية الفكرية ..علي فكرة ممكن كدة تقول عليا شخص انتهازى وصولي بحب المنفعة ..الحقيقة ممكن تحسبها كدة ..لكن عن نفسي عمرى ما حسبتها بالمنطق دة خالص ..لسبب بسيط اني بعتبر نفسي من اولئك اللي ملهمش توجه غير التوجه المستقل اخد الفكرة واحطها في دماغي وابلورها حسب معتقداتي ..بس في نفس الوقت ممكن تعتبرني شبه اسلامي لاني اتأثر بالفكرة الاسلامية عموما في السياسة لكن بطريقة الاخوان ..لأ بل وبعارضها شكلا وموضوعا ودة له كلام تاني ..

ليه بتكلم عن نفسي ..

مش منظرة وان كان ليا الحق فدي مدونتي واكتب اللي انا عاوزه بس انا بتكلم في فكرة الحياد نفسه ..اعتبرني من هنا لغاية الانتخابات ومابعدها مش حيادى علي الاطلاق ..هبقي متحيز لفريق معين ولاسباب معينة جدا ومتسقة مع نفسها وبعد تفكير عميق ..

هتلاقيني منحاز بشكل واو بأخر لشخصين

عبد المنعم ابو الفتوح في انتخابات الرئاسة وحزب الدستور بتاع دكتور البرادعي ...يعني تعتبرني دستورى اسلامي فتوحي في نفس الوقت ..ودة زى ما قلت لتفكير عميق جدا وبعد شهور من بعد الثورة ..



هتلاقيني معارض للحرية والعدالة وحزب النور ..اقرب لتفكير حزب الوسط والتيار المصرى ..متبني لافكار ليبرالية شوية لا تتعارض مع المنهج الاسلامي عموما ...فهمت حاجة ؟

الحقيقة ملقتش مبرر لاني اتكلم عن كدة غير للفضفضة في مدونتي العزيزة ..ولايضاح ما يمكن جهله عني ؟؟ مش فشخرة ومنظرة فارغة ولو عاوز تعتبرها كدة اهلا وسهلا انا بتفشخر وبتمنظر عليكم D:

ندخل في الجد

ليه المقدمة الفظيعة دى ..ببساطة عشان البوستات الجاية اللي هتبقي متحيزة لأطراف معينة منها طبعا ابو الفتوح والبرادعي اكتر اتنين دخلوا دماغي من قبل الثورة وبعديها وغاليا كدة بسعي للاتنين دول عشان اتعلم من دماغهم بشكل او بأخر لهدف اسعي اليه .. ..اعتبرني كدة ..ولله النية والقصد ..

نكمل بعد فاصل قصير

هقفل التعليقات والتعليق اللي مش عاجبني هعرضه متقلقش انا ديموقراطي

يالا علق بقي

انتهي



الاثنين، 16 أبريل 2012

خواطر عن الصندوق الاسود


مجرد هرتلة ليس الا

:




يعتقد معظم الناس ان لونه اسود كقرون الخروب او لون " الورنيش اللميع " ،لكن الحقيقة ليست كذلك ،ويبدو ان الناس لها خلفيات قميئة خاطئة مخطئة عن اشياء كثيرة جدا ومنها الصندوق الأسود

لونه برتقالي ، او اصفر ، لماذا تعتقد ايها القارىء عندما يقال لك اصفر او برتقالي يقفز الي ذهنك ان هذه الالوان تدل علي الغيرة ، اليم يقل لك خبراء علم النفس انك تحب الاصفر اذن انت انسان يحمل ن الغيرة الكثير ؟!

الصندوق الأصفر او البرتقالي يحمل الكثير من الاسرار عن المؤسسة الذى يعمل بها ، يسجل اللحظات الاخيرة قبل الكارثة ، من الاهمية بمكان انه يحمل ذاكرة تاريخ اللحظة او ما نسميه " اللحظة الفارقة " بين الماضى والحاضر وربما المستقبل ؟

قفز الي ذهنك حالا عندما قرأت اللحظة الفارقة شعار الشيخ المرشح الذى يريد ان يكون في قصر العروبة لكن للاسف خرج ولن يعود لان الصناديق الصفراء تحتوى من الاسرار من تجعل لحظته الفارقة الي لحظات صعبة وربما سوداء عليه وعلي انصاره ..

يوجد في كل طائرة صندوقان وليس صندوق واحد يقعان في مؤخرة الطائرة يسجلان ما يحدث للطائرة طول فترة سفرها.

§ الصندوق الأسود الأول

وظيفته حفظ البيانات الرقمية والقيم الفيزيائية (الوقت، السرعة، الاتجاه).

§ وأما الصندوق الأسود الثاني :

فوظيفته تسجيل الأصوات (مشاحنات، استنجاد، حوارات).

الصندوقان مجهٌزان ببث غوص يندلع إذا ما غاصت الصناديق في الماء وتطلق إشعارا فوق الصوتي للمساعدة على العثور عليهم. يبث هذا الإشعار على ذبذبة 37,5 كيلوهرتز ويمكن التقاطة في عمق يبلغ 3500 متر (14000 قدم

من ويكيبيديا



بصوته المشمئز ووجهه الذى يراه الشخص يقول في نفسه ..غضب الله عليك ايها اللعين يقول انني احوى تفاصيل اللحظات وماهو قادم وماهو ات ..انا فقط الصندوق ز.انا فقط من يحوى التفاصيل ..انا فقط صاحب المعلومات ..انا الصندوق الاسود ..


الانسان مولع بالمعرفة ..هذه حقيقة حتي الست فتكات او ايا كان اسمها تريد ان تعلم وتعرف وضع كل مافي اللغة العربية من معاني كي تعرف مافي بطنطك من اكل وشرب في هذه الليلة وماذا فعلت مع زوجتك وهكذا الانسان ..لذلك جاءت فكرة الصندوق الاسود لكي يسجل لحظاتنا الاخيرة قبل الفراق ..



هل كان يقصد القمىء المشار اليه انفا انه كان هو ذاته اللحظة الاخيرة ..ربما

الأربعاء، 11 أبريل 2012

لميس في بلاد التهلييس


اينما توجهت ستجدها ، ملئت الابصار برؤياها واستمعت اليها الاذان ، وتعلم منها الزوجات " التمرد " اذا شئنا استخدام هذا اللفظ علي ازواجهم منها ، وحلم الشباب بفتياتها الحسان ، وحلمت الفتيات برجالها ذو البشرة الزرقاء والعيون الصافية المحبة والعواطف الجياشة التي تموج من اعماق الاحاسيس حتي ولو كان كل ذلك في عداد " التمثيل " ليس الا .

انها المسلسلات "التركية "

لن أتحدث عن الامكانيات الجبارة التي يتميز بها "مهند ولميس ، وفاطمة ، وخليل " لأن هذا ليس من قبيل الحديث الذى اريد ان اتحدث عنه ، لكن لابن خلدون مقولة ولا أروع عن هذه الحالة السابقة التي سردها في الفقرة الاولى يقول العلامة المغربي " ان المغلوب مولع دائما بتقليد الغالب " ، او لنقلها بتلك الوصف ان العرب الذين يعانون من الفراغ السياسي والاجتماعي الرهيب والاقتصاد المنهار مولعين بتقليد "الأتراك " الذين يتفوقون عليهم .

لتبسيط المعلومة التي أريد ان اتناولها لابد ان اتطرق الي بعض الاشياء البديهية في عالم السياسة الخارجية ، هناك أدوات لاي سياسة خارجية ، تصور معي ان الدولة الاسلامية الكبيرة التي كانت تتحكم في المشرق والمغرب كانت تتحكم في علوم الأمم ولغاتهم بادخال العربية الي هذه الشعوب ، اذا قررت ان تدخل الاسلام فلابد لك ان تقرأ ماتيسر من القرأن بالعربية في صلاتك ، اذا قررت ان تكون طالب علم في هذه العصور عليك ان تتعلم العربية لتكون لك مدخل لكنز العلوم العربية لتنهل اليها ماشاء ، لذلك القوى دائما يتحكم بشكل لاشعورى في الأمم الاخرى .

اذن اداة من ضمن الادوات الخارجية للسياسة هي ان تستخدم طاقاتك الابداعية الثقافية والفنية في تمدد نفوذك ، وهذا ما تفعله تركيا ببراعة سواء قصدت ام لم تقصد .

الدراما المصرية التي كانت تملأ البصر والاذان كانت من المحيط الي الخليج هي الرائدة ،لكن تأثرت كغيرها من حالة الانكماش المصرى في العقود الاخيرة ليحل محلها اخيرا المسلسلات التركي كأداة "كما انظر " من ادوات السياسة الخارجية التركية .

اذا سألت طفل صغير في شوارع غزة او بيروت او بغداد او الجزائر والقاهرة والرباط او حتي " مقديشو " التي تعاني من المجاعات المستمرة عن اسم رئيس وزراء تركيا سيقول لك بمنتهي البساطة انه السيد " أوردغان " ..وهكذا وجدت تركيا لها منفذا في تمدد نفوذها " المشروع جدا في " منطقة الفراغ الأكبر " المنطقة العربية "

اذن لميس مثلها مثل أى جندى تركي تمارس عملها ببراعة وهي لا تشعر ، فتحطم الجسور ، وتحتل العقول ، بل والاراضي الخالية التي تعاني من البوار الفكرى والثقافي الذى يملأ عقول السادة العرب .

انتهي .....

الاثنين، 9 أبريل 2012

عودة بجد

ازيكم
مش عارف في حد هنا ممكن يدخل او لا
انا لما دخلت مدونتي كنت عاوز ابكي
حاسس انها زعلانة مني اوى بسبب اني هجرتها تماما ومش بزورها ابدا الا بعض الساعات
لما بقرأ اللي كتبته من سنة او اكتر ببقي عاوز اعاقب نفسي اني مش بكتب فيها
مش عارف دي المرة الكام اللي بقول فيها هرجع وميحصلش
الموضوع كله كسل مش تعمد ..ومش عارف بكسل ليه
مدونتي ليها الفضل بعد ربنا اللي خلتني بعرف اكتب خلتني هيثم مش حد تاني
بجد زعلان جدا وبجد عاوز ارجع تاني
خايف اقول انا راجع وميحصلش بس فعلا المرة دي زعلان لدرجة اني عاوز اجبر نفسي علي الرجوع
لازم ارجع الحقيقة
وخلاص اهي الثورة راحت لحالها وكل حي خد الحتة بتاعته وخلاص
ارجع انا كمان لمدونتي اللي غالبا هي اغلي ماعندى في الحياة الان بعد ما كل حاجة بتروح ومش بترجع
مدونتي العزيزة ..انا راجع سواء برضايا او غصب عني

اخيرا رجعت بيتي الاصلي :)

وحشتوني يامدونين جدا ويارب تشوفوا البوست دة وكل واحد يعلق ويقول ماعنده
ملحوظة وبجد مش هزار
انا هكتب تاني بس مش عاوز مناقشات بيزنطية ولافارسية انت تقرأ وتقول رأيك وانا هتقبله
وعليك ان تتقبلني وتعصر علي نفسك لمونة كفاية كل حتة مناقشات وتخوين وانت تبع مين وانا تبع ايه
مش عاوز دة
اكتب وخلاص عشان ورمت والله
ملحوظة تانية
ان انتمائى اني مسلم عربي مصرى
غالبا هبهدل كل التيارات السياسية اللي مش عجباني
يعني هكتب تاريخ وسياسة كمان يالا بقي خليها تخرب
:)
اراكم قريبا جدا باذن الله