الخميس، 27 مايو، 2010

ليسقط الصنم الاكبر


عندما توفي الرسول صلي الله عليه وسلم وصلت افكار الصحابة رضوان الله عليهم الي حقيقة مفادها ان الاسلام دين ودولة وان الرسول كان زعيما دينيا لهم مثلما كان حاكما علي المدينة التي اصبحت في اواخر عهده عاصمة لدولة عربية ناشئة تمتد الي الجزيرة العربية جميعها ..
وصلت افكار الصحابة الي مفهوم الخلافة التي كانت رياسة الدين والدنيا نيابة عن الرسول الكريم ولكن هل امر الرسول الصحابة بمنصب الخلافة ام لا ؟الحقيقة التاريخية تبين ان الرسول ترك المسلمين شورى بينهم يختاروا منهم من هو اجدر علي قيادة الدولة والدين وكان الاختيار الاول ابو بكر كما اوضحت في تدوينة سابقة ..
اما الان اريد ان اوضح مفهوم الخلافة وهل هذا المنصب الذى يعني الان رياسة المسلمين مقدس ام لا ؟
وسأجاوب عن هذا السؤال الهام عن طريق عدة حقائق تاريخية :

1/ عندما توفي الرسول وترك الامر في ايدى اصحابه الكرام قرر الصحابة اختيار من هو اجدر علي هذا المنصب ايانهم فهموا ضمنيا معني القيادة وان الاسلام يأمرهم بالدولة لحماية الدين ونشره ولكن بماذا تلقب ابوبكر ؟
الصحابة اطلقوا علي ابو بكر في البداية خليفة الله ولكنه انكر عليهم ذلك بقوله انما انا خليفة رسول الله ولست بخليفة الله ..

ابو بكر فهم الخلافة علي انها تكليف وليست تشريف ..فهم انها مسئولية انسانية وليست الهية ..
رفض ان يلقب بخليفة الله لانه ليس كذلك لايوجد كائن من كان ان يخلف الله في ملكه ولكن ان تخلف رسول الله فهذا المنطقي والجائز
لان الرسول في النهاية بشر ..
فهم ابو بكر هذه الحقيقة وفهما المسلمون من بعده علي مدار سنين الخلافة الراشدة حتي جاءت الخلافة الاموية ومن بعدها العباسية وتغير المفهوم بالكلية ..

ألف ألف مليون سلامة عليك .. وترجع لنا بألف سلامة وبسرعة .. بصراحة يا سيادة الريس مفيش حاجة في مصر كلها لها طعم من غير متكون معانا .. خدنا علي كده .. شايفينك ليل ونهار رايح جاي عشانا وعشان ولادنا وعشان مصر اللي إنت أكتر واحد بتحبها .. وحياتك كلها كانت عنوان لكل مصري أصيل حب بلاده .. وكان همه كله انها تفضل دايما راسها مرفوعة في العلالي ... يعني فوق .. في السما اللي كتبت منها في73 أحلي أنشودة للنصر ... لسه وهنفضل طول العمر بنغنيها .

2/في عهد الدولة العباسية بالذات ترسخ مفهوم ان الخليفة ظل الله علي الارض وترسخت القداسة علي الخلفاء وذلك يتضح من مقولة ابو جعفر المنصور " انما انا سلطان الله في ارضة اسوسكم بتوفيقه وتأييده وحارسه علي امواله اعمل فيه بمشيئته وارادته فأسألوا الله ان يوفقني الي الرشاد"

وهذا الكلام كان خطير في السياسة الاسلامية وفهما وسأتي بالدليل بعد قليل ..وقد ارتبط اسم الجلالة بالقاب الخلفاء مثل "المعتصم بالله .الواثق بالله .المتوكل علي الله " وغيرهم الكثير وهذا يوضح نهج السياسة العباسية في هذا المفهوم
اما الاثر الشديد علي اذهان الرعية هو عندما سقطت هذه الخلافة علي ايدى المغول وقتل اخر الخلفاء المستعصم بالله ظن المسلمون انها نهاية العالم والخليقة وانها من علامات الساعة وصارووا يؤولون كل ظاهرة علي انه سخط العالم وهذا في كتابات جلال الدين السيوطى وقد كان ذلك نتيجة تدعيم نظرية مانسميه حديثا الحكم الديني ونظرية الحكم المقدس بالاحاديث النبوية التي وظفها الساسة العباسيون في تدعيم قدسية الخليفة العباسي.. حتي ان بيبرس بعبقريته استغل هذه المكانة القدسية للخليفة العباسي واحيا الخلافة مرة اخري في القاهرة بعد سقوطها بثلاث سنوات وبعد النصر المدوى علي المغول ..

صدقني ياريس بكلمك من قلبي .. طول اليومين اللي فاتوا الناس في بلدنا زعلانة أوي .. زعلانين عشان عملت عملية .. حاسين ياريس إن إحنا السبب .. إحنا تعبناك قوي .. طول عمرك شايل همنا وبلدنا مليانة مشاكل .. تعبناك لأنك بدأت من أول السطر .. البلد كانت مفلسة .. يوميها مكانش فيه ولا مليم عشان نشتري قمح .. وساعتها عارفين إنك اتصرفت ياريس .. ومن يوميها بدأت تبني مصر كلها من أول وجديد .. شوارع وبيوت وكهربا وميه وتليفونات .. هَم مايتلم !! لكنك كنت قدها وقدود ..

3/هذه القدسية المخالفة لتعاليم الاسلام هناك من يرجعها الي الفرس والروم الذين تأثر بها المسلمون بعد الفتح وتعلم فنون السياسة من هاتين الدولتين الغابرتين حيث نجد الخليفة العباسي يحتجب عن الناس وسمى الحاجب بصاحب الستر اي الذي يستر الخليفة عن اعين الرعية وكذلك وجدت طريقة خاصة للتسليم علي الخليفة مثل تقبيل الارض او ذيل الثوب وهذه تقاليد فارسية بالاساس
ولا اجد خير مما كتبه الفخري في كتابه العظيم في الاداب السلطانية " ان هذه الدولة قد ساست العالم سياسة ممزوجة بالدين والملك فكان خيار الناس يطيعونها تدينا والباقون رهبة ورغبة "

بصراحة إحنا عارفين .. عارفين إنت عملت إيه لبلدنا .. وازاي حافظت عليها من كل المؤامرات .. لكن دايما إحنا بننسي .. أصلنا طماعين !! وما صدقنا إن فيه واحد بيحبنا وبيسمعنا وعمره ما زهق ولا هيزهق مننا .. وهنفضل دايما نقولك عايزين وعايزين .. وعمرنا ماهنقولك كفاية .. أصل البحر بيحب الزيادة . وإنت طلعتنا من القمقم يا ريس .. كنا فين وبقينا فين .. معدش حد في وجودك يا ريس ممكن يروح ورا الشمس .. وزوار الفجر يا ريس .. خدوها من قصيرها من يوم ما اختارك شعبنا عشان تكمل بينا المشوار .

4/ هناك من شذ عن هذه القاعدة وفهم الخلافة بمفهومها الاصلي وهذه الخلافة كانت في الاندلس وسأسوق اليكم مثال بسيط اختم به هذه التدوينة ..كانت هذه الخلافة الاموية بالاندلس وكان الخليفة الاول لها عبد الرحمن الناصر وكان قد اسس هذه الخلافة علي اسس ديموقراطية في هذا الزمن حيث ترك للناس حرية نقده وتعنيفه احيانا دونما اي اذى من جانبه وقد حدث بالفعل ذلك عندما عنفه
قاضي قرطبة منذر بن سعيد البلوطي يوم الجمعة علي المنبر وعاب عليه الاسراف الشديد في المبالغ المخصصة لمدينة الزهراء
وكان ذلك امامه في صلاة الجمعة وعندما خرج الناصر من الصلاة قال لوزراءه "لقد تعمدني منذر بخطبته فاسرف علي وافرط في تقريعي وتفزيعي ولم يحسن السياسة في وعظي فزعزع قلبي وكاد بعصاه يقرعني " واقسم انه لن يصلي وراءه مادام حيا وقد كان ..

عايزينك ترجع بسرعة ياريس عشان القدس تفضل عربية .. واخوانا البعدا يبطلوا حركات النص كم اللي بيضحكوا بيها علي بعض العرب .
من مقالة ممتاز القط في اخبار اليوم
بعض معلومات التدوينة من كتاب في تاريخ الحضارة الاسلامية العربية
د احمد مختار العبادي

تحياتي
ويسقط الصنم الاكبر

هناك 19 تعليقًا:

Tears يقول...

عجبنى جدا انك بدأت من تاريخ الوفاة ثم قلت وصلت أفكار الصحابة

اى وصلت أفكار البشر و هنا مكمن المشكلة فكل ما حدث بعد هذا التاريخ كان اجتهادات لبشر يؤخذ منهم و يرد و تصرفاتهم ليست حجة على الاسلام و صراعاتهم السياسية الدموية و استغلالهم للدين و تسيسيه لخدمه اغراضهم الدنيوية امتد ليومنا هذا و اساء للاسلام أشد أساءه لم يكن اعداؤه ينجحوا فى احداث مثلها

انا على قناعة ان مكان الدين هو القلب فهو علاقة روحية خاصه بين الانسان و ربه و أفضل شىء ان تترجم فى عمله فنرى أمانه و اخلاص و صدق و تفانى اما المظاهر و المزايدة و فرض الوصاية على الاخر فكلها سمات ضعف و نقص

تسيس الدين دنس الدين لان السياسة تقوم على الكذب و الخداع فهى لعبه اما الدين فهو مقدس و خلط المقدس بغير المقدس بل بالرياء و التدليس و الاغراض السياسية اساء للدين كثيرا

أتمنى ان نعود ستين عام للوراء...نعود لاسلام روحانى هادىء منعكس فى السلوك و العمل مش فى الصخب الفارغ

(ست* جنى* الحسن) يقول...

سلامو عليكو..
اسلوبك فى سخرية راقية ومعبرة عن المعنى.
لك تحياتى

عطش الصبار يقول...

احيانا يا هيثم ما بالاقيش رد على بعض بوستاتك غير الشعور باالالم التاريخ بيعيد نفسه بدون امل فى تغيير اوامل ان يقرأ حكامن التاريخ ويحاولوا الايكرروه
باحس بالالم لاننا فى عصرنا الحالى بنعيش العصور الوسطى بكل تفاصيلها
تحياتى

حفيدة عرابى يقول...

موضوع جميل
بس حرام عليك تنزل بينا لسابع ارض
القط وسط كلام عن الخلافة فظيع
المعنى واضح
حالنا اتدهور لدرجة ان كلامهم بينشر فى صحف قومية
الله يرحم ابو بكر لما قال
ان احسنت فاعينونى وان اسأت فقومونى

ستيتة حسب الله الحمش يقول...

تضاد يبرز المعنى ويوضحه
هي دي اللي خبطت في نفوخي وانت واخدنا من الناس الموقنة بأن الدنيا ماهي الا دار عبور لناس باعت نفوخها وباعت معاه كل شيء له قيمة
تسلم ايدك يا هيثم
رائعة

شذا الروح يقول...

السلام عليكم

ماشاء الله عليك
اسلوبك رائع ربنا يباركلك يارب

MR.PRESIDENT يقول...

فليسقط الصنم الأكبر .. طبعا انا عارف قصدك يا وحش .. انت قصدك البرادعي مش صح ولا حسن شحاته ولا احمد نظيف .. اصله مفيش اكبر من كده في مصر .. اخرتك عمك الحاج أبو حميد ..
أنا ضد فصل الدين عن الدولة لأنه الدين بيمدنا بأخلاقيات نشأة الدولة وأساسها .. لكن برضوا نحن في حاجة لفصل الإحترام الممزوج بالنفاق او النقد الهدام ..

المقال حلو ... واسلوبك حلو .. لكن احنا في عصر بقينا بندعي الدين ولكن نحن هوائين .. كما قلت اكثر من مرة أصاب روجيه جارودي بقول " التأسلم داء الإسلام "

أي ادعاء المسلمين أنهم جيدون هو سبب تأخرنا ..

مش هننجح أبدا إلا لم الصنم قصدي الراس الكبيرة اللي هوا حسن شحاته بالطبع يتحاسب

تحياتي

خواطر شابة يقول...

انه الفرق بين اناس متيقنون ان الدنيا مجرد محطة عبور وبين اناس جنتهم توجد فقط على هذه الارض. يحضرني الان ما قاله محمود ياسين لاحمد السقا في فيلم الجزيرة عندما ولاه خلافته لاأذكر الكلمات بالضبط لكن معناها "انه اللي زينا يابني جنتهم توجد على هذه الارض فلازم نأخذ منها على قد منقدر لان اللي مستنينا عند ربنا وقت الحساب مش سهل"
تحياتي

richardCatheart يقول...

انا متاكده انك ختمت بالكلمتين بتوع ممتاز القط علشان تضحكنا هههههههههه على فكره هو قط اه بس مش من العيله

ديما فى تحليلك ومنطقك وثردك للتاريخ بتاكدلى اللى بفكر فيه
بعد وفاه النبى الكريم صلوات الله عليه وعلى ال بيته وصحبه اجمعين ليوم الدين

لفتره اعتبرها طويله الحكم من بشر على اساس دينى صحيح
تم بنجاح باهر فى الوقت دا واعتبره باهر لعدم وجود المصطفى فيه

بعد توجه الدين للسياسه كاسياسه فقط فقد مدمونه وجوهره على ايديهم وكل اللى حصل بعد كده الدين والاسلام براء منه

والدليل الشكل اللى قدمته فى شكل الخليفه فى الدوله العباسيه وشكل الكلام واد ايه الحكم بالاسم والالتصاق به كاشكل للحمايه من غضب الناس وليس كادستور مطبق
فى الحياه بشكل عادى وتلقائى
وكانت النتيجه سقوت الدوله والصنم الاكبر

جميل كالعاده وبستفيد منك كتير ياهيثم
وليسقط الصنم الاكبر

ليله شتاء يقول...

السلام عليكم
****

جزاك الله خيراا

وصوتي معك فليسقط الصنم الأكبر!!!

أسلوب حضرتك في سرد التاريخ ما شاء الله جمييييل جدااا

دام قلم

LOLOCAT يقول...

فلتسقط كل الاصنام ولتمحى كل الاقزام
لافرق بين صنم كبير واخر صغير
اصبحنا فى دنيا تعشق الصلاة امام نعال الاصنام وتقبل احذية الاقزام

لكن يأبى الله إلا ان يتم نوره

الاسلام منهج حياه لا فرق بين القلب والجوارح والتشريع الاسلامى هو الذى يجب ان يسوس ..واى خلاف او خطأ الاسلام منه براء والخطأ بالبشر التى لا تفقه كيف تسوس وتقود
ربما طمست اعين ...ربمما خارت القوى الشرعية الاسلامية
لاسباب لسنا فى موضع تحليلها
لكن من شرع ومن سن القانون الفطرى للانسان هو الله سبحانه وتعالى قادر ان يذهب بنا وياتى بقوم غيرنا يسبحون الله ويعلون لواءه الحق

الاصنام صنع ايدينا كما فعل السابقون مع فرعون وهامان الحل ليس فى تكسير الصنم الحل اخى فى تكسير
السلبية والانقياد المسلوب الارادة بداخلنا
والثقة فى من قال /إن تنصروا الله ينصركم ويثبت اقدامكم

اذا كنا نعيب الاشياء قتلك الاشياء صنع ايدينا فلنتغير نحن وبعدها ستتغير الدنيا كلها

رائـــــــــــع كالعادة
تحياتى

ماجد العياطي يقول...

هههههههههههههههه

جميله ياهيثم مزج جميل ومعناه واضح

بس المشكله ياهيثم ان الصنم ده عايز يخلي احفاده اصنام

زيه

الله والعمل

التدوين ما بيقومش دول ولا بيسقط دول

لكن تدوينه ممتازه ياحبي

احييك عليها

وفقك الله

sal يقول...

عجبنى الموضوع والصورة المرفقة
واسلوب الربط بين الماضى والحاضر

التدوين مهم حتى لو ساهم بقدر بسيط فى زيادة مساحة الوعى لدى الناس
وعايز اقول لصديقى ماجد ...لو انت داخل عالم التدوين
آملا فى تغيير الاوضاع تبقى غلطان
وبلاش تكسير مجاديف حبيبك وحبيبنا هيثم

هههههه
تحياتى وتقديرى

ماجد القاضي يقول...

أخي هيثم..
أعجبني الموضوع جدا.. فهو من المواضيع الهامة التي توضح المكانة الحقيقية للحاكم في شرعنا..

كما أعجبني أسلوب الدمج والمقارنة.. فهو يوصل المطلوب بطريقة سلسلة وممتعة..

تحياتي وبالتوفيق.

مهموهـــــــة يقول...

هيثم بوست رااااااااااااائع اوي و انا كنت قرات الموضوع ده في الجريدة من يومها فعلا و قعدت اضحك على نفسنا
و فيه ناس كانت اتكلمت عليها في مدوناتهم
فعلا قعدت اضحك و الله على حالنا
قد ايه احنا وحشين و طماعين يا ريس
ههههههههههههههههههههههه
و الله هم يبكي و هم يضحك

ماشاء الله عليك يا هيثم كل يوم بيزيد احترامي لعقلك و افكارك و شغلك المتقن
ربنا يوفقك يا رب
و اسفة معلش اني اتاخرت بس اصلي مشغولة شوية اليومين دول

خالص تحياتي و تقديري

عفوا أنا أميرة يقول...

عجبنى جدااا طريقة العرض دمج الفكرتين مع بعض فكره جميله، بس عندى استفسار ربنا سبحانه وتعالى قال فى كتابه الكريم ...إنى جاعلٌ فى الرض خليفه...يعنى احنا فعلا خلفاء الله فى ارضه ولكن أعتقد أن موقف سيدنا ابى بكر يقصد بيه أنه مش نبى.. عموما عندى لبس فى المعلومة اللى طرحتها لو أمكن توضحهالى أكتر
جزاك الله خيرااا على المعلومات

كلمات من نور يقول...

طيب أقول إيه انا بقى؟؟؟؟؟ بد هذا المزيج حاقول ما قاله رسول الله المصطفى وهو يحطم الأصنام في مكة بيده الكريمة : جاء الحق وزهق الباطل إن الباطل كان زهوقا ............قادر كريم ربي يردنا لدينه ردا جميلا فنحن اصناما صنعناها بأيدينا وعبدناها والعياذ بالله سنينا ...........تحياتي يا صانع التاريخ

داليـ ـ ـ ـ ـ ـ ــــا يقول...

أستاذ هيثم
حسيت فى كلامك بنوع من التريقه
وياريت يكون إحساسى صح
أصل لو غلط هزعل
أه بجد
أصل إحنا مش مبسوطين من الإ بيجرا فى بلدنا ده

يارب اكون قادره افهمك لأ اول مره اتعامل معاك ومعرفش اسلوبك
بس من ردك ع الكومنت ده هقدر احدد ان كنت فهمتك فعلا ولا لاء

تحياتى

Haytham Alsayes يقول...

السلام عليكم جميعا

اسف لو مردتش علي حد منكم لاني مشغول شوية
فاعتذر ولكن عاوز ارد علي
عفوا انا اميرة

عشان اوضح اللبس
ابو بكر الصديق لم يحب لقب خليفة الله لانه ببساطة مينفعش
حد يكون خليفة الله لان الله لايغيب ولايموت مثل البشر اذن لا احد يخلفه تعالي
اما عن الايه الكريمة المقصود بها علي حسب فهمي وسمعي من العلماء المقصود بها خلافة الارض والتعمير فيها والابداع في كل ركن من اركانها وممكن تسألي حد متخصص في تفسيرها ....تحياتي الشديدة لكي


ممكن كمان ارد علي داليا
بما انها اول مرة تعدي علي مدونتي عشان متزعلش بس
ههههههه
ارد علي تساؤل ليها
هو التريقة علي الاوضاع اكيد منها مكنتش حطيت الاخ القط اللي انا اساسا مبحبش اقراله ولاهو ولازيه من المنافقين بس حبيت احطها عشان اوضح واكد كلامي في السياق التاريخي
بس طبعا المعلومات التاريخية مفهاش تريقة وهي معلومات صحيحة جدا

تحياتي لكي ياداليا


اكرر اسفي واعتذاري للجميع