الخميس، 10 يونيو 2010

اسكندرية مرية




يقول في وصفه لمدينة الإسكندرية "ثم وصلنا في أول جمادى الأولى إلى مدينة الإسكندرية حرسها الله، وهي الثغر المحروس والقطر المأنوس، العجيبة الشأن الأصيلة البنيان، بها ما شئت من تحسين وتحصين، ومآثر دنيا ودين، كرمت مغانيها ولطفت معانيها وجمعت بين الضخامة والإحكام مبانيها"

هكذا بدأ ان بطوطة في وصف الاسكندرية عندما جاء الي مصر في سياحته في اراضي المسلمين ووصف هذه البلاد
علي اية حال لن اسرد حكاية ابن بطوطة فهذه التدوينة بقدر ما اسرد حكاياتي الجميلة مع المدينة والتي اعتبرها معشوقتي بين المدن اذا كانت دمنهور تمثل لي الجذور والام الرؤوم فالاسكندرية تمثل لي الحبيبة التي ارتاح اليها واريد ان افضفض اليها و..لن اتكلم عن نفسي فقلت قبل ذلك لم افتح هذه المدونة للكلام عن الجهبذ العلامة رفيع الشان المعي المخ صاحب المدونة اذا كنتم تظنون ذلك ولكن سأتكلم عن المدينة او جانبا منها في نطاق رحلة سياحية تاريخية من طراز خاص ولن تجدوا هذه الرحلة في مكان اخر ..ليس للرحلة شروط الا شرط واحد لن اذكره الان ..
امممم ..جاهزين ..ننطلق اذا


اول ما نبدأ الزيارة سنبدأ بسيدى جابر ..كما يسميه السكندريون ..دفن في الحي الذى يسمي باسمه هو في الاصل ليس شيخا ولا قطب من اقطاب الصوفية ولكنه كان رحالة كأبن بطوطة واسمه بالكامل ابو الحسين محمد بن جبير البلنسي الاندلسي ..وهو الرحالة الشهير الذى ترك الاندلس من اجل هدف واحد وهو ان يشاهد دول ومدن الاسلام ورحلته معروفة ولكنه في نهاية عمره احب الاسكندرية ربما لانه ذكرته بذكرياته في الاندلس واستقر في المكان الذى سمي بسيدى جابر وهو تحريف لاسمه المعروف بابن جبير ..

الترام الازرق ..يعني الرمل وفكتوريا
الترام الاصفر يعني راس التين والمنشية وبيعدى علي العطارين
متركبش مشروع ..وحش



لا افهم الحقيقة ارتباط الاندلسيون بالاسكندرية من الممكن ان نفسرها بتقبل السكندريون بهم او لان جو الاسكندرية يشبه الاندلس او ماذا مسأله تحتاج الي بحث ..لم يكن ابن جبير الوحيد من بني جلدته الاندلسيين من العيش في الاسكندرية فقد عاش اخروون منهم بالطبع الامام الشاطبي وهو ماينسب اليه حي الشاطبي الان ..
هو ابو عبد الله بن محمد بن سليمان المعافري الشاطبي الذي ينسب الي مدينة شاطبة ..وهو غير الامام ابو اسحاق الشاطبي دفين القاهرة ...
والشاطبي الان يضم عدة منشأت هامة من بينها مكتبة الاسكندرية ..مستشفي الشاطبي ..مبني الجامعة
المجمع النظرى الذى يضم كليات الاداب ..التربية ..السياحة..الحقوق ..التجارة
ويضم ايضا نادى الاتحاد السكندري

جدووو..مدد مدد الاتحاد سيد البلد
علي فكرة جدو من البحيرة
ولعب في دمنهور

واحد من اكبر اقطاب الصوفية في الاسكندرية ويقدره السكندريون كثيرا ولكن من العيوب الحلف به فهو خطأ اكاد اقول عليه شنيع ان تجد رجل يحلف بأنسان ويترك الحلف بالله من اجل انسان ولكن ليس كل السكندريين بالطبع
المرسي ابو العباس
ايضا اندلسي من مدينة مرسية الاندلسية
يقام في كل سنة مولد له ويحرص السكندريون علي حضور المولد والتبرك به وهذا ايضا من العيوب ولكن لسنا بصدد
الافتاء او ابداء الاراء الدينية في هذه القضية كلكم ادري بهذا مني

بخلاف ذلك كانت الاسكندرية في العصر الاسلامي تعتبر رباطا للمغاربة والاندلسيين الذين جاءوا اما للحج ثم الاستقرار بالمدينة او الجهاد في فترة الحروب الصليبية وتجند هؤلاء المغاربة والاندلسيين باعداد كبيرة في جيش صلاح الدين لدرجة بناء صلاح الدين لهم في المدينة بيمارستان (مستشفي )خاص بهم واوقف عليهم مأكلا يوميا ومع تزايد سقوط المدن الاندلسية جاء عدد كبير منهم الي المدينة ..
نستخلص من ذلك ان سكان الاسكندرية اليوم خليط من المغاربة والاندلسيين الي جانب العرب الفاتحين الذين استقروا بظاهرها واستقروا في بعض الاحياء مثل بركة جذام بكوم الدكة ..ابو قير وغيرها
جومة وفلافل
اخوووياااااااااااااا
ايووووووووو
نضرب بلانص
بعض الالفاظ السكندرية الخالصة

كما يوجد عالم كبير وامام كبير نزل الاسكندرية من الاندلس وهو ابو بكر الطرطوشي والذى دفن بحي الجمرك الان ويسميه اهالي الحي بسيدى الطرطوشي ..

عاوز فول وفلافل ..يبقي محمد احمد
عاوز سمك ....يبقي قدورة

من ضمن صفات السكندريون في العصر الاسلامي انهم كانوا مركز المعارضة السياسية لكل ظالم متجبر وذلك لاختلاط المغاربة والاندلسيون بهم وهم قوم اتتين من مناطق جبلية وعرة وصفاتهم الاساسية هي الثورة والانفصال
كانت الاسكندرية مركز معارضة شديدة علي ولاة العصر العباسي ومن بعدهم ايام الدولة الفاطمية حيث كانت المدينة الوحيدة التي احتفظت بسنيتها خلافا لكل مصر الذي بدأ التشيع ينتشر بها بفعل الدعوة الفاطمية خدمة للدولة الجديدة
وكان الاحتفاظ بالسنية كرد فعل طبيعي للمعارضة الكامنة في صدور اهالي المدينة ولذلك كانت بداية صلاح الدين في الاصلاح منها حيث احبها وزارها 4 مرات واصلحها واستعان بعلمائها لارجاع المذهب السني الي مصر

ثورات ومعارضة اممم
شدوا الهمة عاوزين نشوف

كما زارها بيبرس 4 مرات اسوة بصلاح الدين وانتهت المعارضة في عهد المماليك والايوبيين بسبب انشغال مصر بالجهاد ضد الصليبيين والمغول من بعدهم ثم الازدهار التجارى التي شهدته المدينة بعد كل هذه الحروب
والغريب ان الاسكندرية حافظت علي تجارتها واقتصاديتها القوية في ظل كل هذه الحروب ولم تتأثر اطلاقا بها

مينا شرقي ..مينا غربي
اسكندرية مرية وترابها زعفران

قلعة قايتباى التي بناها السلطان الاشرف ابو النصر قايتباى 884 هجرية وهي مكان منارة الاسكندرية القديمة التي تهدمت في زلزال مدمر سنة 702 هجرية لتختفي من الوجود ويكون مكانها القلعة التي كان الغرض منها الدفاع عن سواحل مصر حيث كانت بثابة قاعدة بحرية قوية علي الشواطىء الشمالية وهي الان بحى الانفوشي

اسكندرية مرية
دائما ما نسمع هذه المقولة وهي ايضا لها اصل تاريخي حيث سماها الاندلسيون تشبها بمدينة المرية بشرق الاندلس

حمد الله بالسلامة
الرحلة انتهت
اه نسيت ان اذكر شرط الرحلة
ممنوع دخول الاسكندرانية

المعلومات الواردة
من بحوث د سحر عبد العزيز سالم عن مدينة الاسكندرية


هناك 43 تعليقًا:

أنا - الريس يقول...

بجد تسلم الأيادي علي المعلومات الشيقة اللي في الرحلة .. انا كل ذكري ليا في اسكندرية إن الرحلة اللي رحتها في الكلية كنت هغرق في بحرها ..
عموما تحياتي
أما عن كون انك فاتح المدونة للاحداث مش لنفسك .. فالعبدلله رأيه إن نشر فكرك وخواطرك نشر لنفسك .. ومفهاش حاجة لما تعرفنا عليها .. كفاية انك من بلد زويل .. طبعا الدكتور احمد زويل هوا اللي حقته يفتخر انه دمنهور زيك .. وفعلا هوا افتخر في الفصل الأول من كتابة ..
عموما المعلومات فعلا ظريفة .. وانت نسيت معلومة نحوية هههه .. ان الإسكندنية .. بيزودا حرف الأووه في الكلام .. بنرحوووه .. بنحبووووه .. كدا يعني ..
البلانص .. جيه من كلمة " بلاس " وهيا تعني التوازن او هكذا سمعت ..
واو مره اسمع ان المدينة سكنها الأصلين اندلسين ومغاربة .. وربما ذلك هو اللي ناشر كلمة " سيدي المرسي مثلا" لأن المغرب العربي متأثر جدا بالنظام الصوفي مثلا " سيدي عبدالقار الجيلاني " ربنا يهدي الجميع .. وتحياتي .. لكي للمرة المليون بجد علي المعلومات اللي استفدتها ..
في امان الله

خواطر شابة يقول...

رحلة جميلة مع لمحات تاريخية عن المدينة شكرا لك على الافادة وعقبالما فيوم ربنا ييسر ونشوفها على الطبيعة ان شاء الله
تحياتي وودي

richardCatheart يقول...

احتلالالالالالالالالالالالالالالالالالالالالالالالالالالالال

ايون احتلالالالالالالالالالالالالالالالالالالالالالالالالال

ايه حد ليه اعتراض

بلدى وهاحتل برحتى

هججججججججججججججججججججججججوم

درجن درجن درجن درجن دا طبعا صوت رجل الحصان

richardCatheart يقول...

نعلق بقى على بويت من اجمل ماتكلم عنه رجل التاريخ

هيثم بيك

والله بشكرك جدا على بوست الجميل عندى اعتزاز رهيب فوق ماحد يتخيله باسكندريه بتغزل فيها وانا فيها

لما قريت كلامك دا حاسيت بنتشاء غريب دماغ كده على الصبح ههههههههههههههههه

طبعا فى معلومات كتير فى البوست جديده عن المشايخ
اول مره اعرف ان كل دول اصلهم اندلسى كنت عارفه الشاطبى وابو العباس
وطبعا معاك فى موضوع التمسح والتضرع للمشايخ
انا عن نفس قعدت فتره مابصليش فى المساجد اللى فيها
مقام لغايه ماسمعت كلام لفضيله الشيخ الشعراوى كرمه الله ورحمه ورفع شانه انك بتتجه للقبله فا مالكش دعوه وانت بتصلى بالمقام الموقام فى المسجد بس الاول كنت بخاف من شبه الحرمانيه حقيقى
وطبعا انت عارف المشكله دى فى كل مصر التضرع للمشايخ وجعلهم وسطه لله والعياذ بالله

عجبنى كلامك عن اننا ثورجيا ايوا محمد كريم ماجبتش سيرته ازاى ههههههههههههههه

عجبنى كلامك عن اخطلات الاعراق هنا ودا حقيقى ولغايه دلوقتى كتير مغاربه او توانسه مابيحبوش مصر
بس يحبو اسكندريه فعلا ويجو ينزلو هنا فى كتير عن طريق شغل الحج ريتشارد جوزى واقوله مابيحبوناش بيجو ليه
يقولى بيحبو اسكندريه اوى طبعا كلامك وضحلى السبب


لما بتيجى سيره اسكندريه الموزة الحلوه اللى زى القمر
فى التاريخ فى جنب جزء ممعين فى مخىوانا بقراء او بعلق زى دلوقتى بيفكر ومتخيل اسكندريه فى عهد البطالمه
ومكتبه اسكندريه القديمه والناس والشكل والاصول
دى فتره من الفترات اللى نفسى اخد اله الزمن بتاعتى واعيش فيها يومين بس على الله ماتعطلش منى واتزنق هناك على طول


والله ماتتصورش انا مبسوطه قد ايه وسعيده بالبوست دا اد ايه
واسمحلى اؤدام شويه هاعيد نشره باسمك فى مدونتى قلب القطه دا بعد اذنك طبعا

تحياتى ليك يا رجل التاريخ الذى اذا تحدث نطق التاريخ

واييييييييييييييييييييييييييييو ياجدعان

♥♥ شذا ♥ الروح ♥♥ يقول...

السلام عليكم ورحمة الله وبركاته


معلومات جميله اووى
على فكرة اسكندريه دى بعشقها وبحبها موت من احب المدن اللى بحب اسافرها بإستمرار

دمت بكل الخير

-_- يقول...

رائعة هي الاسكندرية

Tears يقول...

شوقتنى ازور اسكندرية و لو انى بزعل اوى لما اشوفها دلوقتى و قارنها بصورتها عندى من عشرين سنه

صحيح بقى فيه تطور معمارى و مولات و تم توسيع الكورنيش بس الناس ماعدتش هى الناس...مش دول أهل اسكندرية اللى لما اتولدت شفتهم...لا ده كان سلوكهم و لا ده كان شكلهم

جايز من كتر الهجرة للاسكندرية من مختلف المحافظات معالمها اطمست و جايز السنين هى اللى مش بتسيب حد على حاله و يمكن د شوطة فى البلد كلها...مش عارفه بس ماعدتش بفرح لما اروحلها زى زمان

جايز انا اللى اتغيرت و بعدت

sal يقول...

عاد الرسل إلى المقوقس، وقد وقع في نفوسهم ما عند المسلمين من بساطة وإيمان فقالوا: "رأينا قوماً الموت أحب إلى أحدهم من الحياة، والتواضع أحب إلى أحدهم من الرفعة، ليس لأحدهم في الدنيا رغبة ولا تهمة، إنما جلوسهم على التراب، وأكلهم على ركبهم، وأميرهم كواحد منهم، مايعرف رفيعهم من وضيعهم، ولا السيد منهم من العبد، وإذا حضرت الصلاة لم يتخلف عنها منهم أحد، يغسلون أطرافهم بالماء ويخشعون في صلاتهم".


فرح المقوقس بعودة الرسل، وطلب من عمرو أن يبعث إليه وفداً من المسلمين للتفاوض، فأرسل عمرو عشرة من رجاله أحدهم عبادة بن الصامت، وكان عبادة أسود شديد السواد، وأمرهم أن يكون هو المتحدث، بشرط ألا يتجاوز البدائل الثلاثة، فلما دخل عبادة على المقوقس هابه وقال: "نحوا عني ذلك الأسود وقدموا غيره يكلمني".. فقالوا: "إن هذا الأسود أفضلنا رأياً وعلماً، وهو سيدنا وخيرنا والمقدم علينا، وإنما نرجع جميعا إلى قوله ورأيه، وقد أمره الأمير دوننا بما أمره، وأمرنا ألا نخالف رأيه وقوله".. ثم قالوا فكان قولهم عجيباً عند المقوقس، أن الأبيض والأسود سواء عندهم، لا يفضل أحد أحداً إلا بفضله وعقله وليس بلونه.. فقال المقوقس لعبادة أن يتكلم برفق حتى لا يزعجه، فقال له عبادة: "إن من خلفت من أصحابي ألف رجل أسود، كلهم أشد سواداً مني، وإني ما أهاب مائة رجل من عدوي لو استقبلوني جميعاً، وكذلك أصحابي، وذلك إنما رغبتنا وهمتنا في الجهاد في الله واتباع رضوانه، وليس غزونا عدونا ممن حارب الله لرغبة في دنيا ولا طلباً للاستكثار منها.. لأن غاية أحدنا من الدنيا أكلة يأكلها يسد بها جوعه لليله ونهاره وشملة يلتحفها، لأن نعيم الدنيا ليس بنعيم، ورخاءها ليس برخاء، إنما النعيم والرخاء في الآخرة".. فلما سمع المقوقس ذلك رد قائلا: "أيها الرجل الصالح.. لعمري مابلغتم مابلغتم، وماظهرتم على من ظهرتم عليه إلا لحبهم الدنيا ورغبتهم فيها".. ثم أخذ يخوفه من المدد والحشود التي ستأتي من الروم، وعرض عليه أخيراً المصالحة على أن "نفرض لكل رجل منكم دينارين، ولأميركم مائة دينار، وخليفتكم ألف دينار، فتقبضوها وتنصرفون إلى بلادكم".. فقال عبادة: "ياهذا لا تغرن نفسك وأصحابك، ما كان هذا الذي تخوفنا به من جمع الروم وعددهم وكثرتهم، وإن كان ما قلتم حقا فذلك والله أرغب ما يكون في قتالهم، وما منا رجل إلا وهو يدعو ربه صباحاً ومساءً أن يرزقه الشهادة".. وأخيراً اختار المقوقس أن يدفع الجزية بعد أن طمأنه عبادة بن الصامت على أنه "إن دفعتم الجزية كنتم آمنين على أنفسكم وأموالكم وذراريكم، مسلطين في بلادكم على ما في أيديكم وما تتوارثونه، وحفظت لكم كنائسكم ولا يتعرض لكم أحد في أمور دينكم".. وعقد المقوقس الصلح على ذلك مع عمرو بن العاص ثم سافر إلى ""الإسكندرية ""
ليبعث بالاتفاق إلى هرقل في القسطنطينية كي يقره، لكن هرقل رفض الصلح، وبعث إلى المقوقس يستدعيه على عجل، فلما وقف أمامه يشرح أسباب الرضوخ والقبول بدفع الجزية قال: "إن العرب قد يحملون على الخروج من مصر بعد ذلك، وأما الجزية التي سندفعها فما أسهل أن نجبي مقدارها من

"" تجار الإسكندرية""

فلا تنقص موارد الدولة، وأما عن المسلمين فإني لا أرى موضعا للأمل، فالعرب قوم لايشبهون سائر الناس في شيء، فهم عند حد قولهم، لا يعبأون بأمر من أمور هذه الدنيا ومتاعها، لا يطلبون منها إلا لقمة يسدون بها رمقهم، وشملة يسترون بها أبدانهم، فهم قوم الموت، يرون ربحاً في أن يقتلوا، لأنهم ينالون بذلك الشهادة ويدخلون الجنة، في حين أن الروم يحبون متاع الدنيا ويحرصون عليه، لو رأيت هؤلاء العرب وبلاءهم في القتال لعرفت أنهم قوم لا يغلبون، فليس لنا من سبيل غير الصلح مع عمرو قبل أن يفتح حصن بابليون عنوة، وتصبح البلاد غنيمة له".

ايوووووووووه


تحياتى

(ست* جنى* الحسن) يقول...

سلامو عليكو..
معلومات حلوة اوى وطريقة السرد كمان جميلة.
برجاء زيارة مدونة جنة وتحميل فيديو (رحلة جنيه).
لك تحياتى.والمرة الجاية هتخدنا فين؟؟؟

كلمات من نور يقول...

ممنوع دخول الإسكندرانية؟؟؟؟؟؟؟؟؟؟؟؟؟

ليه كده بقى؟؟؟؟؟؟؟؟؟؟؟ احنا أساسا احتلونا رسمي كل ابناء المحافظات الأخرى وحنبدأ نقول : ميامي مستحيل أروحها زحمة مصطافين ...منتزة ايه بس اروحها ازاي من المحتلين ...القلعة و النوادي اللي حواليها كلها اوتوبيسات رحلة ليوم واحد من اسوان و قنا ووووو


نروح منكم فين يا محتلين؟؟؟؟؟؟؟؟؟؟

و أنا اللي عجبني البوست وكنت حاقولك انهم كمان بيعملوا مولد لسيدي جابر زي أبو العباس ووقتها محدش فينا يفكر يزور حد في المنطقة؟؟؟؟؟؟؟؟

و أنا اللي كنت حابعتلك صورة لكوبري ستانلي الجميل؟؟؟؟

ماشي ماشي يا هيثم بس قولي انت منين علشان أمنع دخولك إسكندريه مرية..هههههههه

بوست جميل يجعلني أكثر فخرا ببلدي الحبيبة ...

وآدي رابط الصور هدية زي بعضه :
http://www.google.com.eg/images?hl=en&gbv=2&tbs=isch:1&sa=1&q=%D9%83%D9%88%D8%A8%D8%B1%D9%8A+%D8%B3%D8%AA%D8%A7%D9%86%D9%84%D9%8A+%D8%A8%D8%A7%D9%84%D8%A5%D8%B3%D9%83%D9%86%D8%AF%D8%B1%D9%8A%D8%A9&aq=f&aqi=&aql=&oq=&gs_rfai=

ملحوظة : الواحد لازم يقول اللي ليه واللي عليه : إسكندرية مرية تنتعش إقتصاديا بوجود المصطافين ..

أم الخـلـود يقول...

للإسكندرية طابع مميز وساحر لما رحتها حسيت إني فعلا في تاريخ ساحر وعبق.


أخي في الله Haytham Alsayes لقد أهديت لك في مدونتي الأخرى مدونة كركر (التاج السُلطاني) .. فأرجوا قبول هذه الهدية المتواضعة وشكرا

Sarah Sobhi يقول...

تحفه يا هيثم جد
استمتعت بالجولة جدااااا

يابنى المدونة بتاعتك دى محتاجه تتذاكر :D

داليـ ـ ـ ـ ـ ـ ــــا يقول...

ما أحلاها من رحله

أنا بردوا من عشاق إسكندريه بالرغم إن قليل لما بزورها بس دايما بشتاق ليها وبحسد الناس الإ عايشين فيها

تعرف ياأستاذ هيثم لو فكرت تعمل رحله للأسكندريه حقيقى وتكون انتا المرشد بتاعها زى ما عملت كده الوقتى أنا هبقا أول المشتركين فى الرحله

جميله معلوماتك ياحضرة المرشد

ليله شتاء يقول...

السلام عليكم

طريقة حضرتك فى سرد التاريخ تأخذنى الى تلك العصور

الاسكندرية من أروع المدن فى مصر

دامت كتاباتك

Tarkieb يقول...

مع اني قريت رحلة ابن جبير من الاندلس لمكة مرووا بمصر من سنة واحدة بس ما كنتش اعرف انه سيدي جابر...بجد دي مفأجاة بجد,,, بس ابن جبير فظيع ابن بطوطة شخصية انوية بيتكلم عن نفسه وخلاص اما ده فعالم بجد لدرجة انه حسب ابعاد الاهرام بالظبط بالرياضيات.. اللي لفت نظري في رحلته انه كان معجب بدمنهور والدلتا اوووي مع انه جاي من الاندلس ده دليل ان مصر كانت حلوة في الوقت ده..كمان عمل باب بحاله للاولياء ... وكان معجب اوووي بصلاح الدين لدرجة ان صلاح الدين لم وصله كلامه شال الضرايب عن الحجاج اللي كانو بيجو لمصر بالسفن من الاندلس والمغرب ويكملو بري,,, بجد حلوة حكاية سيدي جابر دي ويارب تكون صح

مرايتى يقول...

السلام عليكم ورحمة الله وبركاته

بجد وريتنا إسكندريه بعيون العاشق إلى شوقتنا نشوفها ونزورها
شكرا على المجهود

لــــ زهــــــراء ــــولا يقول...

استاذي سلمت اناملكم الذهبية على هذة المعلومات القيمة جزاكم الله كل خير ..واسكندرية معشوقتي احبها كثيرااااااااااااااا

لـــولا

Unknown يقول...

اسكندرية مش ناقصة حـــــلاوة
لكن انت حليتها أكتر واكــــتر
يااستاذ هيثم بالجولة الحلوة دى

Haytham Alsayes يقول...

سيادة الرئيس

حمد الله علي سلامتك ربنا ستر من الغرق
الحمد لله

تحياتي سيادتك

Haytham Alsayes يقول...

ياسلام ياخواطر انتي تشرفي وتنوري والله

تحياتي

Haytham Alsayes يقول...

ريتشاردى الاسكندرانية

زى الانتخابات
وعد فاوفي
هههههههههههههه

انا قولتولك اكتب بوست علي اسكندرية
وبجد هي معشوقتي وبحب اهلها جدا
بس تخيلي لما فتحت الاخبار في النت لاقيت في بلاوى عندكم في الاسكندرية خاصة حكاية خالد سعيد بجد زعلت جدا
ربنا ينتقم من الظلمة
مصر كلها في نكبة شديدة من الداخلية وزعيم العصابة حبيب باشا العادلي الله يخلصنا منه ومن اشكاله القذرة


اما عن حكاية المغاربة والتوانسة بجد مش عارف بس هما بيحبوا اسكندرية يمكن عشان اهلها منفتحين اكتر ومتعودين علي الغربا وبيتعاملوا معاهم عادى والله اعلم برده السبب

نورتي وشرفتي
وتحت امرك خدى البوست في مدونتك
المدونة كلها بتاعتك

تحياتي

Haytham Alsayes يقول...

شذا الروح

اكيد كلنا بنحب اسكندرية

شكرا علي مرورك اللطيف


شارم

طبعا ياباشا رائعة

تحياتي

Haytham Alsayes يقول...

تييرز

بصي اقولك حاجة
كل مصر طمست من الاحتلال المباركي ازاله الله واحرقه الي جهنم وبئس المصير
مش اسكندرية بس اللي اتغيرت معالمها
كل حاجة في مصر جميلة تحولت الي شبح ومسخ
ربنا يستر
وادكيى شوفتي ايه اللي حصل لخالد سعيد في اسكندرية
ربنا ينتقم منهم

تحياتي علي مرورك القيم

Haytham Alsayes يقول...

صديقي العزيز سال

والله ياباشا انت تمام خالص رديت عليا ببوست مش تعليق
ههههههههههه

بس حاجة جميلة جدا وتقريبا المعلومات دي اكيد في كتاب فتوح مصر لابن عبد الحكم وطبعا النص شارح نفسه
وممكن استأذنك اخد النص وانشره كبوست خاص

تحياتي لك ياصديقي

Haytham Alsayes يقول...

ست جني الحسن

فعلا حملت الفيدو وشوفته
جميل جدا وفكرته رائعة
جزاكي الله خيرا

Haytham Alsayes يقول...

كلمات من نور

ههههههههههههههههههه

فعلا بقت اسكندرية محتلة من الاجانب اللي هما ابناء المحافظات الاخري
ومعلش برده خليكوا الاحسن وضايفونا
وبجد الاسكندرانية جدعان وبيحبوا يضايفوا الغريب

تحياتي
وشرفتيني والمدونة مدونتك
وشكرا علي الصور

Haytham Alsayes يقول...

ام الخلود

طبعا الاسكندرية اكيد فيها سحر وعبق للتاريخ
وقريت دعوتك وان شاء الله عالبيها في اقرب فرصة

شكرا ليكي

Haytham Alsayes يقول...

سارة صبحي

والله دة من ذوقك
والمدونة تحت امرك ذاكي براحتك

Haytham Alsayes يقول...

داليا

دمتي عاشقة لها مثلي
بس بجد انا مرشد فاشل
انا ممكن اعلق بس علي المعلومات التاريخية
اما بأة الف بالسياح اللي هما انتوا اغرق في شبر مية
هههههههه
نورتي

Haytham Alsayes يقول...

ليلة شتاء

والله دة من ذوقك
ربنا يكرمك

Haytham Alsayes يقول...

تركيب

تيكوووووووو باشا
منور ياستاذ
وفعلا انا برده بحب ابن جبير عن ابن بطوطة وكمان اسلوب كتابته يتصف بالامانة والبساطة في السرد وفعلا معلومة ان سيدى جابر هو ابن جبير دى انا متأكد منها لاني درستها وممكن تدور في كتاب السيد عبد العزيز سالم عن اسكندرية عتلاقي المعلومة دي وفعلا الكلام اللي انت قولتوا علي ابن جبير صحيح كان بيحب مصر جدا وبيحب السلطان صلاح الدين
بس كره اوى رجالة الجمارك لانهم كانوا بيعاملوا الوافدين بطرقة وحشة

تحياتي للتعليق الثري

Haytham Alsayes يقول...

مرايتي

كلنا عاشقين لها اكيد

تحياتي علي المرور
ومدونتك جميلة جدا علي فكرة

Haytham Alsayes يقول...

لولا وزهراء

ربنا يكرمك علي الثناء دة
ومنورة دايما

Haytham Alsayes يقول...

د نورهان

فينك من زمان
اكيد اسكندرية حلوة باهلها مش محتاجة مني كتابة عشان احليها

تحياتي

العلم نور يقول...

جزاكم الله خير الجزاء

(حملة تضامنوا مع إسرائيل !!!)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع إسرائيل !!

صورة الشعار .. في مدونتي كركر .. ويكتبون فوقها ..

(حملة تضامنوا مع إسرائيل !!!)

رابط المدونة

http://krkr111.blogspot.com

جعله الله في ميزان حسانتكم .. آمين

sal يقول...

هيثم

يا عم انت صاحبى وصديقى
افعل ما تراه مناسبا
تحياتى

دودي فلسطين يقول...

استاز هيثم

معلومات حلوه عن الاسكندريه
اسكندريه اجدع ناس ونفسي ازورها والله

شو قصة الفلافل هدول اكيد جاين من الشام
دايما بنشوف منك معلومات مهمه
يمكن غفلنا عنها
وتحياتي لك

غير معرف يقول...

وربنا انتا مرجع
انا بحب اسكندريه اوى وعمرى
مازورتها وماتخيلش انى ها زورها الا اذا اتجوزت افندى سمح
يودينى هناك
اول مره اعرف الكلام ده عن اسكندريه و اول مره اعرف ان ليها علاقه بالاندلس اصلا
انا بقا قلبى بيرتاح لسوريا وهى بمثابه حبيبى وعشقى
ومن الامنيات التى لن اتنازل عنها ابدا
انى اعيش واموت واندفن فيها
طلب شخصى بقا
نفسى فى بوست عن سوريا ويكون شامل حديثا وقديما
كل حاجه كل حاجه
ع العموم بجد كلامك مفيد اوى والله
تجياتى لابن بطوطه المبتدء

Haytham Alsayes يقول...

ام الخلود

ان شاء الله سانضم ولكن الحملة دى بعلم اسرائيل
وياريت يبقي فيه شعار تاني

تحياتي

Haytham Alsayes يقول...

سال

شكرا ياصديقي ساعرضه التدوينة القادمة

تحياتي

Haytham Alsayes يقول...

دودى فلسطين

ربنا يكرمك
الاسكندرانية بيقولوا علي الطعمية فلافل
دة القصد مش عارف الشام كدة ولا لا

تحياتي

Haytham Alsayes يقول...

الشوكة الناعمة

ههههههه
والله ولا مرجع ولا حاجة
انتي عارفة انا برده بحب سوريا جدا وبحب السوريين
ونفسي ازورها اما بقي حكاية الدفن دي فنفسي ادفن في القدس وبجد دى امنية عندى من زمان
ربنا يكرمك بواحد يلف بكي العالم مش اسكندرية بس

تحياتي

هديل الحمام يقول...

سلمت اناملك اخي هيثم
مقال شيّق
استمتعت بالتعرف على الأسكندريه ^_^
واستمتعت اكثر بطريقة السرد
جنآئِن ورد