الأحد، 12 سبتمبر، 2010

ماذا تختار ؟


الان .. انتهينا من الصيام ومن رمضان ومرت الايام الحلوة سريعا وعدنا الي النشاط التدويني مرة اخري ولعلنا استفدنا في رمضان علي جميع المستويات سواء الروحانية او الفكرية او حتي علي مستوى المسلسلات لمن تابعها ..بالنسبة لي لم اتابع المسلسلات لانشغالي بامور اهم وافضل ولكني تابعت مسلسل شيخ العرب همام لانه كان يصادف ميعاده الافطار فتابعته باهتمام تاريخي بحت واحترمت الكاتب كثيرا عندما كتب في المقدمة انه خلط التاريخ بالخيال ومزج الاساطير الشعبية بالحقائق التاريخية ..هكذا تكون الامانة ولا احترم الكاتب الذي يفترى الحقائق التاريخية لمجرد ان ذلك يصادف هواه ومعتقداته ..

علي اية حال تابعت القصة الحقيقية لهذه الشخصية الفريدة واثرت ان اكتبها في تدوينة كاملة حتي نتعرف عليها سواء تابعنا المسلسل ام لا ..اما عن ملامح الشخصية فهو الشيخ همام بن يوسف بن احمد الهوارى قال عنه الجبرتي في كتابه
انه عظيم بلاد الصعيد من المنيا شمالا حتي اسوان في الجنوب ..ومعني ذلك انه اسس ما يشبه دولة منفصلة وشبهها البعض بالجمهورية ولكن في رأى د لويس عوض وهو احد كبار المؤرخين لهذه الفترة ان فكر همام والهوارة لم يرتق الي هذ الفكرة مطلقا ..

كان همام بطبيعة صفته انه كبير وعظيم هوارة ملتزم للاراضي الزراعية ولمن لايعرف الملتزم هو من يملك الارض وضرائبها نيابة عن الدولة العثمانية في مقابل ولاءه ودفعه للا لتزام او الضرائب التي تقررها الدولة عليه كل فترة
اذن نفهم ان همام امتلك اراضي شاسعة للغاية في الصعيد حتي انه اقطع لعائلته الكثير منها وكان يدير هذه الاراضى جيش من الموظفين التابعين له ..

اما عن اصل هوارة فهي قبائل عربية جاءت من المغرب العربي في عهد السلطان برقوق وسكنوا اقطاعية البحيرة اول الامر ثم عندما تبين مشاغبتهم للحكومة المملوكية قضت الحكومة ان تنقلهم الي الصعيد فسكنوا فرشوط ومن حولها وزرعوا قصب السكر وادر عليهم اموال لاحصر لها نظرا لاهمية هذا المحصول سواء في العهد المملوكي او العثماني
وكان الهوارية في نزاع دائم مع الحكومة خاصة من المماليك وذلك لاسباب كثيرة ساذكرها بعد قليل حيث قاموا بثورات شتي علي الحكومة في القاهرة حتي عهد طومان باى اخر سلاطين المماليك الذى واجه العثمانين في معركة الريدانية ورفض الهوارية ان يحاربوا مع طومان باى لسببين :اولهما حقدهم علي المماليك وثانيهما خوفهم من انتصار العثمانيون وكان هذا المتوقع منهم لسير المعارك فاثروا عدم التدخل في النزاع ليكونوا رجال العهد الجديد وبالفعل انتصر العثمانيون وحالفوا الهوارية وتركوا لهم التزام الصعيد علي ان يكونوا تحت امرة والي جرجا التي كانت اعظم بلاد الصعيد انذاك..

همام الذى يتميز بقوة الشخصية والكرم والشجاعة والانفة والعزة والكرامة وكره المماليك كانت تلك الصفات في هوارة وقبائل العرب عموما وكانت هذه البائل ترى انها احق بالملك منهم اي المماليك ..

كان همام والهوارة ينظرون الي المماليك انهم لقطاء لا اصل لهم جلبهم الايوبيون ليكون خدما في الجيش ثم ارتقوا حتي اصبحوا هم السادة واصبح المصريين هم العبيد احسانتهم ..كان همام يدرك ذلك ومن قبله يدرك ذلك بل ان القبائل العربية تدرك هذه الحقيقة وتعامل المماليك علي هذا الاساس وكانت اولي الثورات التي قامت ضد الدولة المملوكية في مهدها وكادت ان تنتصر الثورة وتؤد الدولة في قبرها هي ثورة حصن الدين ثعلب التي قامت في عهد السلطان الاول للدولة عز الدين ايبك وتعامل معها الجيش المملوكي بعنف شديد حتي انهم علقوا مشانق كثيرة لاحصر لها للثوار وقضوا عليها بشدة كبيرة وهذا يعني ان المماليك يدركون ان العربان هم اشد وانكي من اعداء الخارج وهم اي العربان من يدركون اصل ونفسية المماليك وهم من عندهم المقدرة علي ايلام هذه النفوس ..

يمثل همام الوطنية المصرية حيث انه يعتبر من اهم الشخصيات التاريخية في العهد العثماني التي تمثل هذا التيار
الساخط ضد المماليك الذين كانوا يمثلون طبقة اولاد الناس الحاكمة ..نعم لا تندهش مصطلح اولاد الناس ذكره ابن تغري بردى في كتابه عندما تناول المجتمع المملوكي وذكر ان العامة اسمهم الرعاع الحرافيش اه والله العظيم ..
هل عرفت الان الفرق الحقيقي بين مارينا وشرم وبين بولاق واسطبل عنتر ..
الحكاية لها اصل تاريخي موجع من ايام المماليك واظن ان المماليك نسلهم لم ينقطع وان اولاد الناس يتحكمون ويحكمون وعلي نفس الرعاع يكتمون ..

همام فرض شخصيته علي المماليك وفرض قوته وصداقته احيانا عليهم حتي احترموه ولكنه اصطدم باحلامه باحلام رجل قوى وشديد يدعي علي بك الكبير وتلميذه محمد بك ابو الذهب وكان علي بك يخطط بالانفصال نهائيا عن مصر بالاتفاق مع القيصرية الروسية اشد اعدائ خلفاء اسطنبول العثمانيين اصحاب السيادة علي مصر وعلي بك كان نائبهم الخائن
كان ولابد ان يقضى علي همام وينتزع الصعيد وهمام كان يدرك ذلك واثر ان يقاوم حتي النهاية ضده وبالفعل انتصر همام في اول الامر ولكن الخيانة كانت له بالمرصاد من ابن عمه الشيخ اسماعيل الهوارى الذى احب ان يكون هو شيخ العرب وكانت الطامة الكبرى بعد انهزام الجيوش الهوارية ومات همام بن يوسف هما وكمدا بفعل الخيانة والهزيمة
وضاعت مملكته من بعده ولكن لم يضيع نسله حيث احفاده الان يملئون قرى ومدن الصعيد ولا ادري ضاعت نفسية همام بين المصريين وهل المصريين ينظرون الي انفسهم انهم الرعاع الاوباش الحرافيش كما كان المماليك يلقبونهم ام ينظرون انهم احق بالملك منهم ؟
ماذا تظن انت ؟
ماذا تختار ؟
المراجع : الصعيد في عهد شيخ العرب همام
د ليلي عبد اللطيف
كل عام وانتم بخير

هناك 25 تعليقًا:

ستيتة حسب الله الحمش يقول...

شكرا للتحليل الرائع
وكل عام وانت بخير
أنا رأيي أي علي بيه كبير لازم يخاف من همام
اللي هو الفخراني
لأنه قدم في المسلسل ده دليل وبرهان انه ان بكى بكى الناس خلفه وان فرح فرحوا لفرحه
واهم جملة في المسلسل هزتني
وأه يا بيوت العز أما تخرب
مش عارفة هزتني لأن بيوت العز بتخرب
بلد العز بتخرب
علشان نفسي ابن عز وثلته يخرب؟ :)
المعنى في بطن ستيتة مع الكعك :)

محمود(باحث عن حب) يقول...

كتابع جيد للمسلسل ده
وعجبنى خالص السر بتاع حضرتك
وقرأت عن همام فى النت
كلام كتير قوى
حضرتك جبت الخلاصه
بارك الله لك وجزاك الله خيرا

MR.PRESIDENT يقول...

واجب اختياري لو مكنتوش حلتوه وأنا غيرت فيه سؤال
لمعرفة إطلاعتكم فلو عايزين تحلو خير وبركه ، ولو مش عايزين متقلقوش الواجب مش هيتحط في أعمال السنة .
ما هي كتب الطفولة التي بقيت عالقة في ذاكرتك؟
مَنْ أهم الكتاب الذين قرأتَ لهم ؟
من هم الكتاب الذين قررت ألا تقرأ لهم مجددا؟
في صحراء قاحلة ، أي الكتب تحمل معك؟
ما هو الكاتب الذي لم تقرأ له أبدا ، وتتمنى قراءة كتبه ؟
ما هي قائمة كتبك المفضلة ؟
ما هي الكتب التي تقرؤها الآن ؟
اللي بعت الدعوه ؟
أرسل الدعوة لمدون واحد علي الأقل من أجل مشاركتنا باطلاعهم في القراءة ؟

sal يقول...

احفاده الان يملئون قرى ومدن الصعيد ولا ادري ضاعت نفسية همام بين المصريين وهل المصريين ينظرون الي انفسهم انهم الرعاع الاوباش الحرافيش كما كان المماليك يلقبونهم ام ينظرون انهم احق بالملك منهم ؟

لسنا رعاع ولا اوباش حرافيش

كل سنه وانت بالف خير

Ramy يقول...

هيثم باشا

سبقتنى يا هيثم فى البوست

كان نفسى انزل عنه بوست المسلسل و الشخصية

بس للأمانه أنت أدق بكتير أنا مكنتش هكون دقيق كده

شوف بقى انا حبيت المسلسل دة جدا و الشخصية

و حتى شخصية قطاع الطرق الحبيب (:

المسلسل على بعضه عملى حالة من الشجن

انا قلبى وجعنى قوى لما مات

عارف مات موته صعبه يا هيثم

مات مطعون فى قلبه

فى دراستى للتاريخ فى المدارس

كانت محاولات محمد بك ابو الدهب للأنفصال بمصر

محولات كانت بتتمجد

لدرجة انى حبيت الشخصية

بس فى المسلسل دة كان عبارة عن شيطاان

هيثم شكرا جدا للبوست الهايل ده

كل سنة و انت طيب

mrmr يقول...

good
انت متابع جيد جدا للمسلسل
واضح اعجابك الشديد بشخصيه همام
تحليلك للشخصيه والخلاصه جيده

شكرا للبوست الهايل

عيد سعيد

richardCatheart يقول...

ازيك يا هيثم اولا كل سنه وانت طيب وبالف خير وصحه انت وكل الاهل

ثانيا انت هااااااااااااايل كنت بقول للحج ريتشارد واحنا حزانا والهم ركبنا فى اخر حلقه هدتنا بجد زى مايكون مستنين اى حاجه ترجعلنا احساسنا بالعزه والقوه حتى لو مسلسل كنت بقوله هيثم السايس هو اللى هايجبلنا ارار همام هو حقيقى ولا لاء

بالرغم انى مش ناصريه بس حسيت همام بطعم عبد الناصر
خطبات رنانه قويه تهز الجبال هجوم ويصد ويضرب ويلبهم تانى لغايه ماجات النهايه واتكسر وخربت على دماغه ودماغ الكل ومات مهموم محصور

انا عشقت همام وكنت بقول بادمت مش قصه حقيقيه ليه الكاتب ماينهيش المسلسل بالامل لبكره

بس اتاكدت منك انها حقيقه

عجبنى اوى الجواب اللى بعته لعلى بيك الكبير هزقه
وكتبله اسمه للجد الميه الاصل هو الاساس

عجبنى وهو بيقول لاسماعيل اللى مايجازفش امه ماتزرغطش

عبد العزيز مخيون دا مش ممكن عالمى والله عامل دور واداء ولا اروع


شكرا يا هيثم على البوست الحلو اوووووووووى دا

اعتقد ان مهما المصرين اتكسرو ومهما دار عليه الزمن الحاجه الوحيده اللى فضله فيهم وبيكرروها على طول احنا مصرين هى روحو ماضعتش هى متوزعه فينا ويوما ماهنتلم هاتبقى روح وحده تانى

كل سنه وانت طيب

Tears يقول...

شوقتنى اشوف المسلسل

ح ادور عليه و اتابعه

كل سنة و انت طيب و عيد سعيد

داليـ ـ ـ ـ ـ ـ ــــا يقول...

فى نص الكلام وانا بقرء لما عرفت ان همام مات
جات على بالى جمله
( الفتنه أشد من القتل )
أنا بئه هغير فيها وأقول
( الخيانه أشد من القتل )
مع ان المعنى واحد
صحيح انا مشفتش المسلسل ولا متابعه للتليفزيون
بس من طريقة سردك الجميله وصلت لى المسلسل

وبالنسبه للسؤال الاخير

لاء طبعا هما مش كده لا رعاع ولا اوباش ولا حرافيش

======
منوره تدويناتك البلوجر
وكل سنه وانت طيب يارب

انا عارفه انى متأخره
لكن عذرا

داليـ ـ ـ ـ ـ ـ ــــا يقول...

نسيت اقولك
انك رهيب فى طريقة السرد بجد رهيب
تعرف ليه
وانا بقرء لقيتك بتخرجنى من مود القرأه بكام كلمه زززززززززى

..نعم لا تندهش
اه والله العظيم ..

انا ابتسمت على الجملتين دول

Haytham Alsayes يقول...

ستيتة حسب الله الحمش

والله يادكتورة بيوت العز خربت من زمان ولسة بتخرب
وكان فعلا لازم علي بيه يخاف لان همام كان رجل طموح
وطموح مع طموح مينفعش لازم حد فيهم يوسع السكة للتاني

منورة يادكتورة

Haytham Alsayes يقول...

محمود(باحث عن حب)

ربنا يكرمك ولا خلاصة ولاحاجة
انا حاولت اوضح بعض جوانب الشخصية ليس الا

منور يامحمود

Haytham Alsayes يقول...

MR.PRESIDENT

ازيك ياسيادة الريس
علي فكرة سبقتك في الواجب دة قبل رمضان
اقرأ كدة وقولي رأيك
http://haythamalsayes.blogspot.com/2010/08/blog-post_08.html

منور ياريس

Haytham Alsayes يقول...

sal

ازيك ياصديقي العزيز
طبعا احنا لسنا رعاع ولا اوباش
بس ممكن نبقي كدة لو سكتنا علي شوية المماليك اللي بيحكمونا

تحياتي لك

Haytham Alsayes يقول...

رامي

ازيك يارامي
معلش بقي سبقتك
بس لما تكتبه انت يبقي ليه طعم تاني
انا متكلمتش عن المسلسل
اتكلمت علي الشخصية التاريخية بس
المسلسل فعلا رائع جدا ومعمول حلو
الفخراني رائع كالعادة
مخيون دوره عبقري جدا
محمود عبد المغني ممثل موهوب لاقصي درجة
وفيه الممثل اللي مثل الشيخ سلام بجد رائع جدا
وطبعا صابرين
الحقيقة كلهم جامدين

منور يارامي

هيثــم رمضـــان يقول...

السلام عليكم
إزيك يا صديقي العزيز وكل عام وأنت بخير وسعادة , كنت مفتقدك ومفتقد مدوناتك طول فترة غيابي , علي فكره أنا كمان ماكنتش متابع أي مسلسل غير شيخ العرب همام لنفس السبب وعجبني الخلفية التاريخية اللي فيه وأعتقد أن المسلسل اللي جاي للفخراني بتاع محمد علي هيكون إمتداد للفترة التاريخية اللي قدمها السنه دي , بس كان في مسلسلات تاريخية تانية سمعت عنها وكان نفسي أعرف أحدثها وأتابعها زي سقوط الخلافه وزي كليوباترا بس أكتفيت بشيخ العرب .

تحياتي وتقديري

Haytham Alsayes يقول...

mrmr

والله دة من ذوقك
شكرا لمرورك

تحياتي

Haytham Alsayes يقول...

richardCatheart

ازيك ياريتشاردو
يارب تكوني بخير انتي والحاج والاولاد
والله ربنا يكرمك دة كلام كبير علي لما تستني اكتب
دة شرف لا احتمله ولا استحقه
همام شخصية وطنية قومية
برده انا مبطقيش عبد الناصر بس الراجل كان عنده فكرة
وحارب من اجلها وهمام كان كدة برده
وانا معاكي ان المصريين لو اتوحدوا علي هدف عيهدوا الدنيا بس امتي

منورة دايما

Haytham Alsayes يقول...

تييرز

ازيك حمد الله علي السلامة
كل سنة وانتي طيبة

المسلسل رائع والقصة اروع الحقيقة

تحياتي لمرورك

Haytham Alsayes يقول...

داليا

ازيك

فعلا الفتنة اشد من القتل
وهمام اتعرض للخيانة لان دة كان موضة العصر دة وكل عصر علي فكرة
ولا متأخرة ولاحاجة
انتي بس تيجي في وقت البيت بيتك
وشكرا علي الاطراء
الجميل منك
انت تأمرى ياسنيوريتا

تحياتي

Haytham Alsayes يقول...

هيثم رمضان

ازيك ياصديقي الشاعر الجميل
فينك من زمان بجد انا اللي كنت مفتقدك
ارجع تاني بشعرك وكلماتك الرائعة
برده انا كنت متابع همام اكتر
كليوبترا اكيد عمل رائع بس مش ملامس للواقع دايما انا احب الاعمال اللي تسقط علي اتلواقع اللي احنا فيه
مسلسل سقوط الخلافة اول مرة اسمع عنه منك احاول ادور عليه واشوفه

منور
وبطل غياب
وعاوز اشوف كلماتك الجميلة

تحية لك

فضفضه يقول...

انا برضوا تابعت المسلسل ده فقط
ومعجبه جداااااااااااا بهمام وحزنت على النهايه المأساويه من دمار وخراب وخيانه وتشتيت
اتمنى يظهر مليون همام وسط المصريين
ولسنا رعاع واوباش حرافيش
كل سنه وانت طيب

Haytham Alsayes يقول...

فضفضة

يارب يظهر مليون همام يعتضروا علي مماليك العصر
وطبعا لسنا اوباش ولا رعاع ولاحرافيش

تحياتي وتقديرى
كل سنة وانتي طيبة

كلمات من نور يقول...

كده قريت عن الشخصية واستمعت أكثر حيث أني من معادين التلفزيون ومش باتفرج عليه نهائيا ...شكرا لك

Haytham Alsayes يقول...

كلمات من نور

تحت امرك يافندم
الحمد لله علي استمتاعك

تحياتي وتقديرى