الخميس، 16 سبتمبر، 2010

ما بين هيثم وابن الهيثم !!!!


بالطبع لا مجال للمفارقة والمشابهة بين الشخصين الاول وهو كاتب السطور الغلبان تعلم في المدارس الحكومية الغريبة العجيبة المريبة العطنة المليئة بالنفايات البشرية قبل العضوية ..الغريب ان تجد المدرسة مبني من مباني القرن الفائت التي تذكرك بايام الستينات الكريهة المليئة بالذكريات التي تذكرك بالرفاق والاشتراكية والثورة وتحالف قوى الشعب العامل مع البتنجان المحشى
واشياء من هذا القبيل المهبب ..اتكلم عن مدرستي الابتدائية التي تعلمت فيها مبادىء كريهة ولكن الحمد لله لم تلتصق الا في قشرة المخ المسئولة عن الذكريات التي لاتنسي ولم اتطبع بها او هكذا اظن ..وسأحكي لكم بالتفصيل عن هذه الذكريات تباعا بعد ان اتشرف بتقديم الشخصية الاخرى التي هي اجدر بالطبع من ذكرياتي الكئيبة المملة ..

ابو علي الحسن بن الهيثم هكذا اسمه وكنايته ولا تندهش كثيرا اذا دللنا من اسمهم حسن الي ابو علي ..ولد في البصرة جنوب العراق قبل الغزو الامريكي لها بحوالي 1100 عام اي انه ولد في 354 هجرية ..وكانت البصرة انذاك واحدة من اشهر المدن المعروفة بالعلم والعلماء حيث انها تعج بهم وبالمخطوطات التي تتناول العلم الذى يحويه عقول هؤلاء العلماء اي انه عاش في بيئة علمية جديرة ان تخرج لنا عالم بوزنه ..انتقل الي بغداد قبلة علوم الدنيا في هذا الزمن وتعلم الطب ونجح في اختباراته وتخصص في طب الكحالة او طب العيون وبذلك تفتحت مواهبه في علم البصريات واخذ في دراسة النظريات القديمة خاصة اليونان وعمل علي تنقيحها وطارت شهرته في اوساط العلماء في المدينة الزاخرة بغداد ..

يعتبر مؤسس علم الضوء حيث الف كتاب اسماه المناظر وهو اول من اثبت بالطبع ان العين لاتخرج الاشعة ولكن ينكسر الضوء علي العين فترى الاشياء واول من قام بتجارب الكاميرا او القمرة كما سماها ولو تحب ان تري ذلك بعينك فادخل علي كلمة قمرة ...

ارجع للذكريات المملة اسف، ولكن لابد لكم ان تستمعوا لي ..اول الذكريا ت التي تلعق بذهني هو عندما جاءت موجهة فجأة في المدرسة وكانت من تقول علي نفسها معلمة تشرح واذ باستاذ يدخل علينا الفصل منزعجا ويقول له " خلي بالك الموجهة جية واول ما بتشوف بتشوف الارضية نضيفة ولا لا " وطبعا بعض هذا التنبيه الماحق الساحق جائت الاوامر لدينا بضرورة تنظيف الارضية في خلال 14 ثانية ونصف "لم يخترعوا بعد الفيمتو ثانية " وتجهيزها لحضرة الموجهة واخراج المدرسة من الحرج الذى كانت ستقع فيه اذا استمرت الارضية علي هذا المنوال القذر ..بالفعل دخلت الموجهة واول مانظرت كانت الارضية وكانت هذه اولي الذكريات ولا حول ولاقوة الا بالله ..

استمر ابن الهيثم في ابحاثه المضنية حتي الف في الرياضيات والفيزياء وطب العيون والصناعات الطبية ونقل نصوص جالينوس العظيم من كتبه الطبية الكثير ونقل عنه المعالجة النفسية بالموسيقي وزاد عليه ابن الهيثم رسالة بعنوان في تأثير اللحون الموسيقية في معالة النفوس الحيوانية والتي اوضح فيها تأثير الموسيقي في النفس ومعالجتها من افاتها " واخد بالك لم يكن هناك احد قام بتحريم الموسيقي من الاساس " ..

ارجع لذكرياتي سأحكي لكم ذكري استفدت منها علي المستوى الشخصي ..حفلة اقيمت في المدرسة الثانوية بمناسبة احالة مدير المدرسة الي المعاش ( وكنا مازلنا نذهب الي المدرسة قبل ان تنهار المدارس الثانوية وتصل الي نسبة لم يذهب احد وكانت هذه الحادثة في 2003 عندما كنت في ثالثة ثانوى ) وحمدنا الله كثيرا علي احالته الي المعاش حتي نستريح من شدته ..المهم حضرنا الحفلة وكان ممن حضرها من مدرسي الفصل استاذ تاريخ لا اذكر اسمه ولا اريد ان اتذكره وقال منافقا..قام في وسط الحفلة موجها الكلام للطلبة الذين كانوا يتمردون دائما وابدا " انتوا متستهلوش حتي التراب اللي بيمشي عليه الاستاذ عبد الله "وكلام من قبيل انت حبيبنا وانت الذى لايوجد منك اثنان في البلاد والغريب انه مدرس تاريخ وذكرني بالموظفين الذين يلقون بمعلقات الشعر الجاهلي .. شممت رائحة النفاق الفج وكرهت من ساعتها النفاق والمنافقين !!!!


ترك ابن الهيثم العراق وذهب الي مصر بعد ان استدعاه الحاكم بأمر الله الفاطمي وكانت معلومة وصلت الي مسامع الحاكم ان ابن الهيثم قال " لو كنت بمصر لعملت بنيلها عملا يحصل النفع بكل حالة من حالته من زيادة او نقصان " فاراد الحاكم ان يستفيد منه اقصي استفادة وبالفعل جلبه الي مصر وارتحل ابن الهيثم الي اسوان وبدأ عمله وكانت تراوده احلام في بناء سد يقال انه نفس فكرة السد العالي في تخزين المياة ولكنه فشل في تنفيذه وخاف علي نفسه من الحاكم بأمر الله الذى كان معروفا انه غريب الاطوار ولكي يفلت من عقابه ادعي الجنون الي ان مات الحاكم وبدأ ابن الهيثم في مسيرته العلمية في مصر في مسكنه المتواضع بالقرب من الجامع الازهر وكان يقوم ببعض التجارب العلمية داخل الجامع الازهر نفسه ..

كنت في فترة الوزير حسين كامل بهاء الدين وكنا نتداول النكات عليه واتذكر نكتة يعني مثلا كان مرة .......ولا بلاش الطيب احسن وهذا الوزير له علامات في جبال التعليم في مصر حيث الانهيار وبداية استخفاف الطلبة بالمعلمين وكنت من الطلبة العفاريت الذين يطلقون الاسامي والالقاب علي المدرسين مثل مدرس الالماني الذى اطلقنا عليه لقب كيشة ومعناه بالالمانية ( مطبخ ) لانه كان سمينا ..وطبعا الاسم المبجل الذى اطلقته علي مدرس التاريخ " زيلع " وهذه اسم مدينه في اثيوبيا ولكني وجدته متوافقا جدا عليه ..بالطبع كان التعليم مازال متماسكا الي حد ما ولكني ارى انه دخل فترة مظلمة للغاية مع دخولنا فترة الجنرال الاجل احمد ذكي بدر الذى سيتحول بالتعليم الي ما نراه في الصورة اعلاه ....!!!

ولكن علي الرغم من هذه الذكريات الا انني احمل ذكري بعض المدرسين الذين علموني الكثير وعلموني صفات جميلة مثل الاستاذ عصام في الابتدائى الذى كان يقول لي " لا تغش اعتبر نفسك بناية لو غششت في اساس البناية ستهدم علي الفور "
والاستاذ مصطفي مدرس العربي الذى كان يقول لنا بعد غزو العراق " عليكم ان تتخذوا الخطوات الجادة في بناء الامة من جديد " وكان يصر علي هذه المعني في كل حصة ..والاستاذة انتصار مدرسة التاريخ التي كانت تعطيني درس خصوصي في الثانوية العامة وهي من علمتني اصول التاريخ الحقيقية وكانت تقول لي التاريخ مزور ولا تلتفت اليه كثيرا عليك ان تمحص قبل ان تقرأ وعلمتني ان التاريخ هو الوجه الخفي للسياسة ..هذه الكلمات كتبتها بالفصيحة لانها لاتستحق ان تكتب بالعامية ......

استمر ابن الهيثم في صومعته يؤلف ويعمل علي اخراج اختراعات كثيرة حتي توفي ودفن في القاهرة بالطبع لن تجد مقبرته الا في مدرسة من مدارس القاهرة تحمل اسمه وبجانبها جبل من النفايات وداخل المدرسة طلبة فقراء لايعلمون شيئا في الدنيا الا اسمائهم ومدرسين لا تجد همهم في الحياه الا اصطياد الاطفال في الدروس الخصوصية وستجد علي اسوارها كلمات متخلفة علي غرار مدرستي جميلة نظيفة متطورة وهكذا يتحقق حلم السيد الرئيس " اين ومتي حلم ؟!! الله اعلم ولكن المهم ان احلامه اوامر وتنفذ !!"...

هناك 26 تعليقًا:

mrmr يقول...

جميله جدا المقارنه بينك وبين ابن الهيثم

بارك الله فى الاستاذ عصام
وبارك ايضا فى الاستاذ مصطفى
وايضا الاستاذه انتصار
تحياتى اليك

أع ـقل مـ ج ـنـونــة يقول...

بوست هايل
عجبتني جدا المقارنة بينكم
ان شاء الله يكون لك شأن كبير مثل ابن الهيثم " ولا تستبعد هذا ^_^ " .. قول يارب ^_^

قلــ"بـــلال"ــــــب فارس يقول...

يارب يوفقك القائمين على التعليم

richardCatheart يقول...

يااااااااااااااااه يا هيثم شتان بين الرحلتين يا اخى دا ايه دا فرق ايه ؟ يمكن فرق العمله يا اخى

يسلم فكرك واسلوبك حثيت انى بتفرج والله وانا بقرالك

تعرف اللى انت بتقوله ليك دا قريب حط عليه عشر سنين كنت انا انا كنت فى تالته ثانوى كانت نفس البهدله
للطلبه والمدرسين والمدارس

حط عليها كمان ست سنين اخويا الاكبر منى على طول كان تالتخ ثانوى نفس المسخره

احنا التعليم وقع من زمان اوى يا هيثم تدهور لغايه ما وقع من ساع ه ماتقدر تقور اخلاق الناس باظت سا عتها لان التعليم وقتها كان باظ

تحيه يا هيثم ياللى امتعتنا بابن الهيثم

شمس النهار يقول...

كل سنه وانت طيب
بجد ضحكتني ضحك

وعلي فكره بقا انت حضرت فترة الدكتور بهاء اللي مش بهاء خالص ده ضرب كرسي في الكلوب وضلمها

بس مين حطله الكرسي اللي ضربه في الكلوب اللي قبله الاخ سرور اللي عمر ماسر قلب ولي امر ولا تلميذ في البلد دي

انا فضلت خيرك بناتي اتعلموا في عصر الاتنين دول وكنا احلي فيران تجارب تعليميه

ماعلينا

علي فكرة تسميت الاساتذه تسميات دي كانت من زمان اوي
يعني احنا كمان كنا بنعمل كده بس طبعا الاسامي كانت بنت الحقبه الزمنيه شوفت الحقبه الزمنيه دي

يعني الشاويش عطيه
نفرتيتي
امين شرطه اسم الله
كده يعني

اما الاخ ابن الهيثم مش عايزين نتعب الرجل في تربته
خاليه ساكن وهادي

تحياتي

كلمات من نور يقول...

يارب يرزقك علم ابن الهيثم انت وكل أمتك اللي بقت أمة متواكلة تستورد التكنولجيا والإختراعات بعدما كنا أول من اكتشف هذه العلوم

تحياتي للهيثمين

ستيتة حسب الله الحمش يقول...

يا يا يا يا هيثم
كده؟
دي اخلاق دارس تاريخ
يعني كيف عن لك ان تذكر المقارنة دي
كيف جرؤت يا رجل

اهم ما في المقارنة الصورة اللي فوق
اللي فيه حنظلة العبسي بيضحك للبنات اللي عندهم 13 سنة :)

الحب الجميل يقول...

صباح الخير
افادك الله على المعلومات الطيبه عن ابن الهيثم
بس الصراحه أنا عن نفسى مش فاكرة ولا مدرس ولو افتكرتهم بحاول أنساهم تانى .....
وجميل ما رسخ فى عقلك من كلام اساتذتك وخاصه استاذة انتصار
كنت بحب التاريخ بس الصراحه جات فترة عليا فيه مُدرسه فى الثانوى كرهتنى فيه من اسلوبها وطريقه شرحها ...
والتعليم كل مدى بيزيد تخلف مع الاسف
مقارنه جميله
وشكرا على المعلومات التى أضافت لى المزيد
بارك الله فيك وفى طريقة اسلوبك

لورنس العرب يقول...

يا سيدي المقارنه مش ظالمه بس هي الظروف
هيثم كان في مدرسه بتفكرني باللي كنت فيه
حيث المدرس كان بيمسك عصايه وخرطوم وسير الغساله وينزل ضرب في العيال زي ما يكونوا العبيد بتوعه
لكن اطمئن
العيال دلوقت بتاخد حقنا من المدرسين ومبهدلينهم آخر بهدله
انا بردو اتذكر ملحوظه كانت جباره- وهي اني على مدار 11 سنه في التعليم لم أدخل الحمام ولا مرة!!

خواطر شابة يقول...

تعجبني دوما هذه المقارنات التي تضعها بين ماض مجيد وحاضر الله أعلم بحاله
دمت بكل الود

Ramy يقول...

هيثم باشا

حمد الله ع السلامة

و ودعنا زمن الفيديوز (:

طريقة رائعة للمقارنة بين ما كان و ما أصبح

تسلم ايدك يا هيثم

للمعلومات الجميلة دى

عارف كان فى برنامج أذاعى كنت بأسمعه و انا فى أعدادى
أسمه كتاباً عربياً علم العالم

كان كل حلقه بيجيب عن عالم عربى ة يتكلم عنه

البرنامج ده من أحد أسباب حبى للقرايه فى التاريخ او السير الذانية زى اللى انت كاتب عنها دى

طب يا عم رامى ايه اللى دخل دة فى اللى انا كاتبه

لا أصلى انت فكرتنى بيه (: بس

دوما تُفيدنا يا صديقى

Haytham Alsayes يقول...

مرمر

شكرا لكي علي المرور
وفعلا ربنا يكرمهم حسيت اني اتعلمت كتير منهم

تحياتي

Haytham Alsayes يقول...

اعقل مجنونة

ربنا يكرمك
دة من بعض ما عندكم يافندم
ويارب جميعا نكون سبب في نهضة البلد

تحياتي

Haytham Alsayes يقول...

قلب فارس

امين يارب ويهديم ويعملوا حاجة
بس ما اظنش في ظل الاوضاع الجميلة دى

تحياتي

Haytham Alsayes يقول...

قلب القطة

طبعا شتان وشتان مليون مرة
واحد عالم زى دة
وواحد اتخرج من مدارس غير ادمية اساسا
فيه فرق شاسع طبعا

اما انهيار التعليم
اظن انه بلغ ذروته خلاص والله اعلم يمكن يوصل اكتر من كدة حد عارف
عموما احنا في مصر بلد الكاتب والبيروقراطية

تحياتي
ياريتش

Haytham Alsayes يقول...

شمس النهار

اهلا يافندم
اضحك الله سنك ورفع قدرك

فعلا بهاء الدين وسرور كانوا من اسوء وزراء التعليم وبدأ التعليم ينهار بس ظل متماسك حتي عهد احمد ذكي بدر
اللي بجد عينهار التعليم وعيتحول المدارس لثكنات عسكرية
الراجل تفكيره امني بحت

ربنا يستر


تحياتي
منورة دايما

Haytham Alsayes يقول...

كلمات من نور

امين يارب ارزقنا جميعا علم الاولين
وتحياتي لكي علي مرورك

Haytham Alsayes يقول...

د ستيتة

دي شتيمة دي ولا ايه
هههههههههه

والله انا حبيت اتذكر اللي كنت باعمله ايام المدرسة كانت ايام الله لا يعودها
وفعلا زى مانت شايفة مسيرة وحشة ايام المدرسة
وحرام ان اظلم ابن الهيثم معايا ومع المدرسين الافاضل

اما عن الصورة
فعلا معبرة عن المرحلة القادمة بقوة واستحقاق

تحياتي
يادكتورة

Haytham Alsayes يقول...

الحب الجميل

صباح الخير يافندم
كيف الاحوال ؟

المدرسين ياما يرفعوا من ذهن الطالب
ياما العكس
انا مثلا بكره حاجة اسمها رياضيات ليه عشان ملقتيش مدرس يشح لي عدل المادة المهمة دي
وعليه اصبحت من كارهو الرياضيات

ربنا يسامحهك

تحياتي لكي

Haytham Alsayes يقول...

لورنس العرب

المقارنة طبعا ظالمة
والظروف حالكة
والمدارس عطنة الفكر والروح
والمدرسين اغلبهم نفس النموذج الذى ذكرته

ربنا يستر علي البلد دة

منور المدونة يالورنس

Haytham Alsayes يقول...

خواطر شابة

فعلا حاضر الله اعلم بحاله

تحياتي لمرورك

Haytham Alsayes يقول...

رامي

صديقي اول مرة اسمع بالبرنامج دة
والمشكلة ان علمائنا الافذاذ من زمان
اه فيه دلوقتي بس هما فين
الكل بيدور علي التفاهة ويجرى وراها
وانا متأكد ان البرنامج دة مبيتذعاش دلوقتي


تحياتي يارامي باشا

فضفضه يقول...

السلام عليكم
موضوع جميل ومعلومات مهمه جزاك الله كل خير
انا مثلك لى زكريات فى ايام الدراسه ساعات احب افتكرها وذكريات تانيهااكره تذكرها ,وايضا مدرسين لو قابلتهم حاليا اقف اسلم عليهم احتراما وتقديرا , واخريين اوجه وجهى لناحية اخرى......
عجبنى اسلوبك فى المقارنه وطريقة المقارنه شيقه وتجذب

Haytham Alsayes يقول...

فضفضة

وعليكم السلام ورحمة الله

ربنا يكرمك علي المجاملة اللطيفة دى
الذكريات مهمة كي نتعلم منها سواء السلبية او الايجابية

تحياتي لكي

richardCatheart يقول...

لاء معلش يا يا ابو الهيثم انا طول عمرى اقول اللى خلق فلان يقدر يخلق احسن منه ممكن اوى فى يوم من الايام بأجتهادك توصل زيه واحسن انت او غيرك وهو زويل دا طلع منين من الارياف وجاب 65%

الاقصده الشتان فى رحله بينك وبينه رحلته كانت مشقه فى السفر والوقت والبحث لكن فى وقت كان فيه تقدير فى عالمنا العربى للعلماء بيحثوهم وبيساعدهم بأقل الجهد بس اهو اهتمام

انما انت او احنا كلنا كأجيال البحث بقى اسهل والتقنيه اعلى بس عندك اللى بيحبطو العزايم وهدو المجهود وممكن اوى ينسوبه لغيرك وتتسرق افكارك
وانت لاحول ليك ولا قوه

ويوم ماجه عليه الدور يساعدوك رزعونا على توخت مكسره مدرسين اغلبهم معقد من الدنيا كاريهن للبيدرسو اساسا ومعامله لا اداميه

دا فرق الرحلتين مش الاشخاص

Haytham Alsayes يقول...

ريتش

تاني مانتي علقتي
علي العموم المدونة مدونتك

وعلي فكرة كلامك في الحالتين متوافق جدا
وانتي كدة شجعتيني ان ممكن ابقي حاجة زى ابن الهيثم
يارب

تحياتي ياجدع اسكندرانية