السبت، 25 سبتمبر 2010

ست القاهرة


امشى في مدينتي الصغيرة المتعبة المرهقة المقهورة تحت سرابيل الظلام العاتي الذى يسود مصر الان ارى وانا في طريقي الي منزلي لافتات مجلس الشعب وهي معلقة ككقصائد الشعر الجاهلي الملىء بالفخار والمجد للقبيلة والانتقاد والاحتقار للقبيلة المجاورة ..في اللافتات اشياء مضحكة كالذى يقول "لا وطني ولا اخوان ابراهيم في البرلمان " لذيذ ومضحك الشعب المصري حتي في منطق وفلسفة دخول قدس اقداس الحكومة وكهنوتها الاعظم الذى يسمي مجلس الشعب ..
تجد اشياء غريبة اخرى من ازدحام اللافتات وكأنها تحاصرك كحصار طروادة تتلفت يمينا ويسارا وتجد المرشحين الذين اظن انهم زادوا عن مائة او اقل في دائرة لا تتعدى مساحتها 20 كيلو متر مربع ..

الاغرب في هذا العام وجود عدد كبير جدا من النساء اللواتي رشحن انفسهن بغرض دخول قدس الاقداس منها الاستاذة الجامعية ومنها الصحفية ومنها الطبيبة ومنها القيادية في الحزب الحاكم " لا اعزه الله " ومنها ومنها من جميع الفئات والطبقات حتي انني سأظن ان ام احمد زوجة بواب بنايتنا ستفكر في الترشيح ..

ظاهرة جيدة علي اية حال ان تجد المرأة طريقها الي البرلمان ولكنني اعتقد ان معظمهن لايبدر النية السليمة والعزم
في خدمة الناس كلهن ينظرن الي الشكل الاجتماعي ومايدره مجلس الشعب من سلطة ونفوذ وحماية من يحتمي بأمن الدولة سيجد طريقه مفروشا بالورود والرياحين الي دخول المجلس ..

نترك كل هذا الي بنات المظاهرات ..ينظر رجال الامن الي هذه البنت انها مسترجلة فيها كما يقول ابراهيم عيسي في كتابه الاشهر" مبارك وعصره ومصره " حيث ذكر ان رجال الامن بشكل عام ينظرون الي المثقف علي اساس انه شيوعي اجرب الجلد من عدم الاستحمام بوهيمي المنظر يتكلم بالنحوى والتعبيرات علي غرار البرجوازية والاشتراكية
والايدلوجية وماشبه ولكن الغريب ان رجال الامن ذاتهم ينظرون الي بنات المظاهرات بعين فيها ريب وشك بحيث البنت تتعدى دور الرجولة عانس تلبس الجينز وتدخن النرجيلة او الحشيش وتلبس الكوفية الفلسطينية الشهيرة لذلك تستحق مايجري لها تعاني من التحرش في المظاهرة او الخطف والاعتداءات الجنسية الفضيحة عام 2005 كانت هي الاشهر في صحف العالم المختلفة ..

علي اية حال نترك المرشحات وبنات المظاهرات ومثقفي وسط البلد كما يحلو لي وصفهم ونذهب سريعا الي قطار التاريخ الممتع وسحر وعبق سيرة شخصياته واحداثه سنذهب الي ست القاهرة او ست الملك وهكذا كان اسمها
وهكذا كان وصفها بين المصريين وهكذا كان دورها الفعلي بحيث اصبحت ست الملك بجدارة منقطعة النظير ..

كانت ست الملك اخت الخليفة الحاكم بأمر الله الفاطمي والذى اشتهر انه غريب الاطوار والافعال واثار حنق المصريين بأفعاله التي يذكرها التاريخ بشىء فيه بشاعة وشىء اخر من قبيل المضحك المبكي ..كان الحاكم الخليفة الثالث بعد المعز لدين الله الفاطمي والعزيز بالله ابوه ثم هو ..كان ابوه العزيز بالله متسامح مع الشعب المصري لم يفرض عيه اي متاعب واحبه المصريين مسلميهم ومسيحيهم حيث كان متسامح مع المسيحيين الي ابعد الحدود وكان متزوج من سيدة مسيحية بيزنطية وهي التي انجبت له ست الملك ..مات العزيز بالله وتولي الحاكم الامر ..

كانت ست الملك جميلة مثقفة جدا في عصرها متسامحة مع الغير ليس لها في شئون الحكم الا السماع عن اخيها وافعاله
تهافت عليها الخطاب والمعجبين وبدأت المشاكل مع اخوها الذى كان متشكك في سلوكها بغير اساس عنده وحرمها من الخروج واجلسها في جناحها الخاص ..

كان الحاكم بأفعاله يبرز جانب مهم من التعصب البغيض ضد المرأة ضد المسيحيين ضد المصريين بوجه عام
بل انه فرض بتصرفاته غلق حرية المصريين بوجه عام حيث كان يخرج ليدرس النجوم التي كان مولع بها بشكل كبير
وفرض علي المصريين ان يناموا نهارا ويفتحوا الحوانيت ليلا واضاء الشوارع لذلك حتي ادى ذلك الي اضطراب الحياة في القاهرة ..وعندما زادت عمليات التحرش بالنساء ليلا اثناء مسيرهن في الشوارع خاف من الفتنة وفرض عليهن ان يقرن في بيوتهن ولا يخرجن ابدا ولكن خالفن الامر ففرض علي صانعى النعال الا يصنعوا لهن شيئا وبذلك فرض عليهن القانون بالجبرية وخالفن الامر مرة اخرة فكان فرض القانون الان ليس بالجبرية ولكن التصفية الجسدية والقتل .....

التعصب الذى ساد ضد النصارى واليهود في عهد حيث فرض عليهم ان يلبسوا الصلبان الكبيرة حتي يكونوا مميزين وفرض عليهم اللون الاسود للباسهم مما زاد من حنق اليهود والنصارى بشكل كبير وايضا المسلمين ..

اصبح الكل ساخط خاصة النساء الفئة التي تتضررت بشكل كبير لمدة 7 سنوات كاملة وكانوا سنوات عجاف علي المصريين اجمعين وايضا ست الملك التي ابي تعليمها وثقافتها ان يقبل بمثل هذه التصرفات الشنيعة وبذلك تبلورت الخطة في ذهنها وبدأت في التنفيذ ..

الحقيقة ان ست الملك صبرت كثيرا علي اخيها خصوصا علي الاتهام لها بالممارسات غير الاخلاقية الي جانب افعاله التي اشتمت منها خطرا كبيرا علي الدولة الفاطمية برمتها خاصة بعد الادعاء المشين الذى ادعاه الحاكم بسبب تقديس حاشيته وكأنه اله ينتظر القرابين حتي صدق الكذبة وادعي الالوهية "والعياذ بالله " وبذلك قطع كل امل في الرجوع الي حرية شعبه والامال التي كان ينتظرها منه ..

القاهرة تسخط ..المصريون يتحركون.. تقول فاطمة المرنيسي :"في عام 411 هجرية كانت غالبية سكان القاهرة ذات طبيعة ساخرة ولاذعة تلك التي ستجعل المصريين اكثر شعوب العالم العربي انتقادا " هكذا تقول ..وبالفعل من يرى المصريون ايام الحاكم يرى المصريين هذه الايام ..

كان المصريون يكتبون شتائم ضد الحاكم علي الحوائط يعلنون سخطهم بصراحة يكتبون علي الملأ بفرضية اغتيال الحاكم اذا لزم الامر كانوا ينظرون الي الحاكم المعتوه الذى اصابه الجنون حتي انه حرم اكل الملوخية والاسماك ذات الحرافيش وقتل الكلاب لانها تزعجه ليلا ..

جن جنون الحاكم بأمر الله وحرق الفسطاط بالكامل لكي يمحو اثر الشتائم من علي حوائطها بل انه نشر قوات الجيش الفاطمي في شوارع القاهرة ..ولكن ماذا عن ست الملك ؟؟

كانت تحيك خطة لاغتيال اخوها الاصغر مع الاتفاق مع قائد كبير في حاشية الحاكم يدعي ابن دوس واتفقت معه علي اقتسام السلطة في حال نجاح الاغتيال ..وبالفعل نجح في قتل الحاكم في جبل المقطم وتظاهرت ست الملك بانه اختفي وليس قتل وشكلت لجنة للبحث عنه في القاهرة المدينة الواسعة وكان الرجال المكلفون قد وجدوا حماره مقطع الرجلين وهذا معناه ان الحاكم جرى اغتياله اما الغلاة من مؤيدى ومقدسي الحاكم وهم من اوحوا له فكرة ادعاء الالوهية رفضوا فرضية قتله واعتبروه غائبا وسيظهر في يوم من الايام وهؤلاء هم طائفة الدروز الذين طردوا من مصر بعد اغتيال الحاكم وعاشوا من يومها في جبل لبنان ..

اما عن ست الملك فأصبحت وصية علي ابن الحاكم واصبحت هى الملكة التي تحكم مصر من مخدعها الامين في القصر الخلافي واعادت الامان والحرية مرة اخرى في ربوع القاهرة ومصر كلها والغت جميع القرارات التي اتخذها اخيها وبذلك نظر اليها المصريين وكأنها المخلصة النهائية لظلم الحكومة الفاطمية
ولكن بالرغم من ذلك تورطت
ست الملك في اغتيال اخر الا وهو ابن دوس الذي بدأ يهددها بأفشاء السر وجرت علي اغتياله بطريقة ذكية وهي ان اعلنت في مجلس المستشارين والوزراء انه عرفت ان ابن دوس هو من اغتال اخيها وطالبتهم بالقبض عليه ومحاكمته وبالفعل قتل ابن دوس وانفردت ست الملك بالحكم ...


مع امرأة اخرى ان شاء الله
....................

تنويه : بناء علي طلب صديقة عزيزة وهي الشوكة الناعمة انوه انها اغلقت المدونة بشكل نهائى لاسباب خاصة بها
وتنوه ان هناك من يستخدم مدونتها علي اساس شخصيتها هي ولذلك لزم التنبيه
وربنا يفك كربها ويرجعها تاني بالسلامة

تحياتي للجميع

هناك 37 تعليقًا:

أع ـقل مـ ج ـنـونــة يقول...

هيثم ..

بستمتع جدا وانا بقرأ تدويناتك

أد ايه المرأة ليها دور فعال في جميع العصور .. !
بيعجبني طريقة ربطك الحاضر بالماضي بأسلوب محترف جدا

بجد لو عملت كتاب هايكسر الدنيا :)

شخصية ست الملك .. قوية وعندها ارادة " مش قوية وكلها حنية <_< "

بس نفسي اعرف ليه سمة عامة ف الحكام " سواء ف العصر المصري القديم والروماني واليوناني .. أو ف الاسلامي وبعض الحكام المسلمين " .. انهم يقتلوا ويغتالوا ويكذبوا ويلفقوا الاتهامات ! ..

هل هم مثلا معصومون من الخطأ .. هل في اعتقادهم انهم لن يُحاسبوا ؟!

ليه كلهم أو ان صح القول أغلبهم كدا <_<


متابعة معاك مواضيعك عن المرأة بكل حماس :)

وربنا يفك كرب الشوكة الناعمة وترجع بالسلامة ان شاء الله :)

ستيتة يقول...

لا أعلم يقينا كيف يعيش أي حاكم - بعد عمر بن الخطاب - سعيدا أو آمنا
كم من الحكام الظلمة أو الطيبين أو العقلاء أو المجانين رأينا نهايته على يد مخلص للشعب أو طامع في الملك

قصة جميلة جدا
اشكرك يا هيثم شكرا جزيلا

richardCatheart يقول...

صباح الورد والجمال والستات المميزه المشرفه

امال هرينا يا اخويا رجاله رجاله رجاله التاريخ كله رجاله لما الواحد كان متخيل ان ماكنش فى غير شجره الدر وكليوبترا

جميل طبعا والاجمل انها بتوضح صفات موجده فه فى الست مهما على شأنها يعنى الصبر لكن لما صبرت ومالقتش فايده اشتغل كيد النسا والذكاء الانثوى وصلت للحكم فاكانت حاكم عادل وبقى فى عطاء ومساواه لالالالالا

جميل فعلا والله بترفع معنويات الواحد بالنمتذج دى حقيقى وخصوصا الناس اللى بتتكلم بلسان الاسلام وتقولك خط المراءه عوره مافضلش غير كده والله

الصوره بقى وجعت قلبى وحاسيت ان دا كان هايكون مصير ست الملك فى القرن 21 فى قاهره البشر ( قاهره المعز)

تحيه ليك وهانستنى القادم بشغف

اما عن التجمع ايوا ان شاء الله هاكون اول الموجدين انا والحاج هانكون فى انتظاركم بأذن الله
واتمنى انك تيجى يارت يا ابو الهيثم

Ramy يقول...

هيثم

سألتنى عن رأيى


نسيت انى اقولك كمان انى بتعلم بجد بأعرف جيد

شكرا صديقى

(:

Tears يقول...

المشهد فى مصر الان اقرب للمسرح العبثى

مش عارفه رايحيين على فين بس اكيد لو استمر الوضع كده نبقى رايحيين فى داهية

ربنا يستر

mrmr يقول...

النسااااااااء المصرياااااااااات وكرسى المجلس

ازيك يا هيثم
انا استمتعت جدا بقصه ست الملك
فالى نسااااااء اخريات نستمتع بهن

Unknown يقول...

مدونة مميزة يا هيثم... لكن لي رجاء في إيراد المصدر (أو المصادر).. طبعا إنت عارف أهمية ده في التاريخ...
خاصة إنك المرة دي تكلمت في مرحلة بجد معقدة...

الربط كالعادة جميل جدا... وأعجبني وصف المصريين الذي تشابه بين العصررين..!

أؤيد (أعقل مجنونة) في اقتراح الكتاب.. بس انتبه هيحتاج تعديلات لغوية لا بأس بها.. لكن أجزم -إن شاء الله- إنه سيكون من النوع الممتع..
وفقك الله لما يحب ويرضى.. مع تحياتي..

غير معرف يقول...

جميلة قصة ست الملك
الصراحه لما بدخل هنا بستفيد كتير
جزاك الله كل الخير
هنستناك ان شاء الله يوم التجمع
هيكون يوم جميل
ان شاء الله

داليـ ـ ـ ـ ـ ـ ــــا يقول...

ازيك ياسنيور هيثم
عامل ايه وايه اخبارك ؟؟؟
انا انقطعت شويه بس غصب عنى النت كان فاصل
ولسه راجع
قلت أجى اسلم على أعز الناس
وليا راجعه تانيه لقرأة البوست

سلام مؤقت

ليله شتاء يقول...

السلام عليكم ورحمة الله وبركاته

جزاك الله خيراا

وكل عام وأنت بخير

دام قلمك نفعا

richardCatheart يقول...

هيثم هيثم بقولك حصل تعديل فى مكان التجمع لوسامحت ادخل بص عندى ماتنساش وابقى ردى عليك لو احتاجت اى استفسار قولى

كلمات من نور يقول...

الله عالستات لما يفتروا (:

بقت الحاكمة لما صممت بس يا ترى نهايتها كمستبدة وقاتلة كانت إيه؟

استمتع بقراءة التاريخ في مدونتك يا هيثم

جزاك الله خيرا

داليـ ـ ـ ـ ـ ـ ــــا يقول...

انا بقه هعلق على جزء جزء
بص ياسيدى بالنسبه للسيدات المرشحين للعضويه بصراحه انا مش معجبه بده
بالرغم من انى من هذا النوع الا انى رافضه الموضوع تماما
بص هقلك حاجه قرئتها عجبانى اوى
* قالت الممثله السينمائيه ( ميديل ستريت ) فى مقابله صحفيه نشرتها جريدة السياسه فى العدد الصادر فى
8/9/1983 م
( المرأه التى تنزلق كليا الى السياسه لا تعجبنى فأنا لا استطيع ان انظر الى السيد مارغريت تاتشر الا كونها رجلا يملك شعرا طويلا وملامح رقيقه ربما كانت السياسه ضد المرأه أو ربما كانت السلطه ضد المرأه وأنا أتسأل كيف يعيش السيد تاتشر فى ظل رئيسه الوزراء ؟؟
وحين قال لها الصحفى ( إنه سعيد جدا كما يقول )
قال ميديل ستريت ( لا اعتقد ذلك : ربما كان اتعس رجل على وجه الأرض )

داليـ ـ ـ ـ ـ ـ ــــا يقول...

بالنسبه للشوكه الناعمه
ربنا يفرج كربها
اللهم أمييييييييييين
وطبعا قول لها ان قفل المدونه مش حل لأى مشكله عندها
وربنا يرجعها لينا بالف سلامه يارب

تحياتى ياموسوعه

ليلى الصباحى.. lolocat يقول...

السلام عليكم ورحمة الله

تعرف ياهيثم اجمل شىء انك بتقول الحقيقة مجردة ومن غير ذواق او تجميل
انا معك ان كثير من النساء اللى بيرشحوا نفسهم داخلين علشان المظهر الاجتماعى مش للعمل لمصلحة الشعب

وجميلة قصتك اليوم وستات زمان برغم انهم لم يدرسوا بجامعات او راحوا لبعثات فى اوروبا الا انهم كانوا فى منتهى القوة و الذكاء حتى فى الشر

احييك هيثم على موضوعاتك الجريئة المتميزة

لك تحياتى وتقديرى اخى العزيز ودمت بكل خير

هيثــم رمضـــان يقول...

أسلوبك ممتع يا هيثم فأنت تزيد من معلوماتنا وثقافتنا المتواضعة بأسلوب أكثر من رائع بعيد عن الملل فعندما أقراء تدوينه في الفردوس الضائع أو في مدونتك الأخري أود لو أن الموضوع لا ينتهي من كثرة الأستمتاع بما أقراء .

تحياتي وتقديري يا صديقي العزيز

sal يقول...

انفردت ست الملك بالحكم ...


**************

هو كله انفراد انفراد انفراد بالحكم
يااااااه
تاريخنا جميل وملىء بالانفرادات
على فكرة يا هيثم شعوبنا كلها تعشق الانفرادات
حتى ولو قالت عكس ذلك

تحياتى وتقديرى

غير معرف يقول...

ثقافة الهزيمة.. أسكندرية ليه؟

مصر تركز فى الدعاية و التسويق السياحى بالخارج على السياحة فى البحر الأحمر و سيناء و الرحلات النيلية من القاهرة لأسوان ، و هناك تصور خاطئ بأن الأسكندرية هى للسياحة الداخلية بالأضافة لبعض السياح العرب خاصة من ليبيا و هذا فقط فى شهور الصيف، و عندما شاهدت درجات الحرارة بمدينة الأسكندرية طوال العام فهى حتى فى شهور الشتاء تتراوح ما بين 8 و 18 درجة مئوية ، و هى تعتبر دافئة بالنسبة لسائح من أوروبا فينبغى عمل تخطيط لجذب ملايين من السياح الأجانب على مدار العام للأسكندرية، سيما أن هناك مواسم أجازات فى أوروبا و أمريكا فى الشتاء يستغلها الكثيرين للسفر و السياحة.

الأسكندرية مدينة تاريخية و لا تقل بأى حال عن مدن اليونان و إيطاليا و هى تستحق الزيارة، الأسكندرية فقط بمفردها و بما بها من أمكانيات سياحية تحتاج فقط إلى تحسين فى البنية التحتية و زيادة الطاقة الفندقية مع التسويق الجيد ليزورها 10- 15 مليون سائح سنويا مثل دبى و سنغافورة...

باقى المقال ضمن مقالات ثقافة الهزيمة بالرابط التالى www.ouregypt.us

Haytham Alsayes يقول...

اعقل مجنونة

والله كلامك جميل فعلا المرأة ليها دور لانها لها دور كبير جد في اعمارالارض
حكاية الكتاب بتهيقلي واسعة عليا شوية لاني مش كاتب محترف انا مجرد هاوي بس ممكن افكر في من الايام بعد تطورى في شكل واسلوب الكتابة

تحياتي ليكي

Haytham Alsayes يقول...

د ستيتة

عمر بن الخطاب اتعب من بعده
الحكام اما مصالحهم هي العليا اما لاينظرون الي الحكم الا انه حق مكتسب وطبيعي له
وهنا مكمن الكارثة

تحياتي

Haytham Alsayes يقول...

ريتشارد

اهو قلت تغيير مش كله رجالة رجالة فيه ستات برضه في التاريخ ونماذج تشرف احيانا ونماذج سيئة احيانا اخري مثلها مثل اي بشرى عادى في التاريخ
اما الصورة لها تكملة بس لاينفع عرضها في المدونة رحمة بالسادة المدونين والمدونات لانها فضيحة
وربنا يستر علي رجالة وستات مصر

بالنسبة للتجمع علم يافندم المكان الجديد بس كنت عاوز اعرف فين بالظبط بس ما يهمش اخد تاكسي وبعدين اسكندرية دى مفيش حد بيتوه فيها ابدا
وان شاء الله يبقي يوم ممتع ومفيد للجميع
ومبسوط اني اتعرف عليكي وعلي الحاج
سلام مؤقت ياريتش

Haytham Alsayes يقول...

رامي

شكرا ياصديقي علي رأيك المحترم الذى اثق فيه دائما
حاول يارامي تيجي اسكندرية عشان ازعل جدا لو مجتش

تحياتي

Haytham Alsayes يقول...

تييرز

المسرح العبثي
والمسرح الفوضوى
فعلا ربنا يستر

منورة المدونة

تحياتي

Haytham Alsayes يقول...

مرمر

النساء المصريات في البرلمان
دة فيلم الموسم باين

فرحت لاستمتاعك

تحياتي لمرورك

Haytham Alsayes يقول...

ماجد القاضى

كلامك رفع معنوياتي
ربنا يكرمك
بالنسبة للمصادر بكتبها يافندم وفيه تدوينات كاتب مصادر لو استعنت بيها وفي تدوينات مش كاتب فيها مصادر
وطبعا عارف ان المصادر مهمة جدا
بالنسبة للكتاب اظن انني لست محترف كتابة انا هاوى كتابة وفعلا اكيد في اخطاء لغوية بالجملة
عشان كدة لو فكرت في نشر كتاب هيكون نفس الفكرة ولكن عندما يكتمل الاسلوب واللغة الي مرحلة اصدار كتاب

تحياتي لتشجيعك

Haytham Alsayes يقول...

الحب الجميل

الحمد لله يافندم علي الاستمتاع
ان شاء الله احتمال كبير اجي
وان شاء الله يكون يوم ممتع كفاية صحبتكم الجميلة

تحياتي

Haytham Alsayes يقول...

داليا

ازيك ياسنيوريتا
عاملة ايه
برضه النت هي شوطة ولا ايه
هههههههه
الحمد لله انك بخير وسلامة

Haytham Alsayes يقول...

ليلة شتاء

ايه اخبارك
فينك من زمان

حمد الله علي السلامة

Haytham Alsayes يقول...

كلمات من نور

شوفتي الستات برضه بيفتروا لما يوصلوا الحكم
وقتل والذى منه موجود


شكرا لمرورك

Haytham Alsayes يقول...

داليا

انا معاكي طبعا
الستات اه من حقهم لو عاوزين انهم يدخلوا المجلس اذا ارادوا ولكن الاولوية تخريج اجيال قادرة علي صناعة حذائها مش اجيال بتعتمد علي الكل والشرب من برة نشوف الاولي ثم الذى يليه
حلو كلام الممثلة دخل مخيخي

بالنسبة للشوكة الناعمة
ان شاء الله تعدى الازمة وترجع تنور البلوجر تاني

تحياتي ليكي ياداليا

Haytham Alsayes يقول...

لولو كات

الله يكرمك
ولا جراءة ولا حاجة هي دي الحقيقة للاسف الشديد
مفيش حد بيشتغل لمصلحة بلده كله لمصلحته الشخصية
ودى كارثة بجد

ستات زمان كان عندهم تعليم وكانوا بيتعلموا صح
وفعلا ماكنش فيه بعثات لان اوربا كانت بتيجي اساسا تتعلم عندنا
بس دة طبعا كان زمان
ربنا يرجع عزة المسلمين

تحياتي لمرورك

Haytham Alsayes يقول...

هيثم رمضان

والله ياصديقي كلامك كبيير جدا عليا
انا غلبان وبجد انت وحشتني جدا ووحشني اشعارك الجميلة
اكتب حاجة جديدة عاوز اشوف ابداعك

تحياتي وبلاش الغيبة الطويلة دى

Haytham Alsayes يقول...

سال

كله انفراد
طبيعة انسانية اللي هي الانانية وحب الذات
ولن تجد هذه الطبيعة مكمن وبيت ومستقر لها الا في المجتمعات الديكتاتورية التي نعيش فيها

ربنا يصلح الحال

تحياتي ياصديقي

Haytham Alsayes يقول...

غير معرف

ان شاء الله اقرأ المقال

شكرا للمرور

جايدا العزيزي يقول...

قد ايه جميله المدونه يا هيثم

والاجمل موضوعك لانه مميز

افادنى كثيرا

تحياتى

Haytham Alsayes يقول...

جايدا العزيزى

ربنا يكرمك
يسعدني مرورك

تحياتي

آخر أيام الخريف يقول...

حلوة التدوينة و حلو جدا الربط بين التاريخ و الواقع ..بجد تسلم ايدك

تحياتى لحارس الفردوس :)