الاثنين، 4 أكتوبر، 2010

اتفرج يا سلام !!!




لن اتكلم اليوم بنفسي ولكن سأتترك لكم هذه المرئيات لكي تشاهدوها وتستوعبوا مافيها
ومن له اطفال صغار احمله امانه ان يشاهد هذه السيرة العطرة وان يعرف
اكثر عن تاريخ بلده
ويتعرف اكتر عن مصر الحقيقية


video



video

هناك 17 تعليقًا:

MR.PRESIDENT يقول...

يا عمنا طب والغلابة اللي زيي ، النت بقاله يومين وحش يعني كويس اصلا انه بيفتح المدونة وفضل واقف بالضبط من 24 ساعة ولسه بطي بدرجة غبية
سامحني علي المشاهدة حاليا .

ستيتة حسب الله الحمش يقول...

اللهم أرزقنا أمثالهم واكثر واكثر
ومصر اليوم في عيد
النهاردة لن نسمح بنبرة انهزامية
او تسفيه للنصر
اكتوبر حقيقة بكل المقاييس
وبشهادة الأعداء انفسهم
رحم الله شهدائنا من فجر التاريخ
يا اخي الوطن غالي
غالي قوي
ومعرفش مين مش غالية عليه مصر
تحيا مصر

تحياتي

كلمات من نور يقول...

صح يا هيثم بكرة بأمر الله أفرج أولادي عليهم .....شهداء رووا بدمائهم أراضي مصر الحبيبة

ماجد القاضي يقول...

ما شاء الله يا هيثم..
إضافة جميلة منك..
فعلا -للأسف- هذه هي المرة الأولى التي أسمع فيها عن هذا الرجل..
استمتعت بالفيديو خاصة أنه بأسلوب إبراهيم عيسى الذي يعجبني أسلوبه في السرد، رغم اختلافي معه في 80 % من الأفكار!!!
عامة .. تزول الخلافات عند سرد سير الأبطال... ويجمعنا جميعا حب هذا الوطن..!

جزاك الله خيرا.. دمتَ بكل خير.

richardCatheart يقول...

راااااااااائع يا هيثم كالعاده حتى لو ماكتبتش كفايه اختيارك

انا عشقت الراجل دا اكرمه الله ونحتسبه عنده شيهد
كتير ابويا حكالى عنه ايام حرب الاستنزاف كان موقف الجيش على رجل وكل الناس كانت بتغير ونفسهم تنضم لفرقته دا حقيقى
كان ابويا كل ماتيجى سيره الرفاعى يبكى وعنيه تتملى دموع ودى من المشاهد القليله اللى بشوفه فيها يبكى حقيققى علشان كده ماستغربتش دموع ابراهيم عيسى
دموعنا دى ودموع ابويا الله رحمه دموع فخر فخر اوى
مش حزن فخر اننا عندنا فى ناس كده بالقدره والروح دى فخر ان مصر ولااده وعيالها رجاله

تحياتى ياهيثم يابو الهيثم ورحم الله كل الشهداء واكرمهم حسن الصحبه ووالدى يارب صحبه المصطفى صلى الله عليه وال بيته وصحبه اجمعين ليوم الدين

كل سنه وانت منتصر ومصر بخير

محمد التركى يقول...

السلامو عليكم

هيثم
اولا أحب أقولك انى سعيد جدا انى شفتك واتعرفت عليك
انته شخصيه بجد فوق الوصف
صعب الواحد يوصفك
مع انى متكلمتش معاك كتير
بس حسيت واتأكدت انك شخصيه محبوبه وقمه فى الاخلاق
ويارب اشوفك تانى ياجميل
واكيد هكون عندك هنا على طــــــــــــــول

ثانيآ
مهما اتكلمنا عن ابراهيم الرفاعى
مش هنديله ربع حقه
كانو بيموتو منه اليهود
البعبع بتاعهم
اسمه بس لما بسمعوه كانو بيقومو يقفو ويبصو وراهم ويتلفتو
كانو بيقولو عليه هو ورجلته العفاريت
علشان مكانوش بيتشافو
رجاله
ابطال
اسود
فعلا انا بفخر ان كان فى داخل الجيش المصرى حد قائد زى الرفاعى
واتمنى انه يكون فيه حد فى ربع دماغه وتفكيره
ودهائه

وربنا يبعد عن مصر الحروب
ياااااااارب

اهنيك على البوست الرائع

تحياتى لقلبك الطيب ياابو قلب زى الدهب

محمـــد التركـــى

Tears يقول...

مصر عمرها ما ح تبقى فى عيد طول ما هى محتلة

لـــولا وزهـــراء يقول...

ربنا يحرس مصر زمان ححرناها من اعدائها يارب نحررها الان من فسادها ..ربنا يعزك اللهم اجعل كل مزانك في اعمالك الصالحة ويرحم كل شهدائنا
لولا

sal يقول...

حرب أكتوبر ما هو أكبر من الانتصار

تمر اليوم الذكرى السابعة والثلاثين لانتصار أكتوبر المجيد، والذي اقتحم فيه الجيش المصري قناة السويس وانتصر على جيش الاحتلال الإسرائيلي، بعد سنوات ست من الهزيمة والانكسار. يعد احتفال مصر والعالم العربي بذكرى حرب أكتوبر مناسبة عظيمة لنسترجع مرة أخرى «طريق النصر»، والذي هو في الحقيقة أهم من الانتصار ذاته، فنصر أكتوبر لم يكن وليد الصدفة إنما كان نتاج جهد وعرق ودماء دفعها الشعب المصري وقواته المسلحة الباسلة من أجل تحرير الأرض واستعادة الكرامة فقد كان اعتراف القيادة السياسية بمسئوليتها عن هزيمة 67 الفادحة وتقديم عبد الناصر لاستقالته في خطاب التنحي الشهير، ومحاسبة كبار الضباط المسئولين عن الهزيمة، ثم إعادة بناء القوات المسلحة على أسس جديدة متسمة بالتخطيط العلمي والانفتاح على التكنولوجيا الحديثة، وضم المؤهلين بين صفوف الجنود، وإعادة الثقة في قدرة المقاتل المصري وغرس ثقافة النصر والعمل والقدوة الحسنة بين صفوف الجنود، وكان استشهاد البطل عبد المنعم رياض أثناء حرب الاستنزاف رسالة واضحة من القوات المسلحة إلى الشعب المصري، بأن القائد الحقيقي هو الذي يبقى وسط جنوده، وأن القيادة لم تكن في أي يوم مجرد تشريفٍ إنما هي في المقام الأول مسئولية وتكليف وقد يصل ثمنها أحيانًا إلى الاستشهاد.

لقد كان نصر أكتوبر انتصارًا للانضباط والتخطيط في العمل، وهو بالتأكيد يمثل عكس ثقافة الفوضى والعشوائية التي عرفها المجتمع المصري بعد ذلك. كما يمثَّل أيضًا رسالة قوية لكل المجتمع بأنه لا تقدم ولا نصر إلا بالاعتراف بالخطأ والبدء في تصحيحه. لقد قام الجيش المصري بعمل تاريخي وبطولي في مثل هذا اليوم من عام 1973 وقدم آلاف الشهداء الذين لولا تضحياتهم وبطولاتهم لما نجحت مصر في استرداد أرضها المحتلة ولما فتح الباب أمام بناء مصر المستقبل.

وللأسف الشديد و بعد مرور 37 عامًا على هذا الانتصار فإننا لم نستلهم قيم أكتوبر في « معركة السلام» ولم نتقدم اقتصاديًّا ولا سياسيًّا، وتعمقت مشاكلنا الاجتماعية والثقافية بل والأكثر أسفًا أن العديد من قيم أكتوبر مثل: المواطنة، والعمل الجماعي، والتفكير العقلاني، والتخطيط المدروس، والانضباط، والوفاء، والصدق، والشفافية، والتواضع، وإنكار الذات، وغيرها من القيم التي تشكل البنية الأساسية لتقدم المجتمعات لم يعد لها مكان يذكر في مجتمعنا.

إن إصلاح مصر لن يكون إلا باستلهام هذه القيم التي جسدتها القوات المسلحة، والتي يجب أن تعود مرة أخرى لتكون هي قيم الشعب المصري بأكمله. تحية إلى شهداء مصر الأبرار ورحمة الله عليهم وتحية إلى قيم أكتوبر التي حان وقت عودتها وبعثها من جديد، لتعوض مصر ما فاتها وتبني نظامًا ديمقراطيًّا يقوم على الحرية وكفالة الحقوق الاقتصادية والاجتماعية لكل مصري دون تفرقة أو تمييز.

محمد البرادعي

Haytham Alsayes يقول...

سيادة الرئيس

معلش ياريسنا ابقي اضرب الواد بتاع النت دة
عشان يظبطه

تحياتي لمرور سيادتك

Haytham Alsayes يقول...

د ستيتة
اللهم امين

كلمات من نور

طبعا لازم نشاهد كلنا
امجادنا

Haytham Alsayes يقول...

ماجدالقاضي

طبعا معاك
مفيش اختلاف مع ابطال الوطن

تحياتي

Haytham Alsayes يقول...

ريتشارد

ليا الفخر انك تعلق عندى بنت بطل من ابطالنا
اكيد والدك الله يرحمه كان بطل
زى ابراهيم الرفاعي

ربنا يرحم الجيل دة كله
رفع راسنا


تحياتي

Haytham Alsayes يقول...

محمد التركي

ربنا يكرمك يارب
والله كلامك دة كبيرعليا اوى
ان شاء الله نتقابل في الخير دايما

فعلا كلامك صحيح
كانوا بيسموهم الاشباح
ياريت نرجع الامجاد دى تاني

ان شاء الله هترجع مؤكد

تحياتي ياصدقي
والله انا اتشرفت بيك جدا

Haytham Alsayes يقول...

تييرز

ليه نبرة اليأس ياتييرز
ربنا هيكرمنا ان شاء الله
بكرة هافكرك
ثقي ان ربنا اقوى من الكل
بس احنا نجتهد
وانا شايف ان والله بدأت الناس تفوق
الامم مش بتصحي من السبات بسهولة دى قوانين التاريخ


الصبر ياتييرز

تحياتي

Haytham Alsayes يقول...

لولا وزهراء

ربنا يكرمك يارب

شكرا لمرورك

واسف لتقصيرى عنك
بس تأكدى اني بقرأ عندك بس ساعات مش بلاقي تعليق

تحياتي

Haytham Alsayes يقول...

سال

مش دة المقال اللي شال ابراهيم عيسي
ههههههههه
وبتجيبه عندى

عموما انا متفق تماما مع الرجل بس احنا نتحرك

تحياتي