الخميس، 6 يناير 2011

تعايش

من عاداتي الشخصية ان ادون الاحداث الهامة علي احداث الساحة ،لذلك اجد ان من الحري بي ان ادون الحدث الموجود علي الساحة المصرية الان واجعله في مذكرتي الخاصة او علي اقل تقدير في مدونتي المهتمة بالتاريخ ..
الذى يحدث تاريخيا ماهو الا حدث له اسبابه وله نتائجه وعلينا ان نتفهم ذلك الامر ..ان لكل حدث سبب ونتيجة نفهمها من هذا الحدث وما وراءه وكل هذا يدخل في سجل التاريخ بعد قليل حتي ولو مر عليه ساعة من الان ..
الفتنة تنتشر بين المصريين بدرجة النار في الهشيم ..هناك قدر من الغوغائية الشديدة علي كل المنتديات وعلي كل القنوات وهناك تضارب في الاراء ..
مايروق لك من افكار لابد ان تطرحها في السوق ..الكل مثقف وغير ذلك ، تعي الامور او لا ولكن تطرحه في وقت ينبغي علي الجميع الصمت ولو دقيقة والتفكير العقلاني والوجداني لما حدث ..

هناك احتقان في الشارع المصرى سواء اتفقت معي او لم تتفق فيوجد هذا الاحتقان ،المعاملة بين المسلمين والمسحيين ليست علي ما يرام في هذه الفترة لن اخوض في التفاصيل ولن ابدى رأى الخاص فهو لا يهمك عزيزى القارىء بل يهمني انا فقط ..ولن اخوض ايضا في الاسباب والنتائج فهي ليست من اختصاصي ..من الممكن ان اطرح هذه القناعة الشخصية واجد لها حلا او من الممكن لا ولكن في النهاية مقتنع بشىء واحد تاريخيا وحاضريا ومستقبلا ولن تفهم هذه القناعة الا اذا شاهدت هذا الفيدو الذى شاهدته في رمضان الماضي في سلسلة خواطر 6 للمتميز احمد الشقيرى ومن تابعني في رمضان كنت قد عرضت بعض حلقاته ولكنني لم اعرض هذا الفيدو وقلت في نفسي قد تحتاجه في هذه المدونة ليوم ما وهاهو الوقت قد حان ....

تحياتي

من الواجب عليك اذا اقتنعت بهذا الفيدو ان تنشره لعل بعض الناس تفهم وتعي

هناك 29 تعليقًا:

ستيتة حسب الله الحمش يقول...

فيديو اكثر من رائع
وانا حاسة باللي فيك
لأن ببساطة كلنا بنا نفس المشاعر
تحتاج ان تفصل نفسك وتخرج بعض الوقت خارج الدائرة المشتعلة
فقط لتتضح الرؤية وتصفى النفس

خالص تقديري وها انشر الفيديو ان شاء الله

واحد من الناس يقول...

السلام عليكم
انا ممكن مكنش كتبت حاجة عن الموضوع ده لاني مبحبش اكتب تحت انفعال خصوصا لما يكون انفعال بالشدة دي , حتلاقي في كتاب مسألة بناء الكنائس لابن تيمية تبرير لليعمله محمد الفاتح في تحويل ايا صوفيا وحتلاقي كلام تاني في كتب الدكتور يوسف القرضاوي والدكتور محمد عمارة انا لسه فعلا موصلتش لقرار نهائي في الاختيار لاني مقتنع ان كتير من الكتابات بتتاثر بالواقع المحيط بالاضافة لتاثرها بتوجهات الكاتب ومحاولة الاستدلال عليها من الشرع سواء عن حسن نية وطلب الخير من محاولة اظهار محاسن الشريعة او عن سوء نية من محاولة هدم حدودها من داخلها,ممكن تقول وانا ايه علاقتي بالكلام ده كله,طلب اتمنى تحطه في بالك انا متابع مدونتك وفيها اهتمام بالتاريخ وواضح انك متخصص لحد ما في التاريخ الاسلامي او على الاقل محب ليه ممكن تحاول تكتبه بشكل متجرد يعني بدون دروس مستفاده واظهار امور معينه بس تاريخ متجرد ثابت السند خالي من قالوا وزعموا(مرجع تاريخي علمي) , ممكن تستعين بتاريخ الاندلس والمغرب الاسلامي والموريسكيين للدكتور عبدالله عنان اعتقد انه مثال للتجرد مع الشكر واسف للاطالة

Haytham Alsayes يقول...

ستيتة حسب الله الحمش

ربنا يكرمك يافندم
واكيد حضرتك عارفة
واكيد هتتضح الرؤية قريب

تحياتي وتقديرى

Haytham Alsayes يقول...

واحد من الناس

وعليكم السلام ورحمة الله

بالنسبة لكتابات بناء الكنائس ليس غرضي من نشر الفيدو او حتي عرضه الدخول في مجادلات فقهية في هذه النقطة وعموما لو معترض علي كلمة التخلف التي ذكرها في الفيدو علي تصرف محمد الفاتح ممكن تبحث عن الحلقة ال29 من البرنامج والذى وضح فيها هذه المقطة

اما الكتابات بشأن هذا الخصوص لم اقرأها الحقيقة وليس الموضوع الدخول فيها

اما نظرتك لكتابتي للتاريخ
عموما لا احب ان اتطرق للمسائل الشرعية انا اعرض تاريخ وفقط مع دخول ربط بين الحاضر والماضى بوجهة نظري المتواضعة

اما عن عدم الحيادية او التجرد في الكتابة
كنت نفسي توضح اكتر وياريت تأتي بامثلة عدم الحيادية والتجرد من المدونة نفسها لو كنت متابع جيد لها

اما عن موسوعة عبد الله عنان فقرأتها مرتين من الجلدة للجلدة لانه اساسا مرجع اساسي في الرسالة بتاعتي علي رأى المشرف بتاعي دي عدة الشغل بتاعتك

ياريت توضح امثلة عدم التجرد او اللي مش عجبك في المدونة من حيث الكتابة ابقي شاكر جدا لحضرتك

Dr Ibrahim يقول...

يحاول أعداء الوطن دق اسفين بين المسلمين والمسيحين لتحطيم هذا الوطن .. إذا لماذا لم يتم إختيار أى كنيسة أخرى غير كنيسة القديسين وهى نفسها أمامها مسجد وبالتالى عند ثورة المسيحين يبدأون فى تحطيم المسجد من هنا يثار المسلمين ويبدأ الإشتباك هذا راييى ولكن يجب الإنصات للحكمة فى هذا الموضوع والتروى فى مجريات الأمور..فيديو معبر
تحياتى لك

واحد من الناس يقول...

لا يا ا. هيثم انت فهمتني غلط . انا مش بتكلم عن مدونتك في عدم الحيادية دي رغبة مني في اني الاقي حد ممكن ينفذ الامنية دي حد يكتب التاريخ الاسلامي زي عبدالله عنان كده من غير وجهة نظرة دي كانت امنية ونصيحة في نفس الوقت, ممكن تستفيد منها
حضربلك مثال . اكيد قريت تاريخ للددكتور علي الصلابي : محترم جدا واظنه صادق في النقل بس هوه واخد موقف مبدأي من الخلافة العثمانية على سبيل المثال بيحبها وبالتالي دايما بيركز على الامور الايجابية + انه متبني فكرة عودة الخلافة ومع اني بحلم بنفس الحلم لكني عايز حاجة محايدة تماما تقبل تحياتي واحترامي ورغبتي واعتذاري عن سوء الفهم

Haytham Alsayes يقول...

د ابراهيم

ودة نفس رأى برضه

تحياتي

Haytham Alsayes يقول...

واحد من الناس

لا يافندم مفيش اعتذار دى مجرد مناقشة لا داعي لاعتذار او غيره
بالنسبة للحيادية في التاريخ لن تجدها الا قليلا لان كل واحد بيتعرض لظروف وبيتعرض لافكار واحلام زى مقلت حضرتك واكيد انا قريت كتاب الدولة العثمانية للصلابي
بس بصراحة انا رأى في الصلابي انا محترم جدا في كتباته لكنه متأثر بافكاره

وعلي العموم انا بحاول ان اكون حيادى علي قد ما اقدر ولا اكتب رأى الخاص الا قليلا وبكتب المصادر
بس انا بكتب التاريخ بشكل جديد وبربط التاريخ بالحاضر وبعمل اسقاطات
ممكن تكون خرجت عن الحيادية شوية لكن انا بتتكلم مع واحد لسة بيتعلم ومن اكون في المستقبل اكثر نضجا واكثر تقديرا للامور والاحداث


مفيش اعتزار يافندم
نورتني
ويشرفني متابعتك لمدونتي


تحياتي

محمد الجرايحى يقول...

السلام عليكم ورحمة الله وبركاته
نحن الآن نمر بمأزق حضارى فى طريقه إلى التحول لصراع دينى كارثى.....

سمو الامير يقول...

باحب البرنامج ده أوي
والحلقة دي بالذات

حتى لو لم تقل رأيك الشخصي فيما حدث فقد قرأت ردودك يا أستاذ هيثم عند أستاذ ماجد القاضي ومقتنع بيه جداً

لورنس العرب يقول...

على فكره
المشكله اكبر من موضوع التعايش
لو على التعايش احنا متعايشين
وأكبر مثال -مش هقولك شبرا وا غير شبرا- هقولك تعالى اتفرج على التجار وتعاملاتهم في البيع والشراء سواء كان الزبون مسيحي او البائع مسيحي أو مسلم

احنا عندنا مشكله أخرى مختلفه عن موضوع التعايش
الموضوع أصبح موضوع حقوق
ناس شايفين انهم مش واخدين حقهم
وآخرين شايفين أنهم مضطهدين مهما أخذوا
والاثنين ضائعين أمام الدوله لكنهم غير متحدين لأن فيهم طرف شايف ان التاني مش مهم بالنسبه له وبيبحث عن اوضاعه فقط

دي مشكله كبيره جدا جدا وعمرها سنين وبتشتعل وتزيد يوم عن يوم تحت تأثير الانترنت وانتشار الاكاذيب والوعود الاتيه من الخارج واستخدام البعض كأداة ضغط

أم هريرة (lolocat) يقول...

السلام عليكم ورحمة الله

والله ياهيثم انا من ايام فى حالة سيئة جدا جدا
واشعر بأحباط وزهق كتير

الحالة غير مطمئنة على الاطلاق التعصب واضح من الطرفين مش طرف واحد
القتلى والجرحى فى الطرفين
الاتهامات فى الطرفين


سؤال الاجابة عليه واضحة

مين له مصلحة فى كده ؟؟!!!!!

ربنا يعديها على خير

لك تحياتى وتقديرى اخى العزيز بارك الله فيك واعزك

ماجد القاضي يقول...

السلام عليكم

شكرا جزيلا يا هيثم على الكليب.. جميل فعلا.. (بس مش عارف ليه دايما بيقف عند الدقيقة 8!!!!)

بالنسبة لنقاشك أنت وواحد من الناس....
اسمحا لي بأن أسأل (واحد من الناس):

ولماذا يجب أن يكون هيثم محايدا؟

إحنا مش اتكلمنا في الموضوع ده قبل كده؟ :)

هيثم فاتح المدونة وصارف دم قلبه علشان يقول رأيه هو!! حتى لو اعتقد هيثم أنه محايد... فهذا ليس صحيحا، وإلا لما أعجبنا أسلوبه في الربط.. وهو الدليل الأول على إضفاء رأيه بشكل أو بآخر، فمعروف أن كثيييييييير جدا من أحداث التاريخ لها أكثر من تفسير.. وبالتالي فمجرد اختيار المؤرخ أو الكاتب لأحد هذه التفسيرات هو عدم حيادية في حد ذاته (مش كده ولا إييييييه؟)

إذن عدم الحيادية - في رأيي - ليست صفة سلبية على الدوام..
المهم أن يعرض الآراء الأخرى (عند الضرورة) وكذلك نقدها بموضوعية دون تسفيه...

معلش يمكن الكلام مش مترابط.. أصل جرعة النسكافيه لسه ما جابيتش مفعولها :)

تحياتي أخويّ العزيزين.

واحد من الناس يقول...

هيثم معلش بقى انت خليت مدونة ماجد منتدى وجه الدور عليك ههههههههههه
اخي الاكبر ماجد ده حلم نفسي اشوفه بالرغم من قناعتي ان التاريخ هو وجهة نظر من يكتبه الا ان بعض احداث التاريخ اتعرضت لظلم كتير لان اللي بيكتبها بيكتبها من خلال موقفه منها لكن في النهاية التاريخ علم وللمرة التالته انا مكنتش بتكلم عن مدونة الدكتور هيثم (على اعتبار ما سيكون ان شاء الله ) انا كنت بطلب منه يكتب كتاب يكون هدفه فيه التاريخ المجرد ملتزم بصحة السند او على الاقل عرض وجهات النظر من زوايا رؤية الكتاب المتعددين للموقف الواحد مع رأيه طبعا لانه كتابه بس يكون رأية منفصل عن متن الخبر . اما المدونة فدي بتاعته مش حنحرمه من حاجة نفسه يقولها سلامي وتقديري لشخصكما الكريمين

Noha Saleh يقول...

احمد الشقيرى متميز جدا
وفعلا احنا فى ازمة كبيرة ربنا يعديها على خير

هبة فاروق يقول...

فيديو رائع
وربنا يعدى الفترة دى على خير وتفضل مصر سالمة من اى شر
تقبل تحياتى وخالص تقديرى لقلمك الجميل

Ramy يقول...

أخيراً

مش مصدق بأمانة انا قولت خلاص المدونة مش عاوزة تفتح

المهم

انت عارف دماغى يا هيثم

يمكن متكلمناش كتير بس انا بكون واضح جداً حتى لو كلمتنى مرة واحدة

فمش هعلق على الوضع

لأن تعبت من الكلام صراحة و انا مصدقت أخرج من المود الفظيع دة

و انا علقت ع الفيديو عند الدكتورة ستيتة على فكرة (:

اساسا احمد الشقيرى دة زى العسل و انا كُنت متابع معاك فى رمضان و عارف رأيى فيه

شوفت رغى رغى (:

شكراً يا هيثم(;

Haytham Alsayes يقول...

محمد الجرايحي

ربنا يستر يا استاذ محمد

تحياتي

Haytham Alsayes يقول...

سمو الامير

متفقين ياسمو الامير في الافكار

تحياتي

Haytham Alsayes يقول...

لورنس العرب

والله يافندم تعجبني دوما تحليلك للامور
واتفق معاك جدا
ودة رأى من قبل الاحداث
وربنا يسترها علينا

تحياتي

Haytham Alsayes يقول...

ام هريرة
لو لو كات

ومين سمعك انا برضه عندى نفس الحالة
وطبعا كلنا عارفين مين اللي ليه مصلحة في كدة
ربنا يستر

تحياتي

Haytham Alsayes يقول...

ماجد القاضى

ربنا يكرمك
شكرا ليك

........

بالنسبة لردك دي وجهة نظرك
ووضحتها لاخونا واحد من الناس
وانت عارف انا بحترم كل من يخالفني او يتفق معايا مفيش مشاكل
وانت يا استاذ ماجد وواحد من الناس بحترم كلامكم جدا وبحترم وجهة نظركم
وبحترم وجدكم هنا وتشجيع العبد لله

تحياتي لكما

Haytham Alsayes يقول...

نهي صالح

فعلا متميز
ووجودك هنا الاكثر تميزا

تحياتي

Haytham Alsayes يقول...

هبة فاروق

ربنا يعديها علي خير

تحياتي

Haytham Alsayes يقول...

رامي

اظهر وبان عليك الامان
اخيرا انت اللي ظهرت
انا عارف المدونة رخمة اليومين دول وعملت تعديلات رهيبة عليها ولغيت كل التعديلات ورجعتها للشكل القديم زى ما انت شايف
الحمد لله

وعارف دماغك وعارف انك بتحب الشقيرى زي

تحياتي
ياصديقي

ماجد العياطي يقول...

خير الكلام ماقل ودل

فعلا ياهيثم المعامله مش صح في الفتره الاخيره

المشكله مشكله منظومه كامله من الكراهيه الغير مبرره فينا والكبت القادم من الغرب

احييك اخي هيثم واطلب منك العذر لتقصيري في حق مدونتك الجميله

تحياتي

Haytham Alsayes يقول...

ماجد العياطي
حمد الله علي سلامتك
وانا رأى متفق مع رأيك جدا


تحياتي

شمس النهار يقول...

بجد انا حزييييينة فعلا

وبشكرك علي الفيديو جه في وقته

بس حاسه ان في امل
وخصوصا ان الخطاب اتغير اليومين دول

Haytham Alsayes يقول...

شمس النهار

خليكي متفائلة
وواثقة ان مصر ربنا معاها
لاننا شعب غلبان جدا


تحياتي