الأحد، 6 فبراير 2011

نعم لبابا حسني








ترجم وانت تفهم ..ولو متعرفش تترجم دة وثائق خاصة لثروة بابا حسني


هناك 6 تعليقات:

شمس النهار يقول...

مش محتاجه مترجم خلاص الجزبرة قامت بالواجب واكتر

علشان كده مش عايز يتنحي علشان ماناخدش فلونسا

mrmr يقول...

ضرس العقل بينقح عليا يا هيثم
وشكله كده ح يفضل مش ح يرضى يتخلع بالساهل
انما يفضل ينقح علينا لغايه ما ربنا يريد ويخلصنا منه أأأأأأ قصد يخلصنى من ضرسى يعنى هههه

فاروق سحير ( فاروق بن النيل ) يقول...

أستاذ/ هيثم..........
مبارك طول عمره بيكذب ومنافق
اللى نصح صدام بالخروج من العراق وينقذ شعبه ليه ماعملهاش دلوقتى
لأن الله قال عليه وعلى أمثاله" وإذا قيل له إتق الله أخذته العزة بالإثم فحسبه جهنم وبئس المهاد"
" جاءهم بالحق وأكثرهم للحق كارهون" المؤمنون 70 صدق الله العظيم

يوميات شاب منوفى يقول...

ابكي يا أهبل يا عبيط ياللي بكيت على فرعون وصدقته إنه بيحب الوطن واعرف إنه سرق منك ومن الوطن..
70 مليار دولار
والي مش عارف يساووا كام دول بالجنية يضرب نفسه خمس تقلام يبقى المجموع
350 مليار جني يعني جنيه
واللي ما يعرفش يعني ايه مليار و يطلعوا كام يضرب نفسه ألف برطوشة أديمة يبقوا
350 ألف مليون جنيه !!!!
وابكي يا أهبل يا عبيط وبرياله على كل يوم من 30 سنة فاتوا عليك وكل يوم بتتقلب وبتتنهب في حب مصر
وابكي يا أهبل ويا عبيط وبرياله على كل واحد مات من غير علاج أو سرق أو قتل أو كفر عشان معهوش حتى الكفاف
وابكي على 40% تحت خط الفقر مش لاقين حتى دولار
وابكي على نص شعبك أمي وجاهل ومبيعرفش يفك الخط و يقرا زيك الجرنال
وميعرفش يعد من واحد لعشرة ولا يعرفش الدولار من الزرار
وابكي على بلد نهبوها ونهشوها الديابة وقطعوا توبها حتت وسففوها التراب واغتصبوا أرضها و عرضها وضحكوا من صراخها ورعبها وسخروا من دموعها وقهرها
(خليهم يتسلوا !!!)
وابكي على يوم ميلادك ويوم مماتك وانت عايش ذليل مطاطي بتنضرب على قفاك كل ثانية في عمر أجلك ومن أجلك أنت بيضربوك بالقفا ليل نهار !!
وابكي يا اهبل يا عبيط وبرياله وانت ماسك بتلابيبه وتقوله متسبنيش يا فرعوني الوفي المحب المخلص للوطن يا كبير يا بويا وأمي وخالتي وكل عليتي ورمز بلدي يا طيار
يا بطل الأبطال فداك أولادي و أحفادي وقفاهم قفايا وعرضهم عرضي , كمل جميلك يا أمني وربي وصنمي ومتسيبهمش لاحسن نضيع ومنلقيش اللقمة تاني ,
كمل جميلك ياريس وورث عرشك وجبروتك وجنودك بملتوفك وجمالك وحميرك وبغالك وبلطجية ديولك بمطاويهم وسيوفهم وسكاكينهم عشان أموت وأنا مطمن عليهم وعلى قفاهم وعرضهم ,
سأظل دايما مفعول بي لأجلك أنت
سأظل دايما أبوس القدم وأبدي الندم على غلطتي في حق الصنم
ابكي يا اهبل يا عبيط وبرياله واتفرج على القناة الأولى والتانية والمحور واقرا لسرايا لحد ما تخش السرايا
واتفرج على فيلم البرىء وعش دور أحمد ذكي و البس توب عسكري الأمن المركزي وطالب بحرق أبطال الميدان أعداء الوطن !!!!
ماللي قتل سيدنا عمر وعثمان وعلي كانوا خايفين عل الوطن !!!!
نفس العبط , نفس الهطل , نفس العمى , نفس الفتن !!!!
ابكي يا اهبل يا عبيط بعينك الحولة اللي شايفه الديب حمل والشيطان ملاك
ابكي على نفسك واعرف إنك مش حتنجى من فتنة الدجال
لأنك شفت النار جنة تحتها الأنهار
العبط حيغرقونا
العبط حيضيعونا
والمنتفعين عايزين يكملوا المشوار
بعد ما قربنا نعيش أحرار
أفيقوا يرحمكم الله
واحسبوا كام جنيه في ال 70 مليار دولار
واحسبوا تمن اللي ماتوا و اللي استشهدوا وتمن ليالي الرعب والخوف والسهر
وتغيير شعار ابني بيتك باحمي بيتك
واحسبوها لو قدرتوا تحسبوها وحطوا جنب ال70 مليار صفر مالا نهاية من الأصفار
***********
ويارب نجنا ولا تؤاخذنا بما فعل السفهاء منا وبنا
يارب نجنا من فرعون وعمله وبطانته وبلطجيته وفتنته
يارب أغثنا
ياااااااااااااااارب أغثنا ومدنا بجنودك
ياااااااااااارب , افرغ علينا صبرا وثبت أقدامنا وانصرنا على القوم الكافرين
ياااااااااارب اهلك الظالمين بالظالمين واخرجنا منها سالمين
اللهم آااااااااااااااامين"

مصطفى سيف الدين يقول...

70 مليار دولار المفتري
ده لو عاش 200 سنة كمان مش هيلحق يصرف ربعهم
منه لله البعيد
سايب شعبه بيشحت وهو بينهبه
فعلا رئيس اعتصامي بنى نفسه بنهب شعبه
حسبي الله ونعم الوكيل

eng_semsem يقول...

معلش انا عندي سؤال هو 70 مليار ده كام صفر بالظبط
اصل حسني ما اخدناش منه غير اصفار حتى في الكوره اخدنا الصفر برده كان شعب مصر موعود بالصفر
الصبر والثبات وهو هيطلع من سكات حتى وانتم واقفين هو بيغلي ومش عارف يعمل ايه في السكات
شدوا حيلكم يا رجال الحريه عايزه اللي يعرف يقدرها مش اللي يخاف ويكون جبان
النصر لمصر وابطالها الاحرار
كلنا في التحرير معكم