الثلاثاء، 26 أبريل 2011

تخاريف (الم وامل )


قررت ان اكتب وفقط بدون اى ترابط افكار او معاني ..استلهمت الفكرة من فاتيما عندما كتبت سلسلة خطاريف ومن الممكن ان اعيدها علي العبد لله ..سأخرج كتباتي وفقط وعندما اقرر ان اكتب تاريخا فسأعلم حينها انني شفيت تماما من المي ورجعت لأملي وهيهات مابين المعنيين والله المستعان علي مايصفون ..

1/ المتحولون اناس يضعون مصلحتهم اولا ..مصلحتهم وفقط هؤلاء لا يتعلمون ابدا من عمارة اليمني ..لا تعرفون قصة عمارة اذن سأقصها عليكم يوما ما عندما افيق من الصدمة ..

2/ الصدمة كلمة صعبة علي نفسي ..لم اعتاد في هذه الدنيا علي البهجة يوما ..منذ صغرى وانا اخرج من صدمة ادخل في صدمة اخرى ،لا ابالغ ان اقول ان حياتي القصيرة التي لم تتعد ال25 عاما ان نصفها علي الاقل صدمات علي اختلافها واختلاف احساسي بها ..

3/ الاحساس يقولون انه نعمة ولكن لابد ان اضع كلمة احيانا لانه في معظم الاحيان وفي معظم المواقف التي تقابلك لابد ان تتخلص من احساسك نهايا وللابد ..

4/ الابد السرمدى الذى يوما ما سأكون موجودا فيه ،اتمني ان اقابل اناس حرموا انفسهم مني او بمعني اشمل حرمنا ان نكون سويا ..

5/ سمعت مرة د/ مصطفي محمود يقول ان الشاب في حياته الاولي يعاني من الحرمان ولابد من اجتياز هذه المرحلة بسرعة ليكون له الحياة الخاصة التي تشبع حاجاته ..ليس في كل الاحيان يادكتور

6/ الكل يتحول الي اجزاء بفعل اشياء كثيرة اهمها الفتنة ..

7/ الفتنة لعن الله من ايقظها ..

8/ ايقظت مشاعرى في وقت كنت غير مستعد لذلك وفي دنيا لا تؤخذ الا غلابا ..

9/ بمناسبة غلابا هذه لابد لنا ان نضع خطط دائمة لهذه الغلابا ولكن احذر لانك اذا خططت لشىء يضيع منك بنفس ذات الغلابا ..

10/ رقم عشرة دائما يذكرني بشىء سىء للغاية ..

11/ الغاية تبرر الوسيلة ..ميكافيللي ..

12/ الاوغاد فقط هم مايعيشون في هذه الدنيا سعداء ولا مكان لذوى الاحتياجات الخاصة امثالي ..

13/ لا تعتقد ان ذوى الاحتياجات الخاصة يعشون في جحيم بل انهم في راحة ابدية ..

14 / صم بكم عمي فهم لا يعقلون ..

15 / يقولون ان العقل زينة ولكن والله اعلم ان الاموال هي من تزين اي شخص ..

16/ الاموال التي في بنوك سويسرا والولايات وغيرها مغموسة في الحرام فاهيب بالشعب المصري العظيم الا يقبل ابدا ان توضع هذه الاموال في خزينة الدولة لان هذا حرام حرام حرام ..

17/ الحرام والحلال ايهما تفضل ولماذا ؟؟ سؤال سخيف ولكن لابد منه ..

18/ السخافة هي ان تظل تحب وتحب وتحب وفقط ..

19 / فقط هذه جيدة لكي تعيش ..وفقط

20/ رقم جيد علي اية حال ..

21/ احوالي دائما مابين الامل وخيبة الامل ولكنها دائما وابدا تميل الي خيبة الامل بميزان معوج لابد من اصلاح ..

22/ اتمني ان كلمة الاصلاح ممن يدعون الاصلاح تكون حقيقية لانها لو اختزلت في كلمة وفقط قل علي هذا الوطن السلام ..

23/ الوطن ..حتي بعد الثورة اشعر بالغربة فيه ..

24/ الغربة كم كرهت هذه الكلمة في صغرى واصبحت مثل المتلازمة واللعنة التي تطاردني اينما حللت بل انها اصبحت جزء من تكويني وحياتي في هذه السنوات العجاف التي لم ارى فيها شىء تمنيته علي الاطلاق ..

25/ الامنية ..لم اجدها قط ..

26/ قط اسلموه مفتاح الكرار ..اعرب هذه الجملة علي جبين الوطن ..

27/ جبين ..المكتوب عليه ستراه حتما ..

28/ حتما ستجد يوما ما طريقك واتمني ان يكون طريق جيد ..

29/ جيد ان تكتب في لحظات الازمة ..

30/ الازمة اعيش فيها دائما ..اتمني يوما ما ان اخرج من الازمة ..



يتبع ..ان شاء الله

هناك 15 تعليقًا:

Unknown يقول...

السلام عليكم أخي هيثم...

شوف أنا سعيد إنك بدأت بسرعة.. وعلشان كده مش هانقد بعض ما كتبتَه؛ لأن فيه أهم منه.. وهو إنك بدأت تكتب فعلا..
وعلى فكرة دي مش تخاريف... بجد معظمها أفكار منمقة وواضحة المعالم تماما..
أسلوب الربط بين البداية والنهاية عجبني قوي.. يمكن أستخدمه في موضوع قريب (كنت ناوي أكتبه برضه على هيئة خواطر سريعة)...!

تحياتي .... و GOOO ON

فاتيما يقول...

قطعوا علينا ف البلوجر بقى
وبلاش نكتب خطاريف
ونعتزل بقى


طب انا كنت ناوية على خطاريف .. 6
بس لسه بكتب فيها
لكن ... اكراما لعيونك الطيبة
وقلبك الأطيب يا هيثم
ههديك دلوقتى ... خطروفة كنت هحطها وسطهم ... ومتغلاش عليك
معرفش ليه بين السطور بتاعتك ؟
حسيتها قوى قوى قوى
وكأنها انتا ..
ظهرت قصادى ف التو واللحظة

...
أغرب الغرباء من صار غريباً فى وطنه

أبوحيان التوحيدى


تعرف ؟
انا كتبت الحكاية دى عند نوران
بت خيخة وأى كلام
لما لقيتها مقفلة شويتين ...
قولتها دا اكتئاب ما بعد الثورة
زى اكتئاب ما بعد الولادة كدا
أصل الثورة دى مخاضها كان مرعب
ووليدها لسه غض وطرى
والأعداء ف كل الأركان
والكارثة زى انتا ما قولت
سلموا القط مفتاح الكرار
و المشكلة مش مين يحط الجرس ف رقبة القط
المشكلة الحقيقة
ان الكل متصور ان القط طيب واخلاق ولا يمكن يسرق او يقتل او يأذى ...
يبدو ان المسألة وقتية بحتة
يعنى القط لايمكن يتحول لفأر
هوه بيعمل فأر وقت اللزوم عشان يعرف يقعد بين الفيران و يطمنوله
لكن هييجى عليه وقت ..
وينكشف
هوه دلوقتى لما بيختفى فار
بيعمل برىء .. خالص
وغالبية الفيران مش مصدقة انه هوه اللى مسئول .. أو مش عايزة تصدق
او خايفة تصدق
لكن مسيرها ف يوم تتأكد وتعرف
لما القط يتوحش بشكل ميستخباش
ومفيش حل قصاد شوية
الفيران القلة المندسة اللى محدش مصدقهم ..
غير يقعدوا ساكتين مترقبين
فيه حاجات مبتتحلش غير بالوقت
وبمناسبة الوقت

يبدو انه هوه الحل السحرى
لكل المشكلات والمعضلات ..


آه
حاجة كمان
بمناسبة الفرقة وما يحدث الآن
واللى ناشر سحابة الكآبة دى ف السما

ابو حيان التوحيدى برضو بيقول
لكل طائر صائد

وما علينا سوى الانتظار زى ما قولتلك
وهنتجمع تانى يا هيثم
متقلقش
ومتخفش
وكمان متيأسش


رقم 18 حسيتها انا قوى
ولو انى بشوف العكس
يعنى انا حاسة انى سخيفة بالنسبة للآخرين لأنى بحب ف المطلق وبحب وبحب وخلاص
بينما الحب بالنسبالى ..المفروض يكون كدا بالفعل ...
المفروض
الحب ميبقاش بتمن او هدف او خد وهات او واحد + واحد اكيد هيساوى اتنين والمنطق والعقل والظروف وكل الحاجات دى ...
لا أعترف بيها
ولهذا ..لما بتألم
مبقولش غير أى
ومبطلبش من حد يحل لى المشكلة
او يشوفلى بديل
او يدورلى على نهاية
ومبندمش كمان
ومش بحاسب حد
وحاجات كتير ...
موجعة
لكن يا هيثم ..
هيا دى الدنيا الحقيقة يا بنى
والالم دا ..نعمة احيانا
بتطهر من جواك
وبتخليك وقت السعادة
تستطعمها لآخر مدى
وتشوف حلاوتها علطول وبوضوح
ولما تقابلها .. بتقدرها وكأنك خبير تحف وانتيكات ...
ولو نصيبك تحتفظ بيها
بتكون نعمة النعم

بس كمان الخسارة ...بتكون مؤلمة
بس الحمدلله
على أى حال

انا رغيت وكتبت تعليق أطول م البوست بتاعك ...
انتا نكشتنى ..
عاجبك كدا ؟!!

طب دنا لسه عايزة اعلق على حاجات تانية ...!!

طب كفاية كدا
شفقاُ بيك
وبالناس الحلوة اللى بتدخل هنا

:)

ربنا يريح قلبك يا هيثم

واستمر ف امالك
حتى تنتهى الآمك يا غالى

ان شاء الله عن قريب

Unknown يقول...

حمدا لله على السلامة , خرف براحتك محدش واخد منها حاجة و ده افضل طريقة للعلاج .

مفيش صدمة ولا حاجة
فاكر لما قلتلك لو الطريق مسدود متعملش حاجة لف وارجع تاني ,
وبقولك تاني لف وارجع تاني

السعادة ملك لكل انسان عارف طريقها , مش قلة الفلوس هيه اللي بتعمل مشكلة , عدم الرضا هوه اللي بيسبب الالم

الحب في حد ذاته احساس رائع ووقود للحياة وطريق للفرح , المهم انك تحط حبك في المكان وللانسان او الشيء اللي يستاهله , واذا وضحت قلبك امانة في ايد حد ميستهلهوش يبقى انت تتحمل النتيجة .

عندما نعيش الازمة بصفة دائمة فاعلم ان الازمة تعيش بداخلك وانت الذي تصنعها

ليلى الصباحى.. lolocat يقول...

حمدلله على سلالالالالالالالامتك هيثم

تعرف انا حسيت انك زى الشخص اللى بيروح مكان يسكر فيه ههههههه وبيقول كلام ملخبط لكن فى الاخر تحس ان الكلام ده فلسفة وحكمة

لكن الجميل انه بعد مابيفوق ويرجع لعقله بيكون اقوى واحسن

انت عارف جدتى وجدتك بيقولوا ايه

ان الخبطة اللى ماتموت تقوى

مش لازم كل كتاباتك تكون فى التاريخ لكن من حين لاخر شخبط ولخبط واحنا موافقين ههههه

اى حاجة تيجى منك يا هيثم بتكون جميلة بس مش تغيب تانى علينا

دمت بكل سعادة وامن وهدوء حال
تحياتى لك

كلمات من نور يقول...

جميل إنك كتبت ورغم الألم اشعر بأن هناك دوما أمل في الله وفي الحياة وفي كل من حولنا....تسلم على تخاريفك

غير معرف يقول...

تخار فيك هايله يا استاذ هيثم و كويس انك خرجت من حاله الاكتئاب كنت عايز اعلق على التخاريف بس عقبال ما قريت التعليقات الجميله السابقه من طولها و جمالها نسيت الصراحه كنت عايز اقول ايه
عموما حمد لله على سلامتك

Tears يقول...

مش فاهمة ايه سبب الصدمة اوى كده

رقم 16 ..كلام مش منطقي و مردود عليه جدا بس ح حتاج مجلد مش تعليق هنا بس

Ramy يقول...

طيب يا عم

(:
(:

حمد الله ع السلامة يا هيثم

دايماً متأخر علشان كدة دايماً مبوصلش فى معادى

كنت عاوز اكلمك و أسلم عليك وأشكرك ع المُعايدة

بس متأخر دايماً

فاتيما الغالية بقى هى كدة دايماً مُلهمة (:

Ramy يقول...

صحيح

رقم 18

هى مش سخافة و لكنه مُرهقه بس

(:

تعرف انا لسه قارى تعليق فاتيما
(:

mrmr يقول...

بركه انك رجعت تكتب تانى
وعجبنى قوى قولك (( جيد ان تكتب في لحظات الازمة )) دى قمه فى التحدى فى حد ذاتها اكتب كل ما تكون نفسيا مش مضبط او قلبك مليان مراره والم
خواطر جميله يا هيثم
ربى يسعدك ويفرح قلبك

Ms Venus يقول...

قط اسلموه مفتاح الكرار ..اعرب هذه الجملة علي جبين الوطن ..



عجبتنى الجملة دى اوى يا هيثم

ابراهيم رزق يقول...

صديقى هيثم

ما كتبته ليس خطاريف و انما تاريخ

لان علم التاريخ مبنى على استخلاص الفكر من الاحداث

و هذا بعض فكرك

سعيد بما كتبته
تحياتى

Haytham Alsayes يقول...

ربنا يكرمكوا علي تعليقاتكوا
والله التعليقات دى خففت عنى كتير
فعلا انتوا صحبة جميلة اورى ربنا يخليكوا بجد

فاتيما
معلش بقي انا سرقت الفكرة منك بس انتي كابيرة برضه وهاتسمحي يعني
بستمتع اوى بخطاريفك ومستني خطاريف تخفف عن الكل بجد الكتابة نعمة يافاتيما

رامي
انت وحشني جدا علي فكرة
:))

استاذ ماجد براحتك يافندم انتقد زى ما انت عاوز :))

لولو كات

فعلا الخبطة بتقوى بس بتوجع اوى
يلا بقي الله المستعان


واحد من الناس حاضر هالف وارجع تاني
بس الطريق صعب وتعبني اوى يادكتور

Haytham Alsayes يقول...

كلمات من نور

تسلمي علي كلامك
مستني القصة الجديدة في اطفال من نور :))

مرمر

فعلا يامرمر
ربنا يستر واعديها


غير معرف

علق زى ما انت عاوز وشكرا بجد
دعواتك وياريت تكتب اسمك عشان اعرفك
وبشكرك عموما من غير ما اعرفك


فينوس

وردة ليكي يافينوس
:))

ابراهيم رزق
بجد بشكرك جدا كلامك بيخفف عني
:))


تحياتي للجميع

richardCatheart يقول...

هاقولك ايه مانت قولت كل حاجه

بصرف النظر اجمد وافضل اكتب