الاثنين، 14 يونيو 2010

تاج + تعليق

لا ادري من اطلق هذه الفكرة ولا كيف جاءته وما هدفها ؟ ولكني عندما تمعنت فيها رأيتها فكرة لا بأس بها من حيث المبدأ احترم جميع الافكار كما من حيث المبدأ احترم جميع الدعوات التي اتت لي كي انفذ الواجب واحيله لاشخاص محببين الي في عالم التدوين الفريد ولكن انا مع الفكرة كربط بين جميع المدونين والمدونات كي يعرفوا شخصيات البعض الاخر عن طريق هذه الفكرة واكيد انتم تعرفون هذه الفكرة فهناك من اخذها علي محمل الجد وهناك من كتبها يوما ما في مدونته وهناك من احتقر الفكرة من الاساس ..لن اطيل عليكم ولكني سأدخل في الموضوع فورا ..

جائتني دعوة كريمة من lolocat والبنفسج الحزين وام الخلود علي تلبية اخذ التاج وان ارتديه في تدوينة ما ..
ليكن سألبي الدعوة لانني خجول جدا بشأن من يريد مني ان البي دعوة او يطلب خدمة او يرجو رجاء .......

........................................
أحيل إليك" التاج السلطانى" وأسئلته هي:
1-اذكر اسم من طلب منك حل هذا الواجب.
2-اذكر القوانين المتعـلقة بهذا الواجب.
3-تحدث عن ستة أسرار قد لا يكتشفها من يقابلك للمرة الأولى.
4-حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.
5-اترك تعليقًا في مدونة من حّولت الواجب عليهم؛ ليعلموا عن هذا الواجب
جاوب وربنا معاك ...

حاضر سأجاوب عن كل هذه الاسئلة ونبدأ بستة اسرار :

1/ عصبي جدا خاصة في المسائل المتعلقة بالكرامة ولا ادري سر هذا الطبع الا ان اخذته من امي ولان امي ذو جذور تركية ومعروف عن الاتراك انهم عصبيون جدا اذن فهي في الشريط الوراثي للعبد لله ..

2/احب السياسة جدا واحب ان امارسها بشكل جنوني حتي الان لم امارسها ولكن في المستقبل ان شاء الله سامارسها
وطبعا معروف عن السياسة انها قذرة وطبعا انا ليس كذلك ولكن اريد ان امارسها وفق معتقداتي وايماني الخاص ومبادئى التي ارتضيتها لنفسي (يعني ممكن تلاقيني رئيس جمهورية بعد عشرين سنة كدة )

3/لي قدوة ومحبة شديدة بعد الرسول بالطبع بسيدنا عمر بن الخطاب ولا اعرف السر الا انني احب فيه قوته في الحق وعدم خوفه واتمني ان اكون كذلك ولكن بالطبع لم اتمكن حتي الان من ايجاد المعادلة العمرية في هذا العالم الصعب
ولكن بالفعل احبه وعندما تأتي سيرته اكون اقرب الي الطفل عندما تمنيه بالشيكولاتة ..

4/يراني البعض احمق (وبيني وبينكم انا كذلك) لانني اضع نفسي في مواقف تستدعي شجاعة خاصة وانا ليس كذلك
واؤمن بمبادىء خاصة من ضمنها ان اتعلم اشياء كثيرة وطبعا (اللي حوليا بيقوليلي انت مفتقد فقه الاولوية يعني تتجوز الاول وبعدين اتعلم وخدالماجستير والدكتوراه ومارس سياسة وادرسها زى مانت عاوز ) اكيد انا احمق..

5/ ملول جدا ومتقلب المزاج في بعض الاحيان (واللي هاتجوزها تبقي امها داعية عليها )لاانني لا اطيق الاجتماعيات
الاسرية والزيارات المنزلية ولا اطيق ايضا التريض (الفسحة ) واحب اصناف اكل معينة دون غيرها ولا احب الاكل في المطاعم يعني من النهاية (قفل) في نظر البعض ..

6/ الدين شىء كبير في حياتي ومتغلغل في كياني ولكنني لا احب التشدد ولا المظهرية فيه وهذا يسبب لي مشاكل في بعض الاحيان ولكني اري نفسي متدين ناقص ومقصر جدا في حق الله وفي حق نفسي وربنا يهديني ...

بالطبع هذه فضيحة بجلاجل ..لانني من هواة عدم فضح الاسرار الشخصية وهذه تعتبر اسرار تعرفونها لاول مرة ولكنها ليست اسرار للمحيطين بي وانا اعتبركم من هذه الفئة الان

احيل هذا التاج الي اشخاص احب كتابتهم وافكارهم دوما
1/ sal مدونة لا اكراه
2/ ريتشاردي الاسكندرانية قلب القطة
3/ د ستيتة الحمش مش عرفة بس نفسي اعرف
4/ تييرز دموع قد تكون حزن او فرح
5/ داليا الاحلام المستحيلة والضائعة
6/نوجااا خواطر شابة
وطبعا القوانين تعرفونها ان تحولوه الي ستة اخريين وهكذا

وطبعا لن اترككم هكذا بدون تاريخ ..اعجبني جدا تعليق صديقي العزيز سال علي التدوينة السابقة وارى ان النص الذى كتبه موجود في بعض الكتب التي تتكلم علي فتح مصر مثل ابن عبد الحكم وغيرها اترككم مع هذا النص لتتدبروا معانيه
والافكار التي وردت فيه ...وتتكلم عن حوار بين عمرو بن العاص واصحابه وبين رسل المقوقس حاكم مصر من قبل الرومان اثناء الفتح اترككم معها:

عاد الرسل إلى المقوقس، وقد وقع في نفوسهم ما عند المسلمين من بساطة وإيمان فقالوا: "رأينا قوماً الموت أحب إلى أحدهم من الحياة، والتواضع أحب إلى أحدهم من الرفعة، ليس لأحدهم في الدنيا رغبة ولا تهمة، إنما جلوسهم على التراب، وأكلهم على ركبهم، وأميرهم كواحد منهم، مايعرف رفيعهم من وضيعهم، ولا السيد منهم من العبد، وإذا حضرت الصلاة لم يتخلف عنها منهم أحد، يغسلون أطرافهم بالماء ويخشعون في صلاتهم".


فرح المقوقس بعودة الرسل، وطلب من عمرو أن يبعث إليه وفداً من المسلمين للتفاوض، فأرسل عمرو عشرة من رجاله أحدهم عبادة بن الصامت، وكان عبادة أسود شديد السواد، وأمرهم أن يكون هو المتحدث، بشرط ألا يتجاوز البدائل الثلاثة، فلما دخل عبادة على المقوقس هابه وقال: "نحوا عني ذلك الأسود وقدموا غيره يكلمني".. فقالوا: "إن هذا الأسود أفضلنا رأياً وعلماً، وهو سيدنا وخيرنا والمقدم علينا، وإنما نرجع جميعا إلى قوله ورأيه، وقد أمره الأمير دوننا بما أمره، وأمرنا ألا نخالف رأيه وقوله".. ثم قالوا فكان قولهم عجيباً عند المقوقس، أن الأبيض والأسود سواء عندهم، لا يفضل أحد أحداً إلا بفضله وعقله وليس بلونه.. فقال المقوقس لعبادة أن يتكلم برفق حتى لا يزعجه، فقال له عبادة: "إن من خلفت من أصحابي ألف رجل أسود، كلهم أشد سواداً مني، وإني ما أهاب مائة رجل من عدوي لو استقبلوني جميعاً، وكذلك أصحابي، وذلك إنما رغبتنا وهمتنا في الجهاد في الله واتباع رضوانه، وليس غزونا عدونا ممن حارب الله لرغبة في دنيا ولا طلباً للاستكثار منها.. لأن غاية أحدنا من الدنيا أكلة يأكلها يسد بها جوعه لليله ونهاره وشملة يلتحفها، لأن نعيم الدنيا ليس بنعيم، ورخاءها ليس برخاء، إنما النعيم والرخاء في الآخرة".. فلما سمع المقوقس ذلك رد قائلا: "أيها الرجل الصالح.. لعمري مابلغتم مابلغتم، وماظهرتم على من ظهرتم عليه إلا لحبهم الدنيا ورغبتهم فيها".. ثم أخذ يخوفه من المدد والحشود التي ستأتي من الروم، وعرض عليه أخيراً المصالحة على أن "نفرض لكل رجل منكم دينارين، ولأميركم مائة دينار، وخليفتكم ألف دينار، فتقبضوها وتنصرفون إلى بلادكم".. فقال عبادة: "ياهذا لا تغرن نفسك وأصحابك، ما كان هذا الذي تخوفنا به من جمع الروم وعددهم وكثرتهم، وإن كان ما قلتم حقا فذلك والله أرغب ما يكون في قتالهم، وما منا رجل إلا وهو يدعو ربه صباحاً ومساءً أن يرزقه الشهادة".. وأخيراً اختار المقوقس أن يدفع الجزية بعد أن طمأنه عبادة بن الصامت على أنه "إن دفعتم الجزية كنتم آمنين على أنفسكم وأموالكم وذراريكم، مسلطين في بلادكم على ما في أيديكم وما تتوارثونه، وحفظت لكم كنائسكم ولا يتعرض لكم أحد في أمور دينكم".. وعقد المقوقس الصلح على ذلك مع عمرو بن العاص ثم سافر إلى ""الإسكندرية ""
ليبعث بالاتفاق إلى هرقل في القسطنطينية كي يقره، لكن هرقل رفض الصلح، وبعث إلى المقوقس يستدعيه على عجل، فلما وقف أمامه يشرح أسباب الرضوخ والقبول بدفع الجزية قال: "إن العرب قد يحملون على الخروج من مصر بعد ذلك، وأما الجزية التي سندفعها فما أسهل أن نجبي مقدارها من

"" تجار الإسكندرية""

فلا تنقص موارد الدولة، وأما عن المسلمين فإني لا أرى موضعا للأمل، فالعرب قوم لايشبهون سائر الناس في شيء، فهم عند حد قولهم، لا يعبأون بأمر من أمور هذه الدنيا ومتاعها، لا يطلبون منها إلا لقمة يسدون بها رمقهم، وشملة يسترون بها أبدانهم، فهم قوم الموت، يرون ربحاً في أن يقتلوا، لأنهم ينالون بذلك الشهادة ويدخلون الجنة، في حين أن الروم يحبون متاع الدنيا ويحرصون عليه، لو رأيت هؤلاء العرب وبلاءهم في القتال لعرفت أنهم قوم لا يغلبون، فليس لنا من سبيل غير الصلح مع عمرو قبل أن يفتح حصن بابليون عنوة، وتصبح البلاد غنيمة له".

ملحوظة : ( مش انا اللي في الصورة )



هناك 23 تعليقًا:

أنا - الريس يقول...

بعد السلام والمرحبة .. احب احيك علي الصراحة لأني بحبها .. ثانيا .. علي فكرة مش شرط انك فيك من الاتراك تكون عصبي .. دي حجة .. أي جنس من البشر فيهم الهادي والعصبي والبارد ..
متفق معاك في هدف حكم مصر والمنافسة شكلها هتكون بينا.
وحب سيدنا عمر بعد الرسول وابوبكر .. لأن ابو بكر خد مواقف زي حرب الردة .. كان الاسلام هيضيع لو مخدش الموقف داا .. وسيدنا عمر ساعتها كان متراخي .

موضوع الحمق برضوا صفة مشتركة
والدين برضوا مقصر في الله مثلك بل أزيدك اضعافاً مضاعفة

اما عن الصورة فانا متأكد انها مش بتاعتك يا عمنا لأنها كانت هتأثر عليك في الانتخابات طبعا بهزر ,, موقف المقوقس .. اتمني ان يحدث قريبا ما حدث .. وان تتوحد الأمة .

قادر يا كريم

العلم نور يقول...

أيوه يا عم هل الخير عليك بالزوفة .. ماشاء الله تبارك الله ثلاثة تيجان .. مش واحد. أمك داعية لك

في الحقيقة أثارتني النقطة الأولى كثييرا فموضوع الكرامة موضوع عميق وكبير ومن لا يملك الكرامة لا يستحق ان يكون إنسان.

أما السياسة ومين ما يحبش يحش فيها.. هههههههه

والباقي الله يسهل طريقك وتلاقي بنت الحلال إللي أمها داعية ليها آمين

سعدت كثيرا بالتعرف عليك عن كثب.

وأما المقوقس والصورة لها حدوته تانية وفقك الله

♥♥ شذا ♥ الروح ♥♥ يقول...

لاء انت اللى فى الصوره ليه بتنكر نفسك مننا وزعلانه كمان ومش هعلق تانى يلا بقا
ومافيش داعى للماقطعه مش بيقولو كده
لاء بقا انا هقاطع وهاقطع كانت معاكم من امام الكى بيورد واحده مفروسه

داليـ ـ ـ ـ ـ ـ ــــا يقول...

ههههههههههههههههههههه
أول ما شوفت الصوره هلكت على روحى من الضحك
والله بجد لذيذ

(ست* جنى* الحسن) يقول...

سلامو عليكو..
مبرووووك على القالب الجديد.
عن التاج فاحييك على صراحتك وزى ما قولت
ربنا يكون فى عون اللى هتتجوزك
ولكن من كلامك انت شخصية قوية وذو عزة وكرامة ودى من صفات الرجل النبيل الاخلاق.
وغير محب للاجتماعيات فانت محب للخلوة مما يدل انك شخصية هادية وحساسة.
سامحنى انا مش بحلل شخصيتك بس صدقنى انا عمر نظرتى فى حد ما خيبت.
لك خالص تحياتى

داليـ ـ ـ ـ ـ ـ ــــا يقول...

اتفق وبشده معك فى العصبيه
لأنى انا كده عصبيه جدا وبلا فجر جذورى تركيه

هههههههه لا ياعم متقلش على نفسك كده
متخافش امها هتبقا داعيلها
عشان انتا بس بتقول كده وواهم نفسك بكده لانك لسه على البر لكن لما تترمى فى البحر هتتعلم العوم
يعنى طبعا ااقصد اول بس ما تخطب هتلاقى نفسك ايه فسح وخروجات اااايه هيصه هههههه

لالالالالالالالا مستحيل انتا بتحب كتاباتى وافكارى كمان وبتحولى التاج
يالهوى على الاحراج ياولاد
دانا كده اخدت شرف كبير اوى ووسام بجد منك
لانى انا اللى مبسوطه انى عرفت مدونتك وطريقتك الجميله ف الكتابه

حلوه اسرارك جدا سنيور هيثم
وبحيك على صراحتك الجميله دى

والتاج بتاعك مميز بصراحه هههههههههه
شد فى الشعور وربنا فكره جميله

أرق أرق تحياتى

-_- يقول...

ردود مميزة

ليلى الصباحى.. lolocat يقول...

هههههههههههه
هههههههههههه
والله يا هيثم اول مادخلت اتخضيت وقلت مش ممكن يكون هو ده هيثم طب هيثم من اى ناحية ده ؟؟؟
والا مش هدخل الفردوس بتاعك ده ومش عايزاه خالص ههههههه


كل صفاتك معروفة من طريقة كلامك فى مقالاتك
اوعى ياهيثم تتجوز قبل ما تاخد الدكتوراه
لانك لو تزوجت هتاخد حاجة تانية خااااااالص

انت تبقى كده انسان بتحب بيتك والاستقرار مش (قفل) ابدا

وكونك توصف نفسك بالتقصير فى حق الله يعنى انك بتحاسب نفسك دايما وده كويس جدا بمعتى انك اكيد هتسعى للاحسن فى الالتزام بحدود الله وطبعا ده الشىء الاساسى اللى كلنا اتخلقنا علشانه
والا يكون رئيسنا الجديد بعد عشرين سنة مقصر ازاى


بالنهايةانت انسان كلنا لازم نفخر بيه وبصداقته وانا اول الناس دى

جزاك الله خيرا لانك قربت لنا حياتك الشخصية ياهيثم
اللى كلها صفات طيبة ودعائى لك بالتوفيق فى الماجستير والدكتوراه وما تبقى تنسانا لما تصبح رئيسنا ان شاء الله

تحياتى لك وتقديرى وتقبل مرورى بفردوسك اللى مش ضائع

فكرة من الزمن ده يقول...

موش انت في الصورة طيب كويس
كنت على طول ح افكر اني دي صورتك اثناء كتابة البوست علشان تدلل انك فعلا عصبي
العصبية كانت فترة من الزمن داء العصر اما الان اصبحت
من سمات الشخصية السوية
مستحيل ان ترى بني ادم اعصابة باردة خلااااص

لان العرب كان لافضل لشخص الا بعمله وليس بلونه
عشت كده العرب تقدمو
تحياتي

richardCatheart يقول...

ههههههههههه انت بتسبق ولا ايه واحنا اش ضمنا انك مش انت اللى فى الصوره
ههههههههههه


والله يا هيثم انا مايهونش عليا ارفض تاجك بس انا ياخى مش بتاعت تيجان وخلاخيل وكده بس علشان هاقبله

وبشكرك انى من الناس اللى بتحب كتابتهم وبتابعهم دا شرف ياهيثم والله كتر الف خيرك

اما عن ابن الصامت وحايه مع المقوقس على قد مابستطنى على قد ما ضايقتنى واكيد عارف ليه
ماعدش لينا وزن ولا كنيه ولا هدف ولا وضع وماتضحكش وتقولى وضع ربنا ينتعك بالسلامه


تحياتى وشكرا يا هيثم

غير معرف يقول...

ردود عملت لى صدمه شويه
انا كنت متوقعه بعضا منها بس فى بعض منها
فاجئنى شويه
بس على كل حال شجصيه مميزه وجديره باالاحترام زى ماتوقعت
عجبنى اوى ان مامتك تركيه ربنا يخاليها لك
تحياتى

Tears يقول...

عايزة اعلق على السر رقم اتنين و اقولك انك لازم تعيد حساباتك بالذات لما تعرف ان مبارك فى مؤتمر صحفى من حوالى تمن سنين عندما سألوه عن من يخلفه قال انه مافيش داعي للقلق لانه من عائلة معمرة و والدة مات عنده
105

يعنى ضاعت منك الرئاسة:)

اما عن التاج اللى ورايا ورايا و جالى من عدد كبير فكل مرة بفضل انى اجاوب عليه فى التعليقات على الطلب لاى اشعر ان شخصيتى لا تهم الناس عشان احطها فى تدوينه بحالها

الست اسرار هى

1
من يرانى يعتقد انى سعيده و لا يعلم ان بداخلى حزن كبير و عميق

2
مش بدقق خالص فى ملامح الناس و بالتالى لو شفتهم تانى بعد المرة الاولى مش بعرفهم و الناس بتزعل و بتفتكر انى بتجاهلهم بس واقعيا انا مش ببص فى وش الناس بدقة لانى بعتبر ده انتهاك لخصوصيتهم و بالتالى بلقط الملامح بعد فترة من التعامل مش من اول مقابلة

3
بنسى اسامى الناس جدا و جايز ده بسبب انى بتعرف على طلبة كتير جدا و كل شوية بيتغيروا و بالتالى الخاصية بتاعه تذكر الاسماء فى راسى خربت
!

4
بتعصب جدا لو بتعامل مع حد يهمنى لكن ببقى هادية لو الشخص لا يهمنى و حتى و لو انفعلت فبيكون بهدوء نسبيا و بالتالى اللى اتعصب معاه جدا هو الاقرب الى نفسى

5
اللى بيشوفنى بيفتكرنى بنت صغيرة مع انى طويلة لدرجة ان من تلت سنين راجل عجوز كان نازل معايا فى الاسانسير و لقيته بيقولى و انتى بقى فى مدرسة ايه؟و صعق لما قولتله انا بدرس فى كلية!

6
لما بكون وسط ناس ممكن اكلم معاهم فى كل المواضيع و بالتالى بيعتقدوا انى اجتماعية بينما الواقع انى بفضل اقضى معظم الوقت وحدي فى هدوء و لا اهوى التجمعات

♥♥ شذا ♥ الروح ♥♥ يقول...

السلام عليكم
إجاباتك جميله ااوى شخصيه جده بكل شىء
انطباعى عنك انك تريد ان تكون شىء ما
ايه هو الله اعلم
بالنسبه انك تقول امها داعيه عليها والكلام ده الانسانه لما بتحب شخص ما بتكون محتاره تعمله ايه بشتى الطرق ده بالنسبه ليا انا بس ما اعرفش اللى هتجيبها هتتحملك ولا لاء

ربنا يوفقك يارب ويسعدك
انا مش زعلانه منك عشان اى حاجه لا سمح الله بس عشانك مش بتزورنى وانا بجليك بإستمرار
بحسنى انى بكون تقيله اووى عامة اسفه للتطفل وانى سببت ليك قلق

كلمات من نور يقول...

وأما عن المسلمين فإني لا أرى موضعا للأمل، فالعرب قوم لايشبهون سائر الناس في شيء، فهم عند حد قولهم، لا يعبأون بأمر من أمور هذه الدنيا ومتاعها، لا يطلبون منها إلا لقمة يسدون بها رمقهم، وشملة يسترون بها أبدانهم، فهم قوم الموت، يرون ربحاً في أن يقتلوا، لأنهم ينالون بذلك الشهادة ويدخلون الجنة، في حين أن الروم يحبون متاع الدنيا ويحرصون عليه، لو رأيت هؤلاء العرب وبلاءهم في القتال لعرفت أنهم قوم لا يغلبون..

============================
سبحان ربي العظيم ........دول أجدادنا؟؟؟؟؟ زمانهم بيلعننوا مع كل طلعة شمس والعياذ بالله ..يارب ردا لدينك ردا جميلا فتصير مثلهم قريبا ...قل آمين آمين آمين

sal يقول...

شكرا صديقى هيثم على الدعوة الكريمة
تحياتى وتقديرى
يارب ما يكونش حبك لاردوغان نابع من اصولك التركية
ولكن يكون بسبب ايمانك بحزب العدالة والتنمية
ههههه

Unknown يقول...

اجاباتك جميلة أستاذ هيثم
أما عن سيدنا عمر أبن الخطاب
فمن منا لا يحبه ولا يراه مثلاً اعلى
يحتذى به بعد رسول الله صلى الله عليه وسلم

لــــ زهــــــراء ــــولا يقول...

الف مليون مبروووك ع التاج بجد بجد تستحقه..وعارفين الصورة مش صورتك اعتقد صورة مخلوق غريب اسمه ابو الليف... ثالثاَ كالعادة استمتعت بالقراءة انا اعشق التاريخ بس شكلي لما بدخل هنا مدرستوش قبل كدة مخدناش الحاجات دي :d بجد ربنا يجازيك كل خير ..بالنسبة لشخصية عمر بن الخطاب اا اعشقها وكمان اعشق شخصية خالد بن الوليد وزيك معرفش ليه انا عارفة انه شخصية عظيمة قدم خدمات جليلة للاسلام بس بجد دون غيره علمت معايا شخصيته هو وعثمان بن عفان والسيدة حفصة رضي الله عنها ..
لـــولا

mrmr يقول...

الف مبروووووك يا عم على التاج
عايز تنكر ليه ان دى صورتك هو فى حد بيهرب من خلقه ربنا
ههههههههههههههههه
متزعلش انا بهزر معاك طبعا مش صورتك وانت ح تتصور كده وانت بتشد فى شعرك
ولا يهمك ياعم اعمل ما بدالك
تحياتى اليك
وشكرا

البنفسج الحزين يقول...

هيثم...
أولا باشكرك طبعا علي تلبيه الدعوة
ثانيا واضح من الاسرار اللي ذكرتها عن نفسك انك انسان طموح ومحب للعلم-وطيب القلب (مش أحمق)-

عصبي علشان أصولك التركيه ...ما التراكوة عندهم صفات كتير حلوة انت بقا مخدتش منهم غير العصبيه ...
عموما حقك يا عم تفتخر بأصلك التركي وخصوصا اليومين دول...

بس انا مستغربه من الناس اللي بتنصحك تتجوز الاول وبعدين تكمل ماجستير ودكتوراة الكلام ده اذا اتقال للبنات يبقي مفهوم انما انت راجل ؟؟؟
متسمعش كلامهم امشي في طريقك وسيب كل حاجه تيجي في وقتها...
تحياتي  

ماجد العياطي يقول...

الاختبارمش وحش

ومش حلو

يعني مش الاختبار اللي يخلينا نهتم بحله

لكن هو من باب التعارف كويس

وانا عن نفسي هستنى لحد ما يجي الاختبار

على فكره المقطع جميل جدا وبليغ جدا

والمقوقس طلع اروبه

ههه

تحياتي

Unknown يقول...

ربنا يوفقك في آمالك وطموحاتك..

تحياتي..

-----
ملحوظة: أحاول تسجيل الاشتراك في مدونتك، لكن الرابط لا يستجيب! لعل المانع خير!

Haytham Alsayes يقول...

السلام عليكم

انا اسف جدا علي عدم الرد علي حضراتكم بس اعذروني
فانا مشغول شوية .........دعواتكم


تحياتي

دودي فلسطين يقول...

انا اخر من يعلم معلش يا استاز

والله انا كنت متخيلتك واحد تاني بعد ما شفت اسرارك
قلت لاء معقول هادا الاستاز هيثم

انا بصراحه بخاف من المزاجيين
وبما انك بتحب السياسه فيا رب تطلع اشي مهم
بس احسبها صح بضميرك وفكرك

وببقى ليوم باخد توقيعك من مره

تحياتي استاز