الخميس، 7 أكتوبر 2010

النظرية المضلعة


الاسكندرية عام 20 م ..عصر سحيق بالنسبة اليك عزيزى ولكن اذا عرفت ان هذا في الوقت كانت مصر تاج الامبراطورية الرومانية القوية تحت حكم اغسطس وما بعده ..ترى في الافق ميناء الاسكندرية والسفن العالية التي تخصص لشىء واحد فقط ..اسطول كبير يمخر البحر المتوسط مابين روما والاسكندرية ..هذا الاسطول يعتبر من الاهمية بمكان انه اهم مافي الامبراطورية علي الاطلاق يصر الاباطرة العظام علي الحفاظ عليه من التلف ..يحاولون بشتى الطرق ان يكون خط سريع بين روما عاصمة الامبراطورية والاسكندرية عاصمة اهم ولاية رومانية علي الاطلاق ..جعلها اغسطس تابعة له فقط ..هو من يحكمها غير تابعة للسناتو الروماني بل انه من يعين واليها وقائد حاميتها ..لماذا كل هذا ؟؟ لانها مصر ياعزيزى .. التي لا يقدر ثمنها الا العاقلين فقط ..


كنت قد شاهد ت البرنامج المتميز بلا حدود علي قناة الجزيرة المزعجة حقا ..ممكن ان تختلف مع سياسة الجزيرة اتجاه مصر او تقول انها فرع من فروع الموساد ..قل ماشئت ولكن لابد ان تقول انها تفوقت علي قنوات مصر التي تسبح بحمد الرئيس ليل نهار ..احمد منصور الاعلامي المصري الاشهر في الجزيرة يستضيف نقيب الزراعيين المصريين د عبد السلام جمعة ..الحقيقة انني اول مرة اشاهد الرجل علي شاشة الجزيرة او علي اي شاشة اخرى وكانت حلقة بلا حدود تتحدث عن القمح المصرى وكيفية الاكتفاء الذاتي منه والي اي مدى ستصل مصر الي المستقبل البعيد في هذا الموضوع ..

بالطبع لنا ان نتخيل جميعا من نظرة واحدة علي طابور خبز مدى الكارثة التي نحن فيها ..لنا ان نتخيل ان مصر اصبحت المستورد الاول للقمح الامريكي في العالم ..لنا ان نتخيل اذا قامت ازمة عالمية في اى وقت لن تجد كسرة خبز في متناول يدك ..لك ان تتخيل عزيزى مدى المرح الذى كنت فيه وانا اشاهد هذه الحلقة ..الدكتور عبد السلام يتكلم عن استراتيجية للقمح ستنتهي عام 2030 "يالطاف الله " ..هل يتصورون انهم سيحكمون الي هذا الوقت ..يارب استر ..

كان من فرط الاستمتاع الحقيقي بالحلقة ان احمد منصور كان في نزهة صحفية وهو يبين الادلة والبراهين التي تبين مدى فشل الحكومات المصرية المتاعقبة في هذا المنوال امام الدكتور الذى لم يفتح الله عليه بكلمة تشفي الغليل ..مما يبين ان من يحكمونا فشلة من الطراز الرفيع والسمين ايضا ..وكان من كلام الدكتور الهمام انه سيتم العمل بالاستراتيجية في خلال العام الحالي والتي ستنتهي بالاكتفاء الذاتي ..

سأله احمد منصور " اريد ان اعرف اسباب الفشل التي منيت به مصر في الاكتفاء الذاتي ؟؟يبرر الدكتور ذلك بقلة المياة ..وعدد السكان المتزايد ..وجهل الفلاح المصري بالوسائل الحديثة ..ياسلام ..


السفن الرومانية التي تمخر عباب البحر مجيئة وذهابا لها مهمة واحدة فقط وهي نقل القمح المصري من الاسكندرية اخر المحطات التي يتم فيها تخزين القمح ثم تمتلا السفن بهذا القمح كي تطعم المواطن الروماني الذى لو سمع ان القمح غير متوافر يقوم بالثورة علي الفور ..هذه الحقيقة التاريخية جعلت اباطرة الرومان في برامجهم السياسية يعملون الف حساب لهذه النقطة وهي اطعام الروماني من القمح ..


كان الرومان المسيطرون علي مقادير الامور في حوض البحر المتوسط بأكمله يعرفون ان مصر من اغني الدول في زراعة القمح..بقية الدول لاتمتلك الاراضى الخصبة ولا النهر المنتظمة مياءه مثل مصر لذلك عرف الرومان ذلك وحاولو بشتي الطرق احتلال مصر وبالفعل احتلوها بعد ان قضوا علي دولة البطالمة واخر ملوكها كليوبترا السابعة وعشيقها انطونيوس ليبدأ الرومان في مصر استراتيجيتهم الخاصة في الاستفادة القصوى من مصر او قل قمح مصر ..
مما لفت انتباهي في كلام احمد منصور انه اورد حديث جمال مبارك في زيارته لاحدى القرى مع الفلاحين "حيث قال بالحرف الواحد " ان موضوع الاكتفاء الذاتي من القمح مجرد عملية نظرية "!!!!!!!!!!!!!! نظرى ..

ومن قال لسيادتك اننا نريد حل نظرى نحن نريد العملي ..ولكن علي ايه حال مصر تحكم بالنظرى وليس العملي ..الان فهمت تفضيل الطلبة المصريون لدخول القسم الادبي في الثانوية العامة ..انهم يعشقون النظرى ياسادة لا يطيقون العملي ولا التجارب والمعامل ..وكله يضلع نفسه ..


اورد ايضا تصريح لوزير الزراعة الاسبق يوسف والي الذى قال ايضا بالحرف في يناير 1982 "خد بالك من التاريخ "( ان مصر ستكتفي ذاتيا من القمح في العام 1985 ) نحن في عام 2010 ولم يتحقق ذلك ..يوسف والي كان يستبدل زراعة القمح بزراعة الكنتالوب ويصدره الي الغرب في مقابل ان يعطونا قمحا .. ياللرخاء الكنتالوبي ..


اصبحت مصر الورقة الرابحة في عهد الاباطرة الرومان ..يكسبون ود المواطنين في روما وارجاء الامبراطورية بالقمح المصري ..كانوا قد خططوا ان تكون مصر سلة غلال العالم ..ولاحظ اننا نتكلم عن عهد لم توجد فيه الهندسة الوراثية ولا الوسائل الحديثة التي تزيد من انتاجية الفدان ولكن ككان الرومان يمتلكون عقولا تفكر وتخطط وتستفيد وفعلوا الافاعيل كي يصل اليهم هذا القمح ..


كان الرومان في اثناء حروبهم الطويلة كثيرا مايحتاجون الي القمح لذلك فكروا في احتلال مصر لهذا الغرض بالذات انها ثورة لا تقدر بمال بل امنع القمح المصري عدة اشهر تجد ان روما اشتعلت بالثورات وتجد ان السلام الروماني الذى فرضه اغسطس علي العالم المعمور انهار وتبدأ الحروب من جديد ..

جعلوا مصر تحت حكم عسكري قوى كي يمنع المصريين من الثورة ..استفادوا من مياة النيل وزرعوا الارض اكثر من مرة في العام بالقمح ..يسروا المواصلات من اقصي الصعيد الي ميناء الاسكندرية ومنها الي البحر ومنها الي روما ..استفادوا بأراضي جديدة وهي ما يعرف الان بالساحل الشمالي الغرب في زراعة القمح ومحاصيل اخري كالشعير ..


يعلل الدكتور عبد السلام جمعة قلة انتاجنا الي قلة الامطار وان اوربا التي تعاني من قلة السكان بها امطار كثيرة يتسني لهم ان يزرعوا القمح اما مصر بلد النيل تزرع القمح الذى لايكفي الوحوش الادمية التي تسكن الارض المصرية ..وان ملاعب الجولف مثلا التي مدحها شيمون بيريز التي رأها من الطائرة اثناء هبوطها الي مطار القاهرة الدولي تستنزف مياة كثيرة مهدرة من الممكن ان تزرع كثيرا من حقول القمح ..وان الساحل الشمالي الذى يقبع فيه الاغنياء دون فقراء الشعب من الممكن ان يزرع بالاف الافدنة من القمح ..او اننا ننسي ان مصر تدر في فلك امريكا واسرائيل ..اظن ان ما يمنعهم كل ذلك وهناك ايضا شىء اخر هو النظرية التي نعشقها ونعشق من قالها ..


تصل السفينة الي روما حيث ينتظرها الامبراطور الروماني بشغف ويطمئن علي كرسي الامبراطورية وعلي الرعاع المشاغبين انه لن يوجد مايبرر شغبهم الان ..

هناك 38 تعليقًا:

فاتيما يقول...

عاجبنى جدااا المقاربة الشديدة دى
بين الماضى السحيق
والحاضر

حلوة قوى يا هيثم

و حلو كمان المامك بجوانب
الحكاية و سردها علينا
بشكل ميحسش بأى ملل



و للأسف
ما بين السطور العلة
و الأسباب
و كمان الطريقة
و الأسلوب اللى وصلنا لكدا
و مين السبب
و ليه


الضيوف اللى ع شاكلة
اللى اتكلمت عنه ده
بيفكرونى ببطل بوست التعبيرية بتاعك
و فجاجة المتحدث كالعادة بمن يستمعون
و استهانته بذكاء شعب كامل
اجهل ما فيه ناصح
و بيفهم حاميها من حراميها
ببساطة
لما يلاقى مفيش حاجة حصلت
غير انه اتنهب
و بقاله عمر بيتسرق
و مبيخدش منهم غير كلام و بس



انا مبحبش احمد منصور
لكن بحترم ضيوفه ..الكويس فيهم بيّعلى الحلقة
و بيديها قيمة و بيفرض منطقه
لا انكر انه اعلامى كويس
و متمكن من ادواته
لكن ينقصه اشياء مش موضوعنا دلوقتى على أى حال


تسلم ايدك
الموضوع حلو قوى

ستيتة يقول...

لو لم يهزمنا الغرب
في اي ميدان
الا ان جعلنا اكبر مستورد للقمح
بعد ان كنا سلة الطعام للإمبراطوريات المتعاقبة
لو لم يهزمنا الا في هذا
لكفتنا الهزيمة
فما بالك بما نستورده من الشرق والغرب
مما يمكن الإستغناء عنه ومما لا يمكن
شكرا على البوست يا هيثم

كلمات من نور يقول...

بوست قيم ومقارنة رائعة .أمجاد و ............

الله المستعان يا هيثم

أنا - الريس يقول...

بعد السلام والتحية
أما بعد
من رئيس الجمهورية

أولا وقبل الأول انا عايز ارزل علي احمد منصور وأقول انه هوا من منية سمنود زيي ودا مش فخر بيه ليا ولا ليه ولكنه رجل محترم رغم إني اختلف مع الجزيرة ليس في فضح مصر لكن لتجنيها علي مصر بطريقة غير احترافية لاحراجها .

ثانيا مش هتيجي علي القمح ، القطن ، الطماطم .. وحجات بالهبل

ربنا يستر
وامسكوا قريب :)

mrmr يقول...

good
ديما بوستاتك فى الصميم وهادفه يا هيثم
باسعد عند قراتها

Ms Venus يقول...

كنت بفكر كده من يومين بينى وبين نفسى

وبقول مصر دى دولة فعلا عظيمة

شوف بتتسرق وتتنهب ويتاخد خيرها من أد ايه ؟؟

ومع ذلك لسه موجودة

او جايز نظريا موجودة


يلا ما علينا

مقال جميل يا هيثم

غير معرف يقول...

مقارنه رائعه بين ما مضى وحاضرنا
تسلم إيدك وفكرك يا هيثم
أشكرك على الإفادة
دمت بخير

غير معرف يقول...

امممممم

نحن أشبه ما يكون بمن امتلك قطعا من الماس لا يدري قيمتها

فجلس أمام النهر وراح يلقى بها واحدة تلو الأخرى وهو يستمتع برؤية الدوائر متحدة المركز التي تنتج عن وقوعها في الماء

:(

Unknown يقول...

ممتاز يا هيثم.. بجد إنت بتبدع لما بتلعب في ملعبك... بس.

ماجد العياطي يقول...

دايما معودنا ياهيثم على المواضيع المهمه

لو كنا بنقرا التاريخ زي ماقالوا يمكن كان الحال اتغير

المشكله انهم قروا التاريخ لكن مصرين على اللي احنا فيه

موضوع غايه في الروعه ياهيثم

سامحني لاني مقصر في حق مدونتك الجميله

الله ينور

richardCatheart يقول...

يا هيثثثثثثثثثثثثثثثثثثثثثثثثثثم

والنبى ماتنزل بوستات جديده علشان عايزه اقرا البوست واللى فات مالحقتهوش معلش غلاسه اصبر يومين كده
احسن عندى دربكه فى الوقت وبصراحه بتغاظ لما بوستاتك تفوتنى
يارب ديما بخير

داليـ ـ ـ ـ ـ ـ ــــا يقول...

حلوه التدوينه يامستر
ياسياسى
وحلوه الحلول الاخيره دى
ماحنا عندنا عقول بتفكر اهى ومش راكنين مخهم
اومال بتتريق عليهم ليه يامستر وتقول انهم فشله من الطراز الرفيع والسمين ايضا هههههه

تحياتى يازعيم

richardCatheart يقول...

يا خرااااااااااااابى دا اتارينا شغالين فنتالوب من 82 ولسه ما انقذناش مصلحى ههههههههههههه

هاقولك ايه امبارح محمود سعد مستضفين خبير زراعى

بيقولك مصر بتزرع 7 مليون فدان لب وسودانى بغرض التسالى والفلاح لما منعو زراعه الرز ماقاللهوش ازرع ايه وفى ايه ناقص فابيروح يزرع الاسهل واللى يتباع

7 مليون فدان تسالى دا احنا لو قرود مش هانستهلك اللب والسودانى دا كله
بعد ماكنا سله غلال العالم خلونا سله زباله العالم


تسلم يا ابو الهيثم واعذرنى على التأخير

Tarkieb يقول...

عبد السلام جمعة مسك مركز بحوث الصحراء في التسعينات وزي ما دخل زي ما خرج.....في ناس مصلحتها نفضل كدة....

Noha Saleh يقول...

البوست ده رائع
عجبتنى المقارنة بين زمنين
اللى بيفرق زمن عن التانى عموما هو الشخصيات اللى فيه
وتفكير الناس وتصرفاتهم واستغلالهم للظروف
دى اول زيارة لى فى المدونة وانا سعيدة بيها جدا

عبد الرؤوف بن عبدالسلام (أبوهارون) يقول...

سلامي ان كفاء الذاتي من المواذ التغذية في بلدان العربية حكية طويلة اقتراح*الخبز الفرنسي هو الحل*العيش بالمصري

sal يقول...

صديقى هيثم

انا شفت الحلقة
وبفيت مستغرب من ردود الى اخر اسمه جمعه
والله لو يكون عنده دكتوراهات الدنيا كلها
كلامه ما يسوى تعريفه
وتشعر بخوفه وتخاذله من قول الحقيقة
العلم والادب والابداع اينما كان اذا لم يتماهى مع موقف وطنى مخلص هو مثل الزبد الذى يذهب جفاء والرماد الذى تذروه الرياح

مقاربة جميله وبوست اجمل

تحياتى

شمس النهار يقول...

عارف اتفرجت علي سكينه فؤاد بتتكلم علي الموضع بتاع القمح وحسيت ان الست هيجلها نقطه فعلا

ودخلت علي النت وجبت كل اللي اتقال في الموضوع ده

وتعبت نفسيا جدا ولا قيت نفسي بقول حسبي الله ونعم الوكيل

صدقني الموضوع كبير

وزرع القمح في مصر اسهل منه مافيش

بس حسبي الله ونعم الوكيل

:(

أحمد محمدي يقول...

ليس بالخبز وحده يحيى الانسان , كان ذللك شعار مصر
اما اليوم فالخبز وحده يقتل الانسان !

Haytham Alsayes يقول...

فاتيما

ازيك يامامت يوسف

ربنا يكرمك علي الاطراء دة
انا لما اتفرجت علي الحلقة لقيت عبد السلام جمعة حاجة تغيظ الحقيقة
الراجل متكلمش في اي حاجة تعرفنا طيب ايه الحلول
كله كلام ملوش اي لازمة

تقريبا كلهم ابطال الصورة التعبيرية

اما عن احمد منصور
انا شايف انه اعلامي متميز رغم اختلاف البعض معه
بس هو احسن من ناس كتير بتضحك علي الشعب الغلبان


تحياتي ومنورة دايما

Haytham Alsayes يقول...

د ستيتة

عندك حق تكفينا الهزيمة في دة بس
من لايملك خبزه لايملك قراره
وادينا شايفين الخيبة التقيلة

تحياتي

Haytham Alsayes يقول...

كلمات من نور

فعلا ربنا المستعان

تحياتي

Haytham Alsayes يقول...

السيد الرئيس

يشرفني تشريفك ياريس
معاك حق في حكاية الجزيرة دى
بس احنا عاملين زى اللي بتصوت عشان في طفلة بتضربها
مع اننا نقدر نعمل عشر قنوات زيها
بس طبعا لما تمسكنا مش مع الحاج حسني اللي نايم فيها دة

تحياتي سعادتك

Haytham Alsayes يقول...

مرمر

دايما منوراني
شكرا لكي

تحياتي

Haytham Alsayes يقول...

فينوس

صح مصر بتتنهب كتير ولسة مستمرة
علي قيد الحياه
بس اظن الايام دى مخلوش حاجة تتنهب

تحياتي

Haytham Alsayes يقول...

الحب الجميل

ربنا يكرمك
علي كلامك
وحضورك الذى دائما يسعدني

تحياتي

Haytham Alsayes يقول...

سمو الامير

تعبيرك رائع
احنا نمل لؤلؤ ومرجان وغارة علي بابا كلها بس للاسف
في ناس بتنهبها وبترميها وبتدهدرها
يارب يولي من يصلح بأيدينا

تحياتي

Haytham Alsayes يقول...

ماجد القاضي

يشرفني يافندم الاطراء دة
لازم حضرتك تنبهني دايما
ربنا يكرمك

تحياتي

Haytham Alsayes يقول...

ماجد العياطي

ياااااااااه
فينك ياستاذ
منور البلوج والله

عندك حق في كلامك
بس اكيد هما بقروا التاريخ من وجهة نظرهم الغلط بس
اصل التاريخ دة بأوجه كثيرة ساعات

تحياتي ومتغبش تاني

Haytham Alsayes يقول...

ريتشارد

هههههههه
ماشي حاضر
انا اساسا مكسل حبتين اليومين دول
دعواتك عشان الدربكة عندى برضه

Haytham Alsayes يقول...

سنيورة داليا
ازيك ياسنيوريتا
يارب تكوني بخير
انتي هتدزديني في داهية
انا ولا زعيم ولاحاجة
دا انا غلبان
هههههههههههه

اما بقي عن الحلول
هو حل واحد مفيش غيره
انا ربنا يخلصنا من الاشكال دي

تحياتي

Haytham Alsayes يقول...

ريتشارد

فنتالوب وكنتالوب
ماهو من كترته بقوا بيعبوه في ازايز
ههههههههههه
7 مليون فدان تسالي ربنا ينتقم منهم مش احسن يزرعوا احتياجتنا
هو احنا هنموت لو مكلناش لب وسوداني
اتارى الدعايات بتاعت السوداني مش هيهان تاني شغالة الله ينور
يالا مرحلة الكنتالوب واللب والسوداني اشتغلت
ربنا يستر وميحصلش مجاعة

تحياتي ياريتشو

Haytham Alsayes يقول...

تركيب

كلهم قطعية واحدة
مصلحتهم وبس
وهو اساس شكله فاشل ميعرفش يمسك عزبة حتي

ربنا يخلصنا منهم جميعا

تحياتي

Haytham Alsayes يقول...

نهي صالح

انا اسعد يافندم انها اول زيارة
واسعد ان البوست عجبك

تحياتي

Haytham Alsayes يقول...

amiralcafe

البلاد العربية فيها مشاكل كثيرة
اظن ان اساس المشكلة هي الطغيان والديكتاتورية
والحل في انهاء ذلك

تحياتي

Haytham Alsayes يقول...

سال

صديقي

كتير من الناس كدة
يافرحتي بانه دكتور وبعدين هيعرف يحل المشكلة
المشكلة العلماء عندنا موظفين علي مكاتب
العلماء مكانهم الوحيد في المعمل
والادارة لناس تانية بتفهم برضه
لكن مصر فيها من العلماء ومش موجودين في المعامل
واللي مسكينها فشلة ودول طبعا بتوع الادارة

تحياتي لك ياصديقي

Haytham Alsayes يقول...

شمس النهار

عندك حق بس مش سكينة فؤاد بس اللي هيجيلها
تقريبا الشعب المصري كله جاله
فعلا حسبنا الله ونعم الوكيل
والحلول سهلة بس يسبوها للناس الناجحة اللي بتفكر
مش شوية عالم فشلة مش عارفة تصلحها

تحياتي

Haytham Alsayes يقول...

احمد محمدى

شعار مصر الان
كيفية جعل الانسان المصري
يولع في نفسه

تحياتي