الاثنين، 4 يوليو، 2011

فلنتعلم من الصخرة !!


فلنتركهم الان ..هؤلاء شرزمة قليلون وانا لنحن الغالبون ..هكذا كان لسان حالهم وهم يتجهون عائدين من هذه المنطقة الوعرة في شمال اسبانيا انها منطقة صخرة بلاى ..وما اكثر الصخور التي تركناها حتي اصبحت جبال راسية علي الاكتاف ..................

قرطبة ..طليطلة ..غرناطة ..برشلونة .. سرقسطة
كلها مدن تم فتحها علي يد جيش طارق بن زياد ومن بعده موسي بن نصير حتي اذا تم الفتح كان عليهم التوجه الي اقصي الشمال حيث الشرزمة حيث القلة التي تجيد الحرب حيث هؤلاء الاشداء الذين وضعوا خطة لتكوين مملكة لتقضي علي المسلمين انها القصة التي يغفل عنها ابناء ادم دائما ..من الممكن ان يكون استهزاء او استخفافا من الجيش الاسلامي في التعامل مع الشرزمة حتي اصبحت الشرزمة جيشا ومملكة تدافع عن وجود النصارى في اسبانيا وتتحالف مع اعداء الدولة الاسلامية في الاندلس ..
...............

ما اكثر الصخور التي تتحول الي جبال .. جبال فوق الرؤس كأنها كوابيس راسية في العقل وماهي في الحقيقة الا بيوت العنكبوت وان اوهن البيوت لبيت العنكبوت ..انها الصخرة العاتية التي كونت مملكة عصفت بالجميع في الاندلس ..

...............

بعد انتهاء الفتح الاسلامي العظيم للاندلس كان من المفترض ان تقضي الخطة بالقضاء علي فرقة عسكرية باقي من القوط الغربيين الذين كانوا يحكمون الاندلس قبل المسلمين وكان يرأس هذه الفرقة العسكرية القائد بلاى والذى تسمت هذه المنطقة باسمه " صخرة بلاى " وكانت منطقة في الشمال الغربي الاسباني علي الحدود بين اسبانيا وفرنسا الان وتمتاز هذه المنطقة بالوعورة الشديدة مما جعل المسلمين يثنون عن مهاجمتها وكان لسان حالهم هؤلاء قلة من امرهم ولا يمثلون خطرا علي الدولة الجديدة وقد كان لفترة ولكن من قال ان القلة لا تنصر ..كان من الواضح ان المسلمين يستلهمون روح غزوة حنين !!!
.........

جندى مسلم يمتطي صهوة الحصان بجوار اخر في جيش عرمرم قوى تجاوز الالاف ينظران ورائهما فيجدان جنود بمد البصر ..ينظران بمد بصرهما الي الامام فيجدان جنود لا قبل لهم بها في هذا العهد ..انه جيش الاسلام الذى اعزه الله في مكة بعد الفتح انهم يتقدمون الي وادي حنين في غزوة جديدة بقيادة نبي الاسلام صلي الله عليه وسلم الذى نصره الله علي اعداءه ..المسلمون كثيرون الان ..حنين كانت اختبارا ..حنين كانت عظة ..حنين كانت روح للمسلمين وكان لابد للروح ان تستلهم في مواقف عدة في التاريخ ...واذا ضاعت الروح قل علي الجسد السلام ....
الجندى يقول لصاحبه " نحن كثيرون هذا اليوم لن نهزم من قلة في يومنا هذا مضي عهد القلة ..فالكثرة قوة ..والكثرة تخيف علي اي حال ......كانا مخطئان !!

......................

صخرة بلاى بمرور السنوات اصبحت مملكة نصرانية في الشمال تستهدف التحالف مع الفرنجة وهم من يحكمون فرنسا وكانوا الاعداء للدولة الاسلامية ..اصبحت صخرة بلاي مملكة استوريش ..وبمرور سنوات عديدة اصبحت دولة ذات كيان ورؤية وكانت رؤيتها الوحيدة هي القضاء علي الوجود الاسلامي والبدء في حرب الاسترداد الذى انتهت عام 1492 بخروج سلطان المسلمين من غرناطة ..نجحت الخطة اخيرا بعد مرارة المعارك ..نجحت من القلة الذين لم يصبحوا الا كثرة وجيشا يستهدف المسلمين والانتصار عليهم بعد تفاصيل حربية وتاريخية طويلة كثيرة لا مجاتل لي ان اسردها الان ..
...............

الان ..وقد طوينا التاريخ نرى ان نستلهم صورة الحاضر الذى نعيشه الان من الممكن ان نستجدى صورا من الماضي ايضا فانتبهوا جيدا ..
..............

ارى من الصخرة جبلا راسخا بفعل خطة مدبرة من قوى ظلامية لا نراها ولا نرى ايديها ولكنها تدبر لخطة نراها كل يوم في الشارع ..مخطىء من يظن ان الامور علي ما يرام وان من ندبوا انفسهم لحماية الثورة يحمونها بالفعل بل انهم يهدرونها ويضيعونها ولا اريد ان انتقي الفاظا قد اكون مخطئا يوما ما في قولها ..ولا اريد ان اسبق الحدث ولكن من لا يرى فهو اعمي ومن لا يعي فهو احمق ومن يضحك علي نفسه فقل عليه السلام ومن يتمسح يوما ما في حكمة المجلس العسكرى وحنكته وتدبيره علي الامور لا يتعلم مما سبق عندما كانوا يقولون عنه انه حكيم وانه مختار من الشعب وانه يسوس الامر كأنه نصف اله علي الارض غير موجود الان ونتجرع يوميا من منهل الحكمةالتي تركها لنا .. ومن يتمسح فهو يريد الكعكة الحجرية لوحده ومن يأكلها وحده فاسنانه ستتهشم لانها حجرية ولان الشعب يعرف المكان والزمان ليقود حركته ضد من سلب حقه في الحياه وضد من يريد ان يسلب اراداته ..

..............

الكلام غير مجدى الان ..من يقل لي ان العمل اجدى فهو ينساق وراء من يسبحون بحكمة المجلس ...
الكلام غير مجدى الان ..ومن يقل لي ان عجلة الانتاج ستتوقف اقول له ان الحرية اولي من الرغيف الذى تتناوله بذلة وتتناوله بغموص ينزل في بطنك كالجحيم ذاته ..الحرية لا تستوى الا بالعزة وما فعله هؤلاء في حق الثورة جرم كبير وحالة الاستقطاب المفتعل تزداد يوما بعد يوم ..الاستقطاب سيتحول من صخرة بلاى الي جبل من الجليد سينهار فوق الكل ولن يرحم اي من الفريقين ..

ارحموا الثورة يرحمكم الله

هناك 60 تعليقًا:

Tarkieb يقول...

انا بصراحة مفقوع من المجلس وحياة ربنا من اول يوم باين انهم مش مع الثورة ..اللي دخل الجيش يعرف فعلا مستوي ذكائهم

Ms Venus يقول...

لا انسانية بدون حرية


كلامك صح

بس عندى تعليق كده صغير على الجزء الاول من البوست

انت طبعا يا هيثم كاتب للتاريخ وكتير بتحاول توظف التاريخ علشان تخرج منه عبرة نتعلمها

تعالى نعكس كده الوضع شوية

بتتكلم عن الاندلس ومقاومتهم للجيوش الاسلامية

تفتكر مش من حقهم يدافعوا عن بلادهم ؟؟


فكر فى سؤالى ده ياريت بشكل مختلف وبعيدا عن الدين

Ramy يقول...

شوف يا هيثم

انا بحبك جدا و بأحترمك جداً

لكن معرفش أيه دخل اسبانيا فى الموضوع

انا معاك جداً فى النص التانى من البوست

بتتكلم عنهم كأنهم ملهمش حق انهم يدافعوا عن بلادهم

مع الأحترام لهدف الفتح او الغزوة او او

انا لولا انى عارف دماغ هيثم مكنتش كتبت

و ياريت تفكر فى سؤال فينوس

شوف يا هيثم الجرح الحقيقى عندنا هو فلسطين مش اى دولة تانى

فلسطين اللى اتاخدت مننا كدة من حبة ناس كانوا مش لاقين حته تلمهم

فلسطين هى الجرح يا صديقى و ليس اسبانيا

تحياتى يا هيثم و ياريت

تقدر تتفهم رأيى

Haytham Alsayes يقول...

ياجماعة ماتفهموا الغرض من التدوينة ايه اللي اقروا اللي تحت اللي تحت بيبين اللي فوق واللي فوق يوضح اللي تحت الغرض منها اننا في خطر كلنا من المجلس العسكرى
انا مش قصدى اتكلم عن اسبانيا او الاندلس تاريخيا انا بتكلم انك لو سبت شىء صغير هيستفحل بعيدا عن غزو او احتلال او فتح وحاضر يافينوس اكيد هجاوب علي سؤالك دة شىء يسعدني جدا اني اوضح وجهة نظرى بس افهموا التدوينة والغرض منها كويس

تحياتي

Haytham Alsayes يقول...

تركيب

وانا زيك وربنا

:)

تحياتي

Ramy يقول...

انا فاهم

على فكرة هدف التدوينة

انت عاوز تتكلم عن اننا مهما كنا فى نظرنا اقل من اننا نقف قدام كل ده

لكن مع ايمانا بقضيتنا هنقدر نقف مهما طال الوقت

لكن المثل و انت بتتكلم عنهم كنت بتتكلم زى الناس المضادين للثورة
كأن الناس مش من حقها تثور على كل الظلم اللى شافته

Ramy يقول...

لالالا

انت زعلت (:

Haytham Alsayes يقول...

فينوس

ازيك ؟؟

سؤالك صعب يافينوس
اولا مينفعش حد ينفصل عن دينه ومعتقداته والتاريخ او اي شىء لا ينفصل عن الدين واكيد الكلام دة ينطبق عليا وعليكي وعلي كل الناس

ثانيا يافينوس اوضحت الغرض من التدوينة

ثالثا اجي لسؤالك الصعب والسهل في نفس الوقت خلينا نتفق علي قاعدة يافينوس ان مقاييس اي زمن تقاس بالزمن اللي هو فيه بمعني ايه ؟
بمعني ان سنة 92 م سنة فتح الاندلس غير سنة 2011 م من حيث ان لو المسلمين مثلا او دولة اسلامية غزت او استولت علي ايطاليا المسيحية مثلا يتسمي غزو واحتلال لكن في فترة العصور الوسطي مكنش يتشاف من النظرية دي لاسباب كتير اوى يافينوس ممكن اقول منها بعض الحاجات

ان سمة العصور دي الفتح علي حساب الاخرين لنشر فكرة او مذهب او دين

ان من قبل الاسلام السمة دي موجودة وطبعا اكيد عارفة عصر الشهداء وهو اضطها من دقلديانوس الوثني للمسيحيين واتسمي عصر الشهداء بسبب عذاب ومقتل الاف من المسيحيين

برضه الاضطهاد المذهبي في مصر وغيرها من البلاد من الامبراطورية الرومانية او البيزنطية ضد من يخالفوها في المذهب يبقي دة معناه ان نشر فكرة او دين او مذهب او الاثناء عنه موجود ودة سمة العصر زى دلوقتي انتشار فكرة بالاعلام والدعاية الاعلانية نفس الفكرة بالظبط

طيب نيجي للفتح او الغزو الاسلامي
طيب هو فتح ولا غزو ؟؟

يتبع

Ms Venus يقول...

احنا فاهمين طبعا معنى البوست

واول جملة انا كتبتها

لا انسانية بدون حرية


احنا بنتكلم فى شىء تانى خالص

اول جزء من الوست انت حطيته كمثل مع انه مثل خاطىء

انت حطيته كمثل اننا مش نستهون باى شىء مهما كان صغير لانه بعد كده ومع الوقت بيكبر وممكن يغير الصورة خالص

مش ده قصدك ؟


فهمنا بقى ولا لا :)


لكن المثل غلط لانهم من حقهم يدافعوا عن ارضهم

بس دى كل الحكاية
ومعتقدتش يا رامى ان هيثم يزعل

ده فكر والفكر ميزعلش

الفكر يحاجج بالفكر

Ms Venus يقول...

انت دايما بتجيب التاريخ علشان ناخد منه عبر للمستقبل صح ؟


طيب يبقى ده عكس تفسيرك بان لكل زمن قواعده ؟


ازاى بفكرنا دلوقتى عاوزنا نقبل فكر اى غزو او احتلال لغرض معين او افرض فكر معين ؟

وبتجيب مثل وبتستنكر فيه الاتهانة بالقلة ومن غير ما تديهم الحق فى الدفاع ؟

Haytham Alsayes يقول...

هو ممكن يكون غزو لو في اضطهاد وتنكيل واحتلال للاراضي واغتصاب حقوق الناس وضياع كرامتهم وحريتهم

طيب هو فتح ؟؟
دة برضه ممكن تنظرى ليه انه مش فتح وانه غزو واحتلال
طيب بعيدا عن الدين وبمنتهي الامانة هو فتح اكتر منه غزو ليه يافينوس ؟؟
عشان كان الغرض الحقيقي فعلا ويقينا في نية المسلمين الاوائل هو حرية الشعوب اللي كانت تحت ذلة الفرس والروم وغيرهم طيب هتقولي مش من حقهم لا كان من مقاييس زمنهم حقهم لان المسلمين لو مكنوش عملوا التوسع كان الروم والفرس دمروهم وهما كانوا الوسط جغرافيا بين الدولتين
وبرضه من حقهم لايصال الفكرة والدين الاسلامي لاكبر عدد ممكن في وقت مكنش فيه تليفونات ولا تلفزيونات ولا دعاية سياسية ولا حاجة الا بدخول الجيوش الاسلامية للاراضي المجاورة

طيب اهالي البلاد دي فعلا كانوا بينظروا للمسلمين كمحتلين ولا فاتحين
الاغلب كانوا بينظروا فاتحين ومخلصين من الاحتلال زى مصر اللي كانوا فعلا مضطهدين دينيا ومذهبيا لغاية ماجه المسلمين وفعلا اعطولهم حريتهم وعلي فكرة معلومة بتغفل عن الجميع ظلت القبطية وظل الدين المسيحي قوى لفترة كبيرة تتعدى قرنين قبل انتشار الاسلام ودة يدل علي حرية من يختار اللي عاوز يدخل السلام اهلا به واللي مش عاوز اهلا به برضه في الدولة كمواطن له ماللمسلمين وعليه ما علي المسلمين

طيب مكنش فيه مدابح للمدنيين
لا مكنش فيه غير للمحاربين زى اي حرب في الدنيا
انا بقول الكلام دة بكل امانة وحيادية وممكن تقرى مراجع كتير في الموضوع دة هتلاقي ان الجيوش الاسلامية مكنش من اسلوبها انها تعمل مذابح ومش صحيح ان الاسلام انتشر بالسيف والا مكنتش اكبر دولة اسلامية دلوقتي اندونسيا مدخلهاش اي جندى مسلم ودخلت الاسلام عن طريق التجار المسلمين

يتبع

Haytham Alsayes يقول...

استنوا علي ياخوانا
:))))

انا بكتب وانتوا بتكتبوا استونا اخلص خالص وبعدين ردوا

انا عمري مابزعل خالص منكم
وهرد عليكم في كله لانه موضوع المناقشة جميل انه يكون بينا
اوك

الصبر يابشريه
ههههههه

Ramy يقول...

مش
صابرين
مش صابرين

(:

حاضر صابرين

Ramy يقول...

اوعى

تقولى لا صابريين و لا شريهان

Haytham Alsayes يقول...

طيب نيجي بعد الفاصل

فكرة الدعاية يافينوس موجودة لغاية دلقوتي
طيب ماهو التبشير شغال في افريقيا كويس
وعلي فكرة في وقت من الاوقات كان المبشرين مقدمة للغزو الاوربي في افريقيا ودة فعلا حقيقة تاريخية محضة من المراجع الاوربية ذاتها


طيب نيجي بقي للاندلس

انتي بتقولي من حقهم يقاوموا
طيب من حقهم فعلا لان دول بقايا جيش محارب منكسر مهزوم
طيب بالنسبة للشعب مشفناش ليه مقاومة من الشعوب ضد الغزاة المسلمين ؟؟

سؤال مهم جدا
ليه فعلا مشفناش ثورات ضد المحتلين المسلمين علي فكرة انا بكلمك كدارس بجد مش كانسان مسلم متعاطف مع بني جلدتي
اوك
طيب ليه فعلا مشفناش ثورات ضدهم
اولا لانهم عاشوا بحرية احسن من ذى قبل
ثانيا لانهم اندمجوا في المجتمع مع الاحتفاظ بدينهم ولغتهم لفترة طويلة
ثالثا لان مفهوم المواطنة فعلا كان بمقاييس الازمنة دي مطبق يمكن مش بنفس اللي بنطالب بيه دلوقتي بس فعلا كان موجود ووصلوا لمناصب الوزارة وخدموا في السلك الساياسي وفي امثلة كتييييييير اوى

طيب بتوع صخرة بلاى كانوا من بقايا جيش مهزوم منكسر لازم يقاوم الجيش اللي هزمه وكونوا دولة وحطوا فكرة ان المسلمين يطلعوا من الاندلس طيب عارفة يافينوس دة مثال متفرد من المقاومة الشديدة عارفة ليه
لان الاندلس دولة مسلمة في اوربا المسيحية فلازم نطرد المسلمين من ارضنا
طيب زى ايه دلوقت زى فلسطين اللي هي اصلا مسلمة وبرضه لاخوانا المسحيين جزء فيها ومقدسات فيها واليهود مستوليين عليها ومحتلينها عشان كدة بنحلم باليوم اللي نطرهم فيها نفس المعادلة مع الفارق ان اليهود نشروا الخراب والمسلمين اسسوا حضارة موجودة لغاية دلوقت في الاندلس
فهماني

طيب مقاتلين صخرة بلاى اسسوا مملكة وانتصروا علي المسلمين بمساعدة قوية جدا من مسيحيى اوربا لانها كانت معركة وجود زى معركتنا في فلسطين برضه وجود
فهماني يافينوس

انا عاوز اسمع ردك بجد لان المناقشة بينا اكيد باحترام وتفهم واكيد زى ماقلتي انا مش بزعل ودة فكر وحجة بحجة
وبالدين او بعيد عن الدين لازم نحترم بعض
لاننا اخوة في الانسانية والوطن
وبرضه ديني معلمني اني احترمك واحترم رامي وبرضه اللي اعرفه ان دينكم معلمكم انكم تحبوا الاخر وتحترموه :)))


تحياتي

Haytham Alsayes يقول...

رامي اطلع منها ياجدع
انت ايش دخلك اساسا
هههههههههههههههههههههههههه

انت فهمني ياودييييع
عاوزك تقرأ الرد وتدخل في المناقشة بجد

تحياتي يارامي باشا

Ms Venus يقول...

معلش هضيف جملة صغيرة وهسكت خالص لحد ما تخلص كلامك

بتقول ان فى الوقت ده طبيعى الفتح او الغزو لنشر الفكر
يعنى بالبلدى كده ده سلوهم زمان

هقولك اسمح لى اخالفك

المسيحة كانت قبل الاسلام

وانتشرت فى العالم كله باسلوب معاكس تماما للاسلوب اللى انت بتقول عليه كان عادى وقتها وطبيعى

Ms Venus يقول...

على فكرة فى مصر كان فى ثورات واقراء عن ثورات البشموريين

Ramy يقول...

هيثم باشا

انا لم أقراء التاريخ الأسبانى

او التاريخ الأندلوسى فمعرفش كان فيه ثورات من الشعب و لا لأ

بس دة ميخلكش تفتكر انى بشكك فى نزاهة الحكم اللى هو انت (:

اكيد فاهمنى

انا لما بقول ان الناس من حقها انها تدافع عن بلادها يبقى باجى على الجيش الأسلامى

بالرغم انى بأعتبر الجيش الأيرلندى مكافح لبلدة لغاية دلوقت و الأتنين مسيحين

انا باتكلم عن مبدأ ليس إلا

Ramy يقول...

مكناش

كل المصريين حبوا شخصية ويليم والاس الأسكتلاندى

لأنه كان عاوز يحرر بلده

Ramy يقول...

كل الكلام

على فكره ان المثل غير مناسب للوضع

مع الأعتبار اننا فاهمين انت قصدك ايه

Ramy يقول...

على فكره بقى

انا مبعرفش أتناقش بالكتابه

):

انا اون لاين على فكرة يا هيثم فى الياهو

و بعدين خلاص يا عم بدل ما حد يدخل المدونة يفتكرنا بنقطع هدوم بعض

Ms Venus يقول...

ايه ده خناقة ؟؟

ههههههههههه

اكيد فلول :)


طيب هتكملوا نقاشكم انتوا وانا امشى بقى

سألت السؤال وجريت :)

Haytham Alsayes يقول...

فينوس

سلو بلدهم انهم ينشروا دينهم
طيب المسيحية انتشرت في انحاء الامبراطورية الرومانية من الحواريين او الرسل في كل بلاد الرومان صح ؟؟؟

المسيح اسس دولة ؟؟
لا
طيب المسلمين اسسوا دولة وحدت العرب كان للدولة قواعد واسس ومؤسسات وحدود والحرب اللي خاضوها ضد الفرس والروم دى كانت حرب وجود وحدود في نفس الوقت فلهم الحق زى ما اتفقنا بمقاييس الزمان انهم ينشروا فكرتهم ودينهم للجميع فيما وراء الحدود وبما ان الحرب كانت وجود وحدود يبقي لازم في توسع ولازم في نشر للدين
بس مع الاعتبار انه لا اكراه في الدين
وان من شاء فليؤمن ومن شاء فليكفر يعني حرية الديانة مكفولة
وبما ان انها كانت حرب وجود بقت الدولة اللي كانت في الجزيرة العربية توسعت لحدود متسعة من حدود الصين لحدود فرنسا
تمام
لانه دولة ذات حدود ولها الحق ان تتوسع بعيدا عن فكرة الدين وبما ان الدولة اسلامية وفكرة المسلمين ودينهم بيحث عليهم الدعوة في سبيل الله يعني عرض الاسلام علي الجميع فكان الوضع ان الناس تدخل الاسلام دون اضطهاد ودون اكراه

طيب نيجي للثورة
ليه بنخلط ما بين امرين
الحكم العربي
والاسلام ؟؟؟؟
فيه فرق شاسع
طيب كان فيه اضطهاد للمسحيين في مصر اثناء الحكم العربي
اقولك كان فيه اكيد بس تعالي نحسبها بالورقة والقلم يافينوس
الحكم العربي دخل مصر من 1400 سنة طيب ثورات المسحيين كام ثورة وكانت ليه واتعمل فيهم ايه
طيب نيجي للطرف التاني مكنش فيه ثورة للمسلمين علي المسلمين
يعني مفيش ثورة للمصريين المسلمين علي الحكم العربي لا كان فيه كتير بسبب ظلم الولاه وفرض الضرائب
معني كدة ان الحكم لما يفسد ودة سياسيا الكل بيثور عليه
طيب بالنسبة لثورة المسحيين كانت علي ايه بالظبط علي المسلمين في مصر ولا علي الخليفة المأمون اللي ساب مصر فريسة لولاة طغاة يبهدلوا المسيحيين ويخالف تعاليم الدين
؟؟؟

طيب نقطة تانية برضه
علي طول التاريخ الاسلامي مكنش فيه اضطهادات للفئات الاخرى في المجتمع لا كان فيه
عارفة ليه ؟؟
نقص من المسلمين انفسهم يعني لما بيبتعدوا عن تعاليم دينهم بنلاقي افعال بعيدة كل البعد عن الدين
ولما يكون فعلا المسلمين بيحكموا بالاسلام وتعاليم الدين وقوانينه بنلاقي ان الجميع يعيش في سلام مع بعضهم وحقوق المسيحين او غيرهم بتبقي كاملة مكتملة ..

وانا لسة بسمعك والنقاش موجود بينا مع كل الاحترام مش بمل وانا بتناقش علي فكرة :)))

تحية ليكي

Ramy يقول...

يا هيثم

انت ايه روحت فين يا عم

(:

Haytham Alsayes يقول...

رامي

انت كدة وصلت للي انا عاوزه يابرنس

فعلا ايرلندا مسيحية وانجلترا مسيحية ومع ذلك في قتل ودم بينهم وتحرر
بس علي فكرة المثال ممكن ميكونش في نفس الفكرة اللي بنتناقش فيها

يارامي لازم نفصل ما بين حاجتين مهمين جدا

الحكم
والدين

بمعني ايه

بمعني ان كان في علي مدار التاريخ الاسلامي ناس طغاة ملاعين
يبقي كل المسلمين كدة ؟؟؟؟؟
يبقي الدين الاسلامي كدة ؟؟؟

طيب لو مسيحي حرامي
يبقي المسيحية بتحض علي السرقة ؟؟

اكيد لا وطبعا انت فهمني
افعال بعض المسلمين ساعات بتبقي بعيدة اساسا عن الدين ولا تمت له بصلة وكذلك المسيحيين او اي دين علي فكرة

الدين ربنا منزله لتهذيب الناس وتعليمهم المحبة والسلام طيب لو نفذناه نبقي محترمين ولو منفذتش التعاليم تبقي انت بجد بعيد عن الاخلاق

اكيد انت فاهم قصدى يارامي

الدين غير افعال الناس للاسف :(

:)))


معاك في المناقشة

Haytham Alsayes يقول...

رحت فين
انا اهو
ايش قصدك ياولدى :))

Ms Venus يقول...

جميل جدا انت جاوبت على نفسك

انت بتقول لتأسيس دولة


وفرق بين التاريخ الاسلامى والاسلام كدين

يبقى اللى بيؤسس دولة من حق الدول اللى بيغزوها او يحتلها انه يقاوم

لان هنا الغرض سياسى


وعلى فكرة انا مش بناقش معاك حق المسلمين فى الدعوة حتى لو استخدموا الغزوات والحروب

انا بس بناقش ان فى نفس وبمعايرنا احنا دلوقتى لازم نحط نفسنا مكان الطرف التانى اللى من حقه يثور وبرفض ويدافع ويحمى فكره وهويته

ده حقه

ولما ذكرت المسيحية حبيت بس اوضحلك ان فكرة الغزو مكانتش فكرة معممة زمان

Ramy يقول...

على فكرة
يا هيثم

انا مستمتع اكتر (:

بس بجد المناقشة شرخت على حاجات كتير مش قاصدين ندخل فيها

على فكرة احلى حاجة عجبتنى الفرق بين الحكم الأسلامى و العربى

عارف ليه

فاكر الراجل اللذيذ اللى كنت بتجيب الفيديو بتاعه لما كان بيروح اندونسياو كدة

هى بتوضح اللى انت قلته بالظبط يا هيثم

Ms Venus يقول...

ولان دايما بيتقال الاسلام دين ودولة


بنتظر غصب عننا نناقش فكرة الدولة

وهنا المشكلة

كدين كل انسان حر

لكن كدولة لا انت مش حر

Ms Venus يقول...

احنا هسكت لان التعليقات دخلت فى بعضها وهيجيلنا حول

Ramy يقول...

هيثم

حبيب قلبى لو ان نظرتى و حكمى على كل حد بيغلط يبقى كل اللى يقربلوا كدة و لا انى واحد مسلم عاملنى وحش مرة
يبقى انت كدة وحش زيه

لالالا خالص يا برنس انا بعامل الأنسان لذاته و ليس دينه

يا عم يا عم احنا دخلنا فى نقاشات مختلفة
الطول و الوزن و القافيه (:

Haytham Alsayes يقول...

فينوس

معممة يافينوس وفي امثلة مش لازم لنشر دين ممكن لنشر فكرة او غزو حربي لنشر مذهب

طيب لما نيجي حق المسلمين لدعوة او لنشر الدين بالحروب والغزوات
برضه بلاش نخلط بين حكم ودين
قلنا لو كان المسيحيين اسسوا دولة في فلسطين كانوا خافوا جدا عليها وحاولو يحافظوا عليها ولو الدول اللي حاوليها زي مثلا الروم والفرس دول عاتية في الاجرام وبتضهد الناس وبتحول بين المسيحية ودخول الناس فيها كان زمانهم دخلوا المناطق دي ونشروا دينهم صح ولا ايه ؟؟

طيب كانت زمان الدولة المسحيية انتشرت لحدود وبقي ليها مؤسسات وحكم ..صح ؟؟

حطي كدة المسحيين في الزمن اللي بنتكلم عنه مكن المسلمين كان ايه الوضع كان هيبقي نفس الوضع ..

طيب من حق الشعوب تدافع وتتحرر من اي غزو
اه
مظبوط
طيب لما يدخلوا الدين عن اقتناع ايه اللي يخليهم يقيموا ثورات الا لو في ظلم من نفس اللي بيحكموا واللي نفس دينهم
يعني مفهوم الثورة لو في احتلال عسكرى دون دخول الدين عن اقتناع
يبقي النتيجة المستخلصة من كل دة دخول الاسلام في قلوب وعقول الناس مش محتاج غزو ولا حرب
بدليل نيجيرا اللي في غرب افريقيا واندونيسيا اللي في جنوب شرق اسيا دخلوا الاسلام بدون حرب او غزو او اي حاجة

الدين اقتناع وتوصيل فكرة
:))

Haytham Alsayes يقول...

التعليقات دخلت علي بعضها جدا

استنوا شوية
هههههههههههه

Haytham Alsayes يقول...

رامي

قصدك احمد الشقيرى
دة روعة بجد

ان شاء الله في رمضان لو جه هنزله كل يوم
:))

وياعم رامي ولا شرخت ولا حاجة دي مناقشة انا مستمتع بيها بس يارب ماكونش تقيل علي قلبكم بس

ههههههههههه

:))

Haytham Alsayes يقول...

فينوس

فعلا الاسلام مش دين ودولة
الاسلام منهج حياة لكل حاجة
يعني بقي يشمل كل حاجة في الدنيا
طيب الدولة دينية مثلا في الاسلام لا
دولة مدنية سياسية محضة بس بتتحكم بمبادىء الاسلام ومش هكمل الا لما تيجي تعليقاتكم

حول :))

Ms Venus يقول...

لا المسيحية كدين من كده


لان المسيحية مفيهاش فكر الدين والدولة

وبالتالى مش هتستخدم اى شكل من الحروب

وحتى الحروب الصليبية اللى بيتحكى عنها

مع الاسف التاريخ تم تزوير جزء منه

لان الهدف الاساسى والوحيد للحملات الصليبية هو علشان ياخدوا الصليب والكفن المقدس للسيد المسيح

والحروب اللى عملوها حتى وان كانت تحت شعار الصليب فهى حروب سياسية بحتة ملهاش اى علاقة بالدين

ولا لنشر المسيحية

واخدوا الصليب والكفن اللى موجودين دلوقتى فى ايطاليا وعملوا صلح مع صلاح الدين ومشيوا

احنا لينا نفس الفكر لكن انا بتكلم فى نقطة وانت فى غيرها


لما تقول دين وتقرن الدولة مع الدين


هنا انت مع الاسف بتساوى بينهم

Ramy يقول...

لا يا
هيثم صدقنى خالص انا اساساً لو شخص عارف بيفكر ازاى

و لا بيتكلم ازاى مكنتش اتناقشت و لا اتكلمت معه

بالرغم انى مش عارف اتكلم علشان مبعرفش اوضح وجهة نظرى بالكتابة

Ms Venus يقول...

انت اللى بتقول يا هيثم ان الاسلام دين ودولة

دين وحدود


وبتحصن دولة الاسلام ضد اى تدخل خارجى للحفاظ على ايه ؟

هل للحفاظ على الدين ام للحفاظ على الدولة الاسلامية والحفاظ على هويتها

ما هو لو بتحافظ على الدين هقولك لا الدين اللى بيحافظ عليه الايمان بيه والاقتناع بيه

لكن الجيوش للحفاظ على الدولة

Haytham Alsayes يقول...

فينوس

شكلي هتعارك معاكي علي فكرة
هههههههههههه
طبعا بهزر
الحروب الصليبية كانت مصالح اقتصادية بحتة يافينوس ومش عارف فين التزيور في دة مفيش تزوير وقوليلي مراجع عشان اقرأ وجهة نظرك دي


طيب موضوع الحروب الصليبية كانت جاية عشان تاخد صليب الصلبوت والكفن المقدس وتمشي صح
طيب ماهي من الاول خدتهم فعلا من كنيسة القيامة لما غزوا القدس مشيوا بعدها ؟؟ لا كونوا اربع امارات صليبية وعاشوا 200 سنة طيب ليه مش مشيوا بعد ماخدوا الصليب
لان الحروب كانت اقتصادية وكان في مصالح تجارية كبيرة جدا للمدن الايطالية جنوة وبيزا والبندقية ومكنش ينفع انهم يفرطوا في الخير دة كله وعلي فكرة اساس الحملات كانت اقتصادية والباب دخل الدين فيها وباركهم في مجمع كلير مونت وحمس الناس وقلهم الصليب في ايدى المسلمين وخدوه منهم وخلصوا قبر المسيح من المسلمين يعني عشان كدة بقت صليبية لكن زى ما انتي عارفة كان في صراع بين البابوية والعلمانيين من الامراء اللي هما اساسا اسسوا الامارات دي للاحتلال الاقتصادي البحت والنهب من اراضي العرب يعني كان احتلال مش استرداد للاراضي المقدسة

وعلي فكرة في صلح الرملة بين صلاح الدين وريتشارد كان الاتفاق ارحلوا عن الاراضي المحتلة ولكم كل الحق في الحج اللي هو اصلا كان قبل الحروب موجود بين اوربا والقدس .

:))

حول
بجد مستمتع بنقاش جاد ومحترم بينا
:))

Haytham Alsayes يقول...

يافينوس
ماهو لما نيجي لما تبقي الدولة معظمها مسلمين ومقتنعين تماما بالاسلام
يبقي احتلال بقي عسكرى ولا ايه
وبعدين الجيوش لتأمين الحدود
مفي اي عسكرى في الدنيا يقنع حد بدين علي فكرة


الاسلام دين ودولة
الدولة لا تناقض تعاليم الدين والدين يشمل الدولة
واشكاليات الموجود دلوقتي بكل تفاصيله المريرة الان كانت غير بمقاييس زمن الفتوحات الاسلامية فهماني ؟؟

:))

حول

Ramy يقول...

بالمناسبة

للحج انت عارف ان احنا البابا شنودة منعنا نروح طول ما اسرائيل هناك و كمان هى اللى هتسيب على البسبور عالمها

بالرغم ان فيه ناس بتروح على فكره

لأن زيارة كنايس القدس عندنا ليها تقريبا نفس اهمية الحج للكعبة عندكم

Ms Venus يقول...

ههههههههههههه

هتتخانق معايا هتبقى فلول ههههههههههه


جميل انت قولت مصالح سياسية واقتصادية لكن مش دينية


تعالى بقى للغالبية العظمى من الشعب المصرى بيقول ايه على الحروب الصليبية دى ؟


انت عارف طبعغا من غير ما اقولك


انا اللى مستمتعة اكيد بالنقاش معاك بالعكس كمان ده انا خايفة اكون بضايقك

Ramy يقول...

نسيت اقول

حول (:

Haytham Alsayes يقول...

رامي

اه طبعا عارف
وبعدين يارامي فلسطين زى هي بتاعة المسلمين بتاعتة المسيحيين
وزى مالنا مقدسات لكم مقدسات
وربنا يردها لينا بالسلامة وتروح تقدس واقولك يامقدس رامي
:))

Ms Venus يقول...

لا يا هيثم المعضلة هى دين ودولة


الدولة سياسة والسياسة مسموح فيها الخداع والطرق الغير شريفة

غير طبعا الحروب و و و

ازاى تقرن ده بالدين ؟


الدين زى ما انت قولت لتهذيب البشر

لكن حدود الارض ملهاش علاقة بتهديب الانسان

مينفعش تقرن شىء حسى بشىء معنوى

والدليل من كلامك التضطهاد الرومانسى بكل وسائل تعيبه قدر يلغى المسيحية او يقضى عليها ؟
طبعا لا

فى حين ان كان فى استعمار وعذابات

لكن الدين امر حسى حتى لو الدولة احتلت الدين موجود

فهمتنى

Haytham Alsayes يقول...

فينوس

الشعب المصري اغلبيته جاهل بالتاريخ ودة كارثة
وكل معلوماته عن الحروب الصليبية من الافلام والمسلسلات بس بيقول ايه يافينوس انا مش عارف علي فكرة ياريت تقوليلي
بجد عشان اوضح

:))

تشربوا ايه
ههههههههههههههههه
انا مش متضايق ابدا بالعكس وربنا انا مبسوط اوى بالحوار الجميل بينا :))

حول ياعم رامي اهي
:))

Ms Venus يقول...

هههههههههههههه فى حروف بتقع وحروف بتدخل فى الكلام كده ملهاش لزوم

انت هتفهمنى طبعا

حووول :)

Haytham Alsayes يقول...

فينوووس

بصي يافينوس
اخواتنا المسيحيين بجد مش فاهمين الحتة دي عندنا

الاسلام منهج حياة كلي شامل من اول ما تقوم من النوم لغاية ما تنام ومن اول ما تتولد لغاية ما تموت


طيب السياسية
لازم نفصل كل ما هو دعوى يعني الدعوة والسلام والسياسية بمعني
ان مينفعش واحد شيخ مش بيفهم في السياسة يحكم ليه لانه مبيهمش في السياسة لكن السياسي يحكم

طيب افرضي السياسي دة مسلم متدين هيحكم بمبادئه اللي اتربي عليه
يعني مبادىء الدين وصلت للسياسة لكن انك تستخدم الدين في السياسة كشاعارات ودعايات فدة مرفوض
لان الاسلام اكبر من انه شعار سياسي

فهمتيني
يعني فيه فرق بين ان الاسلام يحكم او الحكم بمبادىء السلام تفرق كتييييير

ولا يهمك الحروف والمعاني واصلة جدا :))


حوووول

أم هريرة.. lolocat يقول...

السلام عليكم
ما اكثر الصخور التي تتحول الي جبال

كلمة جميلة ومعناها اجمل

هيثم كل ماتريد ان تقوله ترجمته انت فى اخر فقرة من التدوينة
وانا معك فى امنيتك ان يحفظ الله الثورة وتمر الايام بسلام و تنتهى محنة مصر

استمتعت بحواراتك انت والاصدقاء ايضا

شكرا لك اخى العزيز

لك تحياتى

Haytham Alsayes يقول...

لولو كات ام هريرة

سلامات سلامات

سلامتك الف سلامة عرفت انك كنتي مريضة
والحوار بقي امتد اهو بس انا مستمتع جدا
وفرحان انك مستمتعة بالحوار برضه

:)

تحياتي

Ms Venus يقول...

مبادىء الاسلام كدين هى هى مبادى كل الديانات


ايه هى المبادىء دى ؟

الحرية الحق العدل الكرامة المساواه

صح ؟

طب ده حتى الانسان الملحد اللى مالوش دين بيؤمن بالمبادىء دى

يبقى المبادىء الانسانية فطرة جوة الانسان ملهاش علاقة بدين معين


هتقولى لا فى شرائع وحدود خاصة بالاسلام

هنا بقى هسألك مين هيطبق الشرائع دى وبمفهوم مين ؟

وتفتكر الدين حين يطبق بأيدى بشرية ده مش اقلال منه

لان الدين اعلى من البشر
ازاى اخلى الاقل يطبق الاعلى ؟


فاهم قصدى ؟


علشان كده هنرجع تانى لفكرة الدولة


على فكرة كده الناس هتدخل المدونة وهتتخض ومش هتعلق ههههههههههههههههه

Ms Venus يقول...

انا هخلى عندى دم بقى واسكت واسيب فرصة للناس تعلق على التدوينة

سعيدة جدا يا هيثم بنقاشى معاك


تحياتى ليك ونتقابل فى نقلش تانى ان شاء الله

Haytham Alsayes يقول...

فينوس
ههههههههههههههههههه
ولا يهمك لا كل الناس اللي بتدخل هنا بتحب تقرأ التعليقات مش تقلقي خالص

طيب اوك متفق معاكي في حاجات
دي بقي اشكالية بيتهيألي اننا لازم ننتظر فيها قبل ما نتكلم بس هاعرض وجهة نظرى

مفهوم الدولة ضرورى اوى اوى
الدولة دي لها دستور وقوانين تطبق علي الجميع بدون تفرقة بين دين او عرق او جنس
اوك

طيب الدولة دي مثلا اسلامية هتتحكم بقي من الشيوخ عشان يطبقوا الشريعة والحدود
في الحالة دي ممكن تخافي جدا
وعلي فكرة دة مش هيحصل

وارجو من السادة اللي هيدخلوا يخلوا بالهم من كلامي عشان بتفهم غلط ساعات هههههههه

بمعني مش هيحصل ازاى
الشريعة يافينوس بمعني الكلام اللي انتي قلتيه حرية عدالة كرامة اللي هي موجودة في كل الاديان
صح
طيب الشريعة تحتوى علي قوانين او حدود طيب ماهي ممكن تكون موجودة في قوانين حديثة تتوافق مع اجتهادات العلماء
ودى وجهة نظر مطروحة علي كل حال

طيب الحدود دي هتتطبق علي مين المسلم ولا غير المسلم
علي فكرة المسلم بس دة اللي اعرفه
انما غير المسلم له قاعدة اتركهم فيما يدينون يعني لكن شرائع في الزواج والصلاق وغيره دي ملناش حق ندخل فيها

طيب بالطريقة دي يبقي لازم دولة مبنية علي قانون هيكون مستمد من الشريعة وغيره
ودستور مستمد من روح الشريعة اللي هي المبادىء اللي تفق عليها كل البشر


علي فكرة ممكن اضيف حتة المادة التانية دي علي فكرة ولا فزع ولا حاجة لان الغالبية مسلمين
زى كدة في دول اوربية كاتبين دين الدولة الرسمي المسيحية
عادي دى مفيهاش اي غلط او حتي ضرر لغير المسلمين ومش معني كدة انكم تتعاملوا كأقلية لا لكم كل الحقوق
وعموما معاكي ان اللي يطبق دة ميكونش وصي علي الناس اللي يطبق دة الدولة اللي هيكون فيها احزاب من كل التيارات

فهماني

حول :))

Haytham Alsayes يقول...

فينوس

انا اسعد
وليه تقولي كدة بجد انا مستمتع وبرد علي التعليقات وممكن نكمل في وقت تاني
براحتك مش بمل من اصدقائى الكرام
دة نقاش بينا بكل احترام ومودة

تحياتي يافينوس
وهمعل زيك وردة ليكي

:)))))))))

Ramy يقول...

و إلى هنا

ننتهى من برنامج الفردوس الضائع

حلقة فلنتعلم من الصخرة

سعدنا بحالة النقاش الجميل

بدون تقطيع الهدووم (:

تصبحوا على خير بقى

حوووول (:

Haytham Alsayes يقول...

رامي

ههههههههههههههههههه
طيب ياريت بجد يبقي كل المناقشات كدة
وبعدين تعالي هنا ايه تقطيع هدوم دي
بص
اكيد في اختلاف وفي تعادل في المناقشة
بس في ادب واحترام بينا
:))
صح ولا ايه

منورين
المدونة مدونتكم

تصبح علي خير يابو الروم :))

شمس النهار يقول...

زهقنا من كلمات العجلة والاستقرار هو فين الاستقرار ده حد يدلني عليه
المجلس بقا بيلعب بينا الكورة
زعلااانة من بعض شعب مصر اللي اتخلي عن الثورة
ان شاء الله نازلة التحرير يوم الجمعة

sony2000 يقول...

وانا مستمتعا بحاله تقاشكم اوي
حووووووول

ربنا معانا ومع مصر يارب
اللهم امين

وجع البنفسج يقول...

انا سعيدة من طريقة النقاش بطريقة مهذبة وراقية .. ربنا يديم المحبة يارب بين كل العرب مسلمين ومسيحيين ..
اما بالنسبة لمقالتك .. فكما قلت ارحموا الثورة يرحمكم الله .