الاثنين، 9 أبريل، 2012

عودة بجد

ازيكم
مش عارف في حد هنا ممكن يدخل او لا
انا لما دخلت مدونتي كنت عاوز ابكي
حاسس انها زعلانة مني اوى بسبب اني هجرتها تماما ومش بزورها ابدا الا بعض الساعات
لما بقرأ اللي كتبته من سنة او اكتر ببقي عاوز اعاقب نفسي اني مش بكتب فيها
مش عارف دي المرة الكام اللي بقول فيها هرجع وميحصلش
الموضوع كله كسل مش تعمد ..ومش عارف بكسل ليه
مدونتي ليها الفضل بعد ربنا اللي خلتني بعرف اكتب خلتني هيثم مش حد تاني
بجد زعلان جدا وبجد عاوز ارجع تاني
خايف اقول انا راجع وميحصلش بس فعلا المرة دي زعلان لدرجة اني عاوز اجبر نفسي علي الرجوع
لازم ارجع الحقيقة
وخلاص اهي الثورة راحت لحالها وكل حي خد الحتة بتاعته وخلاص
ارجع انا كمان لمدونتي اللي غالبا هي اغلي ماعندى في الحياة الان بعد ما كل حاجة بتروح ومش بترجع
مدونتي العزيزة ..انا راجع سواء برضايا او غصب عني

اخيرا رجعت بيتي الاصلي :)

وحشتوني يامدونين جدا ويارب تشوفوا البوست دة وكل واحد يعلق ويقول ماعنده
ملحوظة وبجد مش هزار
انا هكتب تاني بس مش عاوز مناقشات بيزنطية ولافارسية انت تقرأ وتقول رأيك وانا هتقبله
وعليك ان تتقبلني وتعصر علي نفسك لمونة كفاية كل حتة مناقشات وتخوين وانت تبع مين وانا تبع ايه
مش عاوز دة
اكتب وخلاص عشان ورمت والله
ملحوظة تانية
ان انتمائى اني مسلم عربي مصرى
غالبا هبهدل كل التيارات السياسية اللي مش عجباني
يعني هكتب تاريخ وسياسة كمان يالا بقي خليها تخرب
:)
اراكم قريبا جدا باذن الله

هناك 12 تعليقًا:

ليلى الصباحى.. lolocat يقول...

ياهلا ياهلا
مرحبا هيثم وحمد لله على السلالالالالالالالالالالالالالالامة

فى انتظار حواراتك وبهدلاتك زى ماانت عايز ولايهمك ههههههه


فى انتظار جديدك
تحياتى لك

Tarkieb يقول...

هههههههههه انت يا ابني انضميت للاخوان؟ انت مش دخلت قبل كدة وقلت جايلك يا احمد عدوية وبرضه خرجت ولم تعد....يعني لولا عمر سليمان ما كنتش جيت...ما بتخافوش الا بالعين الحمرا

جارة القمر يقول...

يارب تكون عودة بجد فعلا

د/دودى يقول...

معظمنا بيمر بالحاله دى اليومين دول...كلنا بنحاول نرجع ان شاء الله نرجع تانى لجو التدوين الدافئ

Haytham Alsayes يقول...

ليلي
ازيييك
وحشاني مدوناتك بجد
وان شاء الله
هكتب قريب جدا
:)

Haytham Alsayes يقول...

تركيب
ههههههههههههه
قصدك اني مليش كلمة بروح واجي يعني
فعلا
بس المرة دي علي جنب
اما الاخوان سيبهم علي جنب دلوقت
لكل مقام مقال
:)

Haytham Alsayes يقول...

جارة القمر

ان شاء الله اكيد
:)

والاسم حلو علي فكرة
:)

Haytham Alsayes يقول...

د دودى

للاسف كلنا كدة
ادي اللي خدناه من الثورة ههههه

:)

شمس النهار يقول...

:)))
ايه ياهيثم انت راجع تحت تهديد السلاح
:)))

اهلا بيك نورت
ويارب ماتمشيش تاني

وشوف عايز وزراة ايه وارجع عندي اقرا ردي عليك
وشوف كده كويس ولا عايز حاجة تانية

re7ab.sale7 يقول...

مساء البمفسج
الصراحة انا مش بدخل مدونتك اكيد كتير
وهتلاقيني زي طيف البنفسج كدة شوية هنا وشوية هنااااك
بس الصراحة انت غلطان
انك انشغلت عن مدونتك
مدونتك دي بنتك
انا كمان بعدت عن مدونتي شوية بس الحمد لله اللي شغلني عنها خلاص نسيته ورجعتلها تاني واحسن م الاول او علي الاقل ده اللي شايفينه اصحابي
صحيح مدونتي كانت زعلانة مني
بس لما بصا لي كدة قالتلي " انت خسيتي كدة لية يا رحوب انت كنت تعبانة ...؟ "
يعني عارفة اني كنت تعبانة ومش زعلت مني
وف الاول والاخر مدونتك
دي بيتك وبنتك اللي بتفضفض ليها وفيها
ومش لازم حد يقولك جميل ورائع
المهم تكون انت حاسس باللي بتقوله ومقتنع بيه
تحياتي

Haytham Alsayes يقول...

شمس النهار

ايون رجعت تحت تهديد كل الاسلحة

وحاضر هاجي واشوف بقي

:))

Haytham Alsayes يقول...

re7ab.sale7

عندى نفس الحالة المريرة
حسيت اني تايه
وبجد زعلت لكن اللي شجعني
اننا لازم نكتب
:)

منورة المدونة